பால், பீர், பஸ் மீது கல் வீச்சு...அஜீத் ரசிகர்கள் கலாட்டா!

ரசிகர்கள் இனிமேலாவது பக்குவமடைய வேண்டும் என்று பல அதிரடி முடிவுகளை அறிவித்து வந்தார் அஜீத். அல்டிமேட் ஸ்டார் பட்டம் வேண்டாம், தரமான படங்களைத் தர முயற்சிக்கிறேன், ரசிகர் மன்றம் என்ற பெயரில் தேவையற்ற அலம்பல் வேண்டாம், முக்கியமாக தன்னைப் பார்க்கக் கூட யாரும் வரவேண்டாம் என்றெல்லாம் அஜீத் என்னதான் புரட்சிகரமாக அறிக்கை விட்டாலும், அவரது ரசிகர்கள் தங்கள் ஆர்ப்பாட்டத்தை நிறுத்துவதைக் காணோம்.

இத்தனை நாள் படம் ரிலீஸாகும் போது அஜீத்தின் கட் அவுட்டுக்கு பூ மழை, பால் அபிஷேகம் மற்றும் பீர் அபிஷேகம் செய்து தங்கள் அபிமானத்தைக் காட்டி வந்த அஜீத்தின் ரசிகர்கள் இப்போது இன்னொரு படி மோலே போய் பொதுமக்களுக்கு இன்னல் விளைவிக்கும் மோசமான செயலில் இறங்க ஆரம்பித்துள்ளனர்.

இதற்கு முன்பு மதுரையில் நடந்த அசல் திருவிழா நிகழ்ச்சியில், உற்சாகம் எல்லை மீறிப்போய் அரசுப் பேருந்துகள் மீது கல்லெறிய ஆரம்பிக்க, அதில் பொதுமக்கள் பாதிக்கப்பட்டனர்.

இப்போதும் அதே போன்ற காரியத்தில் ஈடுபட்டுள்ளனர்.

மதுரையில் சில ரசிகர்கள், படத்துக்கு டிக்கெட் கிடைக்கவில்லை என்ற கோபத்தில் அரசு பல்கள் மீது கல் வீசி சேதம் விளைவித்துள்ளனர்.

மதுரை காளவாசல் பகுதியில் உள்ள ஒரு தியேட்டரில் நேற்று காலை 6 மணி முதலே அஜித் ரசிகர்கள் கூடியிருந்த அஜீத் ரசிகர்களுக்கு முதல் காட்சியை காண டோக்கன் முறை அமுல்படுத்தப்பட்டிருந்ததாம்.

ஆனால், டோக்கன் பெறாதவர்களும் படம் பார்க்க தியேட்டருக்குள் நுழைந்தனர். இதற்கு தியோட்டர் நிர்வாகம் அனுமதி மறுத்தது. இதனால் ஆவேசம் அடைந்த ரசிகர்கள் ரகளையில் ஈடுபட்டனர்.

அப்போது அந்த வழியாக சென்ற மூன்று பஸ்கள் மீது சரமாரியாக கற்கள் வீசி தாக்கினர். இதில் பஸ் கண்ணாடி முற்றிலும் உடைந்தது. இது குறித்து பஸ் டிரைவர்கள் கரிமேடு போலீசில் புகார் செய்தனர். புகாரின் பேரில் போலீசார் வழக்கு பதிவு செய்து விசாரணை நடத்தி வருகின்றனர்.

சென்னை கமலா திரையரங்கிலும் இதே போன்ற கலாட்டா நடந்துள்ளது. அங்கு நிறுத்தப்பட்டிருந்த வாகனங்களை அடித்து நொறுக்கிவிட்டு ஓடியுள்ளனர் அஜீத் ரசிகர்கள்.

சினிமாவை சினிமாவாகப் பார்க்காமல், இப்படி கிறுக்குத்தனம் செய்து மக்களின் வெறுப்பைச் சம்பாதிப்பதை எப்போதுதான் நிறுத்தப் போகிறார்களோ?

'வாரணம் ஆயிரம்' விருதுக்கு தகுதியான படமா?

விருதுகள் பெரும்பாலும் கொடுக்கப்படுவதில்லை... வாங்கப்படுகின்றன, என்று ஒரு பொதுவான குற்றச்சாட்டு உண்டு.

சமீபத்தில் அறிவிக்கப்பட்ட தேசிய விருதுகளில் சிறந்த பிராந்திய மொழிப் படமாக 'வாரணம் ஆயிரம்' தேர்வு செய்யப்பட்டிருப்பதே அதற்கு சான்று என்கிறார்கள் திரையுலகில் நல்ல அங்கீகாரம் கிடைக்கவில்லையே என்ற பொருமலில் தவிக்கும் தமிழ்ப் படைப்பாளிகள்.

'வாரணம் ஆயிரம்' என்ற தமிழ்ப் படம் தமிழரின் கலாச்சாரத்தையோ, வாழ்வியலையோ சொன்ன படம் அல்ல. ஆனாலும், அந்தப் படத்தை தமிழ் பிராந்தியத்துக்கான சிறந்த படம் என்று தேர்வு செய்துள்ளது விருதுக் குழு.

இதன் நிஜமான பின்புலம் என்ன?:

"எல்லாம் நக்மாதான். தேர்வுக் குழுவில் இடம் பெற்றுள்ள அவர், தனது தங்கையின் கணவர் நடித்த படம் என்ற ஒரே காரணத்துக்காக 'வாரணம் ஆயிரம்' படத்துக்கு சிறந்த பிராந்திய மொழிப் படம் என்ற விருதினைக் கொடுத்திருக்கிறார்கள். நல்ல தமிழில், தமிழ் படைப்பாளிகளால், தமிழ் மண்ணின் பெருமையும் வாழ்க்கை முறையையும் பறைசாற்றிய 'சுப்பிரமணியபுரம்' படம் இவர்கள் கண்ணுக்குத் தெரியவே இல்லை" என்கிறார் ஒரு படைப்பாளி.

சேரன் நடித்து கரு.பழனியப்பன் இயக்கிய 'பிரிவோம் சந்திப்போம்' படமும் விருதுக் குழுவால் புறக்கணிக்கப்பட்டுள்ளது. உண்மையில் இந்தப் படம் தமிழரின் ஒரு பிரிவினரான நகரத்தாரின் வாழ்வியலை மிகச் சிறப்பாகவே சித்தரித்திருந்தது.

இதுகுறித்து பிரபல தயாரிப்பாளர் இப்படிச் சொன்னார்: "உண்மையில் கூட்டுக் குடும்பத்தின் அருமைகளை, மிகவும் நாகரீகமாக, நல்ல நெறிகளுடன் சொன்ன படம் 'பிரிவோம் சந்திப்போம்'. ஆனால் அவர்களுக்கு இந்தப் படம் ஒரு பொருட்டாகவே தெரியவில்லை என்று நண்பர்கள் சொன்னார்கள். வருத்தமாக இருக்கிறது என்றார்.

இந்த ஆண்டில் வெளியான 'பூ' என்ற படத்தைப் பாராட்டாதவர்கள் இருக்க முடியுமா தெரியவில்லை. ஆனால் இந்தப் படத்துக்கும் எந்த அங்கீகாரமும் தரப்படவில்லை. கரிசல் மண்ணில் பிறந்த ஒரு பெண்ணின் உணர்வுகளை, கந்தகத்தோடு கலந்துவிட்டு அந்த மக்களின் வாழ்க்கையை நெகிழ்வுடன் சொன்ன படம் அது.

அட, தமிழரின் வாழ்க்கை முறை என்ற விஷயத்தை விட்டுவிட்டாலும் அபியும் நானும், பாரதிராஜாவின் பொம்மலாட்டம் என சிறந்த திரைக்கதையுடன் வந்த நல்ல படங்களை விருதுக் குழு கண்டுகொள்ளவே இல்லை என்பது குறிப்பிடத்தக்கது.

அது சரி... இவற்றிலெல்லாம் நக்மாவின் சொந்தக்காரர்களா நடித்தார்கள் அல்லது டெல்லியில் 'வேலையைக் காட்டி' விருதை 'வாங்கும்' அளவுக்கு மேனன்களும் கேரளத்தை சேர்ந்தவர்களுமா இயக்கியிருக்கிறார்கள்?

நன்றி
தட்ஸ்தமிழ்

2020 ன் தமிழகத்தின் முதல்வர் சினேகா அம்மையார் !

சினிமாவில் ரசிகர்கள் சீண்டவில்லை என்ற நிலை ஏற்ப்பட்டால் அரசியல்தானே அள்ளிக்கொட்டும் அடுத்த தொழில். இதோ புன்னகை இளவரசி என்று பட்டம் பெற்று இன்று புண்ணாக்கு திரைப்படங்களில் நடித்து கலை சேவை செய்து கொண்டிருக்கும் சினேகாக்கும் அரசியல் ஆசை ஆரம்பமாகி விட்டது.

நான் அரசியலுக்கு வருவேனா, மாட்டேனா என்பது இன்னும் 10 வருடங்கள் கழித்து தெரியும். என்னுடைய அரசியல் பிரவேசம் பற்றி பத்து வருடங்களுக்குப் பின் அறிவிப்பேன் என்று நடிகை சினேகா கூறியுள்ளார்.

யார் வேண்டுமானாலும் இப்போது அரசியலுக்கு வந்து விடலாம். மக்களுக்கான போராட்டத்தை நடத்திய அனுபவம் தேவையில்லை, அடிப்படை தகுதி தேவையில்லை. சினிமாக்காரர்கள் என்றால் கேட்கவே வேண்டாம், நான்கு படங்களில் நடித்தாலே நாற்காலி கனவுக்குப் போய் விடுகிறார்கள்.

அந்த வரிசையில் தற்போது சினேகாவும் அரசியலுக்கு வருவது குறித்து சூசகமாக தெரிவித்துள்ளார். ஆனால் இப்போது வர மாட்டாராம். பத்து வருடங்களுக்குப் பிறகு அது குறித்து தெரிவிப்பாராம்.


தமிழக திரையரங்குகளில் வெற்றி நடை போட்ட `வைஜயந்தி ஐபிஎஸ்' படம் ரீமேக்காக `பவானி' என்ற பெயரில் மீண்டும் தயாராகிறது. விஜயசாந்தி நடித்த வேடத்தில், சினேகா நடிக்கிறார். கிச்சா இயக்குகிறார். இசையமைப்பாளர் தினா. ஒளிப்பதிவு பூபதி. இப்படம் குறித்து சினேகா சென்னையில் நேற்று நிருபர்களுக்கு பேட்டி அளிக்கையில்,

'நான் சினிமாவுக்கு வந்து 9 வருடங்கள் ஆகிறது. 50க்கும் மேற்பட்ட படங்களில் நடித்து விட்டேன். இந்த 9 வருடங்களில் வித்தியாசமான கதையம்சம் உள்ள படங்களிலும், மாறுபட்ட வேடங்களிலும் நடிக்க வேண்டும் என்ற ஆசை எனக்குள் அவ்வப்போது ஏற்படும்.

சேலையை விட்டால், சுடிதார். சுடிதாரை விட்டால், பாவாடை அல்லது தாவணி என ஒரே மாதிரியான வேடங்களில் நடித்து அலுத்துப்போய் விட்டது.


வைஜயந்தி ஐபிஎஸ் படத்துக்கு பிறகுதான் விஜயசாந்தி அரசியலுக்கு வந்தார். அதேபோல் நானும் வருவேனா என கேட்கிறார்கள்.

முதலில் பவானி படம் திரைக்கு வரட்டும். அப்புறம் பார்க்கலாம். நான் அரசியலுக்கு வருவேனா, மாட்டேனா என்பது இன்னும் 10 வருடங்கள் கழித்து தெரியும். என்னுடைய அரசியல் பிரவேசம் பற்றி பத்து வருடங்களுக்குப் பின் அறிவிப்பேன்' என்றார்.

கண்டிப்பாக உங்களை போன்று மக்களுக்கு சேவை செய்யும் பெண்கள்தான் தமிழ்நாட்டு அரசியலுக்கு வர வேண்டும். என்ன செய்ய எல்லாம் எங்கள் தலைவிதி !

ஒரு ஜெயலலிதா அம்மையார்,பிரேமலதா அம்மையார் இருக்கும் போது ஒரு சினேகா அம்மையார் இருக்க கூடாதா என்ன?

....பகலவன்....

இந்த கொசு தொல்ல தாங்க முடியல பா ! விஜய்க்கு பத்மஸ்ரீயா !

தமிழ் நாட்டு மக்களே உங்களுக்கும் பத்மஸ்ரீ விருதுகள் வேண்டுமா! வேண்டும் என்றால் பகலவன் குழுமத்தை தொடர்பு கொள்ளவும்.கொஞ்சம் பணம் ,நிறைய விருதுகள்,இந்த சலுகை விருதுகள் உள்ள வரை மட்டுமே.உடனே முந்துங்கள்.

தோழர்களே விருதுகள் என்பது ஒரு தனி மனிதனின் உழைப்புக்கு கிடைக்கும் மிகப்பெரிய ஊக்குவிப்பு.ஆனால் அரசியலால் அந்த விருதுகள் பணத்துக்காகவே விலை போவதுதான் வேதனையிலும் வேதனை.

காங்கிரஸ் கட் சியில் சேருவார் என முன்பு கூறப்பட்டு, பின்னர் பின் வாங்கிய நடிகர் டாக்டர் விஜய்க்கு மத்திய அரசு பத்மஸ்ரீ விருது வழங்க முடிவு செய்துள்ளதாக செய்திகள் தற்பொழுது வெளியாகியுள்ளன.

இது வரை திரைப்படங்களில் எதையுமே மக்களுக்கு உபயோகமாக எந்த கதையையும் அவர் கொடுக்கவில்லை.அதாவது இவர் நடிக்கும் படங்களில் இன்னும் இவர் கல்லுரி மாணவரே.கடைசியாக இவர் நடித்த வேட்டைக்காரன் படத்தில் இவர் +2 மாணவர்.நான்கு பேரை ஒரே கையாள அடிப்பது.கதாநாயகியுடன் 4 பாடல்களில் குத்து நடனம் ஆடுவது இதுதான் இன்ற வரை திரையுலகில் இவர் செய்த சாதனை.

இவர் தன்னுடைய ரசிகர்களை வைத்து விரைவில் அரசியலில் குதிப்பேன் என்று சில மாதங்களுக்கு முன்பு அறிவித்தார் . அரசியலை மனதில் கொண்டு தனது ரசிகர் மன்றத்துக்கென தனி கொடியையும் வெளியிட்டார். தனது படங்களில் எல்லாம் தவறாமல் பன்ச் வசனம் வைத்து (கொசு தொல்ல தாங்க முடியல) தனது எண்ணங்களை கொட்டியும் வருகிறார்.

உச்சகட்டமாக சில மாதங்களுக்கு முன்பு டெல்லி சென்று ராகுல் காந்தியையும் சந்தித்தார். ராகுல் காந்தி தமிழகம் வந்தபோது அவர் முன்பாக காங்கிரஸில் இணைவார் என்றும் கூறப்பட்டது.

ஆனால் அதைத் தடுக்கும் வகையில் சென்னையில் சிலர், சில பல ரகசிய வேலைகளில் இறங்கியதால் அப்செட் ஆகி அரசியல் பிரவேசம் இப்போது இல்லை என்று அறிவித்து விட்டு ஆஃப் ஆகி விட்டார்.

இருந்தாலும் காங்கிரஸ் தரப்பு விஜய்யை வளைக்காமல் ஓயாது எனத் தெரிகிறது. அதை உறுதி செய்வது போல விஜய்க்கு பத்மஸ்ரீ விருது தர முடிவு செய்துள்ளதாக செய்திகள் அடிபடுகின்றன.

விஜய் காசு கொடுத்து படம் ஓட்டுவார்.காசு கொடுத்து டாக்டர் பட்டம் பெறுவார்,இப்போது காசு கொடுத்து பத்மா ஸ்ரீ வாங்க முடிவு செய்து விட்டார்.விட்டால் காசு கொடுத்து முதல் அமைச்சர் பதவி வாங்க ட்ரை பண்ணுவார் போலும் .

பல்வேறு துறைகளில் சிறப்பாக செயலாற்றியவர்களை கவுரவிக்கும் வகையில் இந்த விருதுகள் வழங்கப்பட்டு வருகிறது. பத்ம விருதுகளில் பாரதரத்னா விருது மிக உயரிய விருதாகும்.

பத்மஸ்ரீ, பத்மபூசன், பத்மவிபூசன் விருதுகளும் பத்ம விருதுகளில் அடங்கும். இந்த விருதுக்காக ஒவ்வொரு மாநிலமும் தங்கள் மாநிலத்தில் சிறந்த சேவையாளர்களை தேர்வு செய்து மத்திய அரசுக்கு பரிந்துரை செய்யும். அந்த பெயர்களை மத்திய அரசு பரிசீலித்து விருதுக்கு உரிய வர்களை தேர்வு செய்யும்.

இந்த ஆண்டு தமிழ்நாட்டில் இருந்து பத்ம விருதுகளுக்காக 20 பேரின் பெயர்கள் பரிந்துரை செய்யப்பட்டுள்ளன. அவர்களில் இருந்து மூன்றில் ஒரு பங்கு பேர் விருதுக்கு தேர்வு செய்யப்படுவார்கள்.

தமிழ்நாட்டில் இருந்து பத்ம விருதுக்கு தேர்வு செய்யப்பட்டுள்ளவர்களில் நடிகர் விஜய் பெயரும் இடம் பெற்றுள்ளதாக தெரிய வந்துள்ளது.

காங்கிரஸின் அன்பு வட்டத்திற்குள் விஜய் இருப்பதால் கண்டிப்பாக அவருக்கு இந்த விருது கிடைத்து விடும் என்றே தெரிகிறது.

விஜய்க்கு பத்மஸ்ரீ என்று இப்போது பரபரப்பு கிளம்பியுள்ளதால், சுறா ரிலீஸின்போது மீண்டும் காங்கிரஸில் சேரும் படலத்தை அவர் ஆரம்பிக்கக் கூடும் எனத் தெரிகிறது. என்ன கொடுமை சார் இது

இந்திய தேசிய விருதுகளில் மிக உயர்ந்தது பாரத ரத்னா. இதற்கு அடுத்த விருது பத்ம விபூஷண். மூன்றாவது பெரிய விருது பத்ம பூஷண். நான்காவது விருது பத்மஸ்ரீ என்பது குறிப்பிடத்தக்கது.

தமிழ் நாட்டு மக்களே உங்களுக்கும் பத்மஸ்ரீ விருதுகள் வேண்டுமா! வேண்டும் என்றால் பகலவன் குழுமத்தை தொடர்பு கொள்ளவும்.கொஞ்சம் பணம் ,நிறைய விருதுகள்,இந்த சலுகை விருதுகள் உள்ள வரை மட்டுமே.உடனே முந்துங்கள்.

வடிவேலு இப்பொழுது வெடிப்பது எதற்கு?

காமெடி என்றால் இன்று கவுண்டமணிக்குப் பிறகு கொடிகட்டிப் பறப்பவர் வடிவேலுதான்.

மனிதர் திரையில் தோன்றினாலே மனசு லேசாகி சிரிக்க ஆரம்பித்துவிடுவோம். ஒரு வெள்ளந்தியான கிராமத்து மனிதராக திரையில் சேட்டைகள் செய்யும் வடிவேலு, கிட்டத்தட்ட நிஜத்திலும் அதே வெள்ளந்தித்தனத்தோடு இருந்து விட்டார்.

அதன் விளைவு பெரும் நஷ்டத்தில் தவிக்கிறார். கூட இருந்த கூட்டாளி நடிகர்களே வடிவேலுவின் அறியாமையைப் பயன்படுத்தி பல கோடி ரூபாயைச் சுருட்டிக் கொண்டு ஓடியிருக்கிறார்கள்.

இதன் விளைவு இன்று கண்ணீரில் தவிக்கிறார் மனிதர்.

இதற்கு முன்பே கூட இதுபற்றி மீடியாவில் பேசிக் கொண்டார்கள் என்றாலும், வருமான வரித்துறையினர் சமீபத்தில் வடிவேலு வீட்டிலும் அலுவலகத்திலும் சோதனை நடத்தியபோதுதான் இந்த விஷயம் வெளியே தெரிய வந்துள்ளது.

வடிவேலுவைச் சுற்றி எப்போதும் துணை காமெடி நடிகர் பட்டாளம் இருக்கும். அவர்களில் சிலர் நெருங்கிய நண்பர்களாகவும் இருந்தனர். இவர்கள் எல்லோருக்குமே வடிவேலு மூலம் தொடர்ந்து வாய்ப்புகள் வந்தன.

அவர்களில் ஒருவர் சொந்தப் படம் எடுத்த போதுகூட, இலவசமாக நடித்துக் கொடுத்து உதவினாராம் வடிவேலு.

வடிவேலு, தனக்கான சம்பளத்தைக் கூட செக்காக வாங்க மாட்டார். பெரும்பாலும் கேஷ்தான். ஒரு கட்டத்தில் கோடி கோடியாய் சம்பாதித்த பணத்தை எங்கு முதலீடு செய்வது என்று புரியாமல் குழம்பிப் போனார். அப்போதுதான் கூட இருந்த சிலர் குழி பறிக்க வியூகம் வகுத்தனர். ரியல் எஸ்டேட்டில் முதலீடு செய்யுமாறு யோசனை சொன்னார்கள்.

நிலம் வாங்கி போட்டால் ஒரு வருடத்திலேயே விலை ஏறும், நல்ல ஆதாயம் கிடைக்கும் என்று ஆசை வார்த்தை கூறினார்கள். அதை நம்பி வடிவேலுவும் நல்ல இடமாகப் பார்க்கச் சொன்னார்.

மோசடி நடிகர்கள் போலி டாக்குமெண்டுகளை தயார் செய்து அரசு புறம்போக்கு நிலங்களை வடிவேலு பெயருக்கு பத்திரம் பதிவு செய்துள்ளனர். உச்சகட்ட ஏமாற்றுத்தனமாக சுடுகாடு அமைக்க அரசு ஒதுக்கிய நிலத்தையும் வடிவேலுவுக்கு வாங்கி கொடுத்துள்ளனர்.

இந்த நிலங்களுக்கு விலையாக ரூ 7 கோடியை வடிவேலுவிடமிருந்து அபகரித்துள்ளனர்.

சில மாதங்கள் கழித்துதான் உண்மை தெரிந்தது வடிவேலுவுக்கு. அதற்குள் ஏமாற்றியவர்கள் வடிவேலுவிடம் இருந்து பி்ரிந்து போய்விட்டனர். வெளியே சொல்ல முடியாமல் மனதுக்குள் வைத்தே அழுத வடிவேலு, போதும்டா சென்னை என்று மதுரைக்கே போய்விட்டார்.

சமீப காலமாக தனது சோகத்தை தன் தாயிடம் சொல்லி கலங்கிய வடிவேலுவை சமாதானப்படுத்தி, இனி மதுரையிலேயே இருந்து கொள் என்று கூறினாராம் தாயார்.

இதுபற்றி வருமான வரி அதிகாரிகளிடம் கூறிய வடிவேலு, என் நண்பர்களை நான் பெரிதும் நம்பினேன். அவர்கள் தாம்பரத்தை சுற்றி உள்ள பகுதிகளில் நிலம் வாங்கித் தந்தனர். பிறகு விசாரித்தபோது அது போலி டாகுமென்ட் என தெரியவந்தது. பேப்பரை வைத்து ஏமாற்றி விட்டனர் என்றாராம்.

வடிவேலுவைத் தொடர்பு கொண்டு இந்த விவரங்களைக் கேட்டபோது, "உண்மைதான்... என்ன பண்றதுன்னே தெரியல" என்றார்.

"கூட இருக்கும் நண்பர்களாச்சேன்னு குருட்டுத்தனமாக நம்பினேன். அவர்கள் மொத்தமாக மோசம் செய்துவிட்டனர். அவர்கள் போலியாக வாங்கி தந்த நிலத்தில் ஒன்று சுடுகாட்டுக்கு ஒதுக்கப்பட்டது.

இதனால் கடந்த சில மாதங்களாக கடும் மன அழுத்தத்துக்கு உள்ளாகி இருக்கிறேன். கஷ்டப்பட்டு சம்பாதித்த காசுல பெருந் தொகையை இழந்து விட்டேன்.

ஒவ்வொரு வரையும் சிரிக்க வைக்கும் நான் திரைக்கு பின்னால் அழுது கொண்டு இருக்கிறேன். நெருக்கமான நண்பர்கள் துரோகம் செய்தால் அதில் ஏற்படும் வலி தாங்க முடியாதுங்க.

திரையில மட்டுமல்ல, நிஜத்திலும் நான் ஒரு கோமாளின்னு மத்தவங்க தப்பா நினைச்சிடக் கூடாதேன்னுதான் வெளிய சொல்லல... நான் அதிகமா படிக்கல. அதனால சொன்னதையெல்லாம் நம்பிட்டேன்..." என்றார் கண்ணீருடன்.

'அதுக்கெல்லாம் நீ சரிப்பட்டு வர மாட்டே' என்று படத்தில் வடிவேலுவைப் பார்த்து வசனம் பேசியவர்கள் இப்போது நிஜத்திலும், வடிவேலுவை அழ வைத்து வேடிக்கை பார்த்துள்ளது திரையுலகை பரபரப்பில் ஆழ்த்தியுள்ளது.

தனக்கான சம்பளத்தைக் கூட செக்காக வாங்க மாட்டார். பெரும்பாலும் கேஷ்தான். ஏமாற்ற நினைத்தால் ஏமாறுவோம்.. அதுதான் இது. வருமான வரி கட்டாம இருக்க பணமா வாங்கியிருக்கார். பேராசைதான் இவ்வளவு நஷ்டத்திர்க்கும் காரணம்.

வடிவேலு கூறுவது எந்தளவுக்கு உண்மையோ தெரியாது. ஆனால், ரியல் எஸ்டேட், பிளாட் என்ற பெயரில் சென்னை நகரில் கிட்டத்தட்ட அனைவருமே எமாந்துகொண்டிருப்பது உண்மை. உலகம் முழுவதும் நிலங்கள் மற்றும் வீடுகளின் விலைகள் சரிந்து வீழ்ந்துவிட்ட போதிலும், சென்னை போன்ற இந்திய நகரங்களில் மட்டும் மேல்நோக்கிச் சென்றுகொண்டிருப்பது பெரும் அதிசயமே. ரியல் எஸ்டேட் முதலாளிகள், தங்களுக்குள்ளாகவே விலைகளை நிர்ணயம் செய்துகொண்டு மக்களை ஏமாற்றிக் கொண்டுள்ளது மறுக்கமுடியாது. சாப்ட்வேர் பணியாளர்களே இவர்களின் பிரதான இலக்கும் கூட.

சென்னையில் கட்டப்படும் பிளாட் எல்லாமே அரசு விதிமுறையை மீறிக் காட்டப்படுவதாகவும் அறியலாம். போலிப் பத்திரம், பதிவு என்று எல்லாவற்றிலும் மோசடியே தலைவிரித்தாடுகிறது சென்னை ரியல் எஸ்டேட் துறையில். சொத்து சேர்ப்பதிலும், ஆளுக்கொரு வீடு கட்டிக் கொள்வதே வாழ்க்கையின் தலையாய கடமை மற்றும் வானளாவிய சாதனை என்று குருட்டு எண்ணத்திலும் & முட்டாள்தனமான சிந்தனையிலும் மூழ்கிக் கிடக்கும் சென்னைவாசிகளே இந்த ரியல் எஸ்டேட் கும்பலுக்குப் பெரும் பலமும் கூட. ஏமாறுகிறவன் இருக்கும் வரை, எமாற்றுவோரும் இருப்பார் என்பது சரியே

இது வருமான வரித்துறையை ஏமாத்தற கதை தான். இதற்கெல்லாம் எவனும் பரிதாபப் படமாட்டான். முன்னணி நடிகரா வரணும்னாலே ஒரு லெவெலுக்கு அறிவு இருந்திருக்கணும். இப்போ போயி, அவரு மனசு வள்லேந்தி, வெண்ணைன்னு சொன்னா, நாங்க நம்பிருவோமா ?

பின் குறிப்பு,

வடிவேலுவுடன் பல படங்களில் துணை நகைச்சுவை நடிகராக நடித்த சிங்க முத்து தான் இந்த மோசடிக்கு காரணம் என்ற கருத்து பரவலாக உள்ளது.

டேய் நீ அவனா நீ !

பாலாவின் விருதுகள் கடந்து வந்த பாதை!

1999ம் ஆண்டு இயக்க வந்து இதுவரை மொத்தமே நான்கு படங்களை மட்டுமே இயக்கி முடித்துள்ள பாலா, இதுவரை 4 தேசிய விருதுகளை தனது படங்களின் மூலம் பெற்றுள்ளார்.

மதுரை அருகே உள்ள பெரியகுளம் நகரைச் சேர்ந்தவர் பாலா. மதுரை அமெரிக்கன் கல்லூரியில் படித்தவரான இவரது பின்னணிக்கும், இப்போது திரையுலகில் பிரமாதப்படுத்திக் கொண்டிருக்கும் இன்றைய நிலைக்கும் இடையே ஏகப்பட்ட வித்தியாசங்கள்.

இன்றைய தமிழ்த் திரையுலகின் பாதையை மாற்றியமைத்த பிதாமகர்களில் பாலாவும் முக்கியமானவர்.

மிகச் சிறந்த இயக்குநராக தனது முதல் படமான சேதுவிலேயே முத்திரை பதித்தார் பாலா. விக்ரம் என்ற அட்டகாசமான நடிகரை கண்டுபிடித்துக் கொடுத்தவர் பாலா.
பாலாவின் முதல் படமான சேது, சிறந்த பிராந்திய மொழிப் படத்துக்கான தேசிய விருதை தட்டிச் சென்றது.

அடுத்த படம் நந்தா. இதில் சூர்யாவை சிறந்த நடிகராகக் காட்டி அவருக்கு புது வாழ்வளித்தார் பாலா. இப்படத்தின் மூலம் அறிமுகமான கருணாஸ், இன்றைய காமெடியன்களில் முக்கியமானவர்.

அடுத்த படம் பிதாமகன். சேதுவில் கிடைக்க வேண்டிய சிறந்த நடிகருக்கான தேசிய விருதை இந்தப் படத்தின் மூலம் தட்டிச் சென்றார் விக்ரம். இந்தப் படம் 6 பிலிம்பேர் விருதுகளை அள்ளியது.

இப்போது நான் கடவுள் படத்துக்காக 2 விருதுகளை அள்ளியுள்ளார் பாலா.

இதில் வேடிக்கை என்னவென்றால் திறமையான நடிகர்களை, கலைஞர்களை அறிமுகப்படுத்தி விருது வாங்கிக் கொடுத்தவரான பாலாவுக்கே இப்போதுதான் சிறந்த இயக்குநருக்கான தேசிய விருது கிடைத்துள்ளது என்பதுதான்.

ஆனால் அதை விட முக்கியமானது, இயக்கிய நான்காவது படத்திலேயே சிறந்த இயக்குநருக்கான தேசிய விருதை வென்றுள்ள முதல் தமிழ் திரைப்பட இயக்குநர் பாலா தான்.

தமிழ் சினிமாவின் அடுத்த 5 புதிய படங்கள்!

ஒரு வழியாக பொங்கல் சீஸன் முடிந்தது. இப்போது அடுத்த இரு வாரங்களில் மேலும் 5 படங்கள் திரைக்கு வருவதாக அறிவிக்கப்பட்டுள்ளது.

சௌந்தர்யா ரஜினியின் கோவா, சிம்புதேவனின் இரும்புக் கோட்டை முரட்டு சிங்கம் ஆகிய இரு படங்களும் வரும் ஜனவரி 29ம் தேதி வெளியாகின்றன. இந்த இரு படங்களுமே சௌந்தர்யா மற்றும் சிம்புதேவனுக்கு மிக முக்கியமானவை.

அஜீத் ரசிகர்கள் ஆவலுடன் எதிர்ப்பார்க்கும் அசல், கார்த்தி-தமன்னா நடித்துள்ள பையா படங்கள் பிப்ரவரி 5ம் தேதி வெளியாகும் என்று கூறப்பட்டுள்ளது.

ஹாங்...சரத்குமார் நடித்து இணையத் தளங்களில் கூட ஓடாமல் போன ஜக்குபாயும் இந்த லிஸ்டில் உள்ளது!

இவற்றில் எத்தனை தேறும் என்பது ஒருபக்கம்... உண்மையிலேயே எத்தனை படங்கள் சொன்ன தேதியில் ரிலீஸாகும் என்பதுதான் முக்கியம்.

....பகலவன்....

புவனேசுவரி: முக்குலத்தோரின் புதிய வீராங்கனை !!

வாசகர்களுக்கு புவனேசுவரியைத் தெரியாமலிருக்க வாய்ப்பில்லை. விபச்சார வழக்கில் போலீசால் கைது செய்யப்பட்ட அந்த அம்மையார் சொன்னதாக சில பிரபல நடிகைகளின் பெயர்களை தினமலர் வெளியிட்டதைத் தொடர்ந்து, பத்திரிகை உலகத்துக்கு எதிராகக் கலை உலகம் கொதித்தெழுந்தது.

தமிழ்ச் சமூகத்தை தாங்கி நிற்கும் மூன்று தூண்களில் சினிமா, பத்திரிகை ஆகிய இரண்டு தூண்கள் மோதிக் கொண்டு வீழ்ந்துவிட்டால், டாஸ்மாக் என்ற மூன்றாவது தூணின் மீது தமிழ்ச்சமூகத்தின் மொத்த வெயிட்டும் இறங்கி, அந்தத் தூணும் தள்ளாடி நிலைகுலைந்து விடக்கூடும் என்ற அபாயத்தை தொலைநோக்குடன் புரிந்து கொண்ட கலைஞர், உடனே தலையிட்டு, அவ்விரு தூண்களுக்கிடையில் போர்நிறுத்தம் செய்து வைத்தார். அப்புறம் புவனேசுவரியைப் பற்றி நாம் எல்லோருமே மறந்து விட்டோம்.

இப்படி தனியொரு பெண்ணாக நின்று தமிழகத்தையே திரும்பிப் பார்க்கவைத்த புவனேசுவரி ‘யார்’ என்பதை அறிந்து கொள்ளும் அக்கறை, மூவேந்தர் முன்னேற்றக் கழகத் தலைவர் டாக்டர் சேதுராமனுக்கு மட்டுமே இருந்திருக்கிறது.

அந்த அம்மையார் யார் என்று புரிந்து கொண்ட மறுகணமே, அவரை மூவேந்தர் முன்னேற்றக் கழகத்தின் மகளிர் அணித் தலைவியாக நியமித்துவிட்டார் டாக்டர் சேதுராமன். அந்த அம்மையார் தேவர் குருபூசைக்கும் சென்று வந்துவிட்டார். தமிழகத்தையே கட்டி ஆண்ட மூவேந்தர் பரம்பரையில் வந்தவர்தான் புவனேசுவரி என்ற தெரிந்த பிறகு, இனி அவர் மீது கைவைக்கும் தைரியம் போலீசுக்கு வருமா என்று பார்ப்போம்.

ஒரு வேளை வெள்ளைக்காரன் மட்டும் நம் நாட்டைப் பிடிக்காமல் இருந்திருந்தால் என்ன நடந்திருக்கும், யோசித்துப் பாருங்கள்!

மன்னர் சேதுராம பாண்டியர், இளவரசி புவனேஸ்வரி, இளவரசர் கார்த்திக், தளபதி ஸ்ரீதர் வாண்டையார் போன்ற மாணிக்கங்களின் ஆட்சியின் கீழ் நாம் குடிமக்களாக இருந்திருப்போம். காந்தி கிடையாது, சுதந்திரம் கிடையாது, அரசியல் சட்டம் கிடையாது, அம்பேத்கரும் கிடையாது. எனவே பாப்பாபட்டி கீரிப்பட்டியும் கிடையாது. அம்பேத்கர் சட்டக்கல்லூரியில் அரச பரம்பரையினர் படிக்கவேண்டிய கட்டாயமோ, தேவர் குருபூஜைக்கு போஸ்டர் அடிக்க வேண்டிய தேவையோ, அப்புறம் அடிபட வேண்டிய அவசியமோ கிடையாது. என்ன செய்வது, வரலாறு என்பது வேந்தர் பரம்பரைகள் விரும்பும் வழியில் செல்வதில்லையே!

சென்னை சட்டக்கல்லூரி பிரச்சினையையே எடுத்துக் கொள்ளுங்களேன். புவனேசுவரி என்ற மாதர் குல மாணிக்கத்தை மகளிர் அணித் தலைவியாகவும், கார்த்திக் போன்ற தெளிந்த சிந்தனையாளர்களை கட்சித்தலைவர்களாகவும் கொண்டாட முடிந்த மூவேந்தர் வாரிசுகளான மாணவர்களுக்கு அம்பேத்கர் பெயரைப் போட்டு போஸ்டர் அடிப்பது கவுரக் குறைச்சலாக பட்டிருக்கிறது. எது கவுரவம் என்பதில் இரு வேறு கருத்துகள் இருக்கக் கூடாதா என்ன?

வெள்ளையனை எதிர்த்துப் போராடித் தூக்கில் தொங்குவது மருது சகோதரர்களுக்கு கவுரவமாகப் பட்டிருக்கிறது. அந்த மருது சகோதரர்களைத் தோற்கடிப்பதற்கு வெள்ளைக்காரனுக்கு வழி சொல்லிக் கொடுத்து, படை கொடுத்து, அவன் படைகளுக்கு சோறும் ஆக்கிப் போட்ட புதுக்கோட்டை தொண்டைமானுக்கு, வெள்ளைக்காரன் கொடுத்த மெடலைக் கழுத்தில் தொங்கவிட்டுக் கொள்வது கவுரவமாக இருந்திருக்கிறது. வெள்ளைக்கார துரையால் வளர்க்கப்பட்ட இந்த தொண்டைமானின் இளவல், அந்த துரையைத்தான் அப்பா என்று கூப்பிடுவானாம். அவன் மகனுக்கு அதுதான் கவுரவமாகப் பட்டிருக்கிறது. இப்படி வெள்ளைக்காரனிடம் அப்பன் பதவியையே பறிகொடுத்த தொண்டைமான், சின்ன மருதுவை நாய் என்று ஏசியிருக்கிறான். இவையெல்லாம் கவுரவப் பிரச்சினை குறித்த சில வரலாற்று விவரங்கள்.

சரி நிகழ்காலத்துக்கு வருவோம். புவனேசுவரியை மகளிரணித் தலைவியாகக் கொண்ட மூவேந்தர் முன்னேற்றக் கழகத்தினர், தேவர் குருபூசைக்கு ஒட்டுவால் மாதிரி மருதிருவர் குருபூசை என்று ஒரு கூத்தையும் கடந்த 5 ஆண்டுகளாக அரங்கேற்றத் தொடங்கியிருக்கின்றனர். பசும்பொன் முத்துராமலிங்கம் படம் பொறித்த மஞ்சள் கொடிகள், “”தேவர் வாழ்க! தேவர் படை போதுமா! இன்னும் கொஞ்சம் வேணுமா! பனமரத்துக்கே வவ்வாலா! தேவருக்கே சவாலா!” என்ற தேவர் குருபூசையின் கொள்கை முழக்கங்கள்தான் மருதிருவர் குருபூசைக்கும்!

மருது சகோதரர்கள் அகமுடையார் சாதியில் பிறந்தவர்கள். எனினும் உடம்பில் ஐரோப்பிய ரத்தம் ஓடும் ஆங்கிலேய கைக்கூலிகளைத் தவிர மற்ற அனைவரையும் ஒரே மக்களாகக் கருதி, அணிதிரட்டியவர்கள். மேலும் வேலைக்காரர்களாக இருந்து பாளையக்காரர்களாக மாறியவர்கள் என்பதால், அவர்கள் மூவேந்தர் பரம்பரைக்குரிய தகுதி இல்லாதவர்கள். எனவே வேந்தர் பரம்பரையில் வந்த சேதுராமன், புவனேசுவரி அம்மையார் போன்றவர்கள் மருதிருவருக்கு குருபூசை நடத்துவது தங்களுடைய கவுரவத்துக்கு இழுக்கு என்பதைப் புரிந்து கொள்ள வேண்டும். பக்கத்திலேயே இருக்கிறது புதுக்கோட்டை! விஜரகுநாத தொண்டைமான், முக்குலத்தில் ஒர் குலமான புதுக்கோட்டை கள்ளர் சாதியைச் சேர்ந்தவர். ஒரிஜினல் ஆண்ட பரம்பரை. மூவேந்தர் பரம்பரையின் கவுரவத்துக்கு ஏற்றவர்.

எனவே அடுத்த ஆண்டு முதல் மருதிருவர் குருபூசையைக் கைவிடுமாறும், புவனேசுவரி அம்மையார் தலைமையில் தொண்டைமான் குருபூஜையை துவக்குமாறும் கேட்டுக் கொள்கிறோம். சிறப்பு விருந்தினர்களாக மன்மோகன் சிங்கையும் சிதம்பரத்தையும் அழைக்கலாம். தட்டாமல் வருவார்கள்.

புதிய கலாச்சாரம், ஜனவரி – 2010

ஆயிரத்தில் ஒருவன்: செல்வராகவன் வரலாற்றுப் பின்னணி சொதப்பல்?

இதுவரை யதார்த்தத் தளத்திலேயே கதை சொல்லி வந்த செல்வராகவன் முதல் முறையாக வரலாறு, ஃபாண்ட்ஸி என்று புதிய களத்தில் அடியெடுத்து வைக்கிறார்.

வரலாற்றுப் பின்னணியில் ஒரு புனைவைக் கட்டமைத்து அதில்மாயாஜால அம்சங்களைச் சேர்த்து சமகாலப் பின்னணியில் கதை சொல்ல முயன்றிருக்கிறார் செல்வா. காணாமல் போகும் புதைபொருள் ஆய்வாளரைத் தேடிச் செல்லும் சாக்கில் பழைய கணக்கு ஒன்றைச் சரிசெய்ய ஒரு குழு வேலை செய்கிறது (இதில் முக்கிய நபர்ரீமா). 12ஆம் நூற்றாண்டில் சோழர்கள் எடுத்துச் சென்ற பாண்டிய நாட்டின் குல தெய்வச்சிலையைத் தேடிச் சென்று காணாமல்போகும் தன் அப்பாவைத் (பிரதாப் போத்தன்) தேடிச் செல்லும் ஆண்ட்ரியாவும் கூலியாளாக வந்து இந்தக் குழுவில் மாட்டிக்கொள்ளும் கார்த்தியும் இந்தப் பயணத்தில் சங்கமமாகிவிடுகிறார்கள்.

திடீர் திடீரென்று பற்றி எரியும் நெருப்பும் காலைச் சுற்றும் பாம்புக் கூட்டங்களும் ராட்சதப் புதை குழிகளும் ரத்தம் கக்கும் அனுபவங்களும் நரமாமிச பட்சிணிகளும் நிறைந்த இந்த ஆபத்தான பயணம் கடைசியில் துப்பாக்கிகளின் துணையோடு முடிகிறது. பழங்குடியினர் மீதான ஈவிரக்கமற்ற போராக மாறும் பயணம் அலுப்பூட்டுமளவுக்கு நீண்டுகொண்டே போனாலும் வித்தியாசமான பயணம் என்பதை மறுப்பதற்கில்லை.

இதுவரை எந்தத் தமிழ்ப் படத்திலும் பார்த்திராத காட்சிகள் (பழங்குடியினருடனான சண்டைகள், ஆயிரக்கணக்கான பாம்புகளுடன் போராட்டம், புதை குழிகள் கொண்ட பாலை நிலம்) ஆயிரத்தில் ஒருவன் படத்தின் சிறப்பு. படத்தின் பலவீனம் அதன் நீளமும் திரைக்கதைத் தர்க்கத்தில் இருக்கும் ஓட்டைகளும். ஃபேண்டசியை அடிப்படையாகக் கொண்ட படத்தில் தர்க்கத்தை எதிர்பார்க்ககக் கூடாது என்றாலும் படம் தான் தேர்ந்துகொண்ட கதைக் களத்துக்கு விசுவாசமாக இருக்க வேண்டும். நடராஜன் ‘நிழலில்’ அண்டித் தப்பிக்கும் கார்த்தி, ரீமா, ஆண்ட்ரியா ஆகியோர் ரத்தம் கக்குவதும் விசித்திரமாக நடந்துகொள்வதும் படத்தை வேறு திசையில் செலுத்துகிறது.

துப்பாகியையும் அறிவியலையும் உடலழகையும் ஆயுதங்களாக ஏந்தியிருக்கும் ரீமா திடீரென்று பாண்டிய வம்சத்து வாரிசாக அவதாரம் எடுப்பதும் சோழர்களின் தூதுவராகத் தன்னை நம்பவைக்க அவர் காட்டும் மந்திர வித்தைகளும் நம்பும்படி இல்லை. எனினும் சோழனுக்கு போடும் சொக்குப்பொடியில் ரீமா கவர்கிறார்.

இரண்டாம் பாதி பல கேள்விகளை எழுப்புகிறது:

* சோழர்கள் கிபி முதல் நூற்றாண்டிலேயே விவசாயம், நகர அமைப்பு ஆகியவற்றில் சிறந்து விளங்கிய நாகரிகத்துக்குச் சொந்தக்காரர்கள். அவர்களது வழி வந்தவர்கள் நர மாமிசம் சாப்பிடும் காட்டு மிராண்டிகளாக இருப்பது எப்படி?

* சோழர்கள் ஏன் ஆஸ்திரேலியப் பழங்குடியினர் போல இருக்கிறார்கள்?

* கன்னங்கரேலென்று இருக்கும் ‘சோழ’ர்களின் மகாராணி மட்டும் எப்படி வெளுப்புத் தோலுடன் இருக்கிறாள்?

* 800 ஆண்டுகளாக வெளி உலகத்துக்குத் தெரியாத ஒரு இனம் வியட்நாமில் வாழ்ந்துவருகிறது. அந்த இனத்தின் மேல் ஆயுதப்படை நடவடிக்கை எடுக்க அதிகாரி ஒருவரின் செய்தியே போதுமானதா? அவ்வளவு பெரிய கூலிப்படை எங்கிர்ந்து வந்தது? அவர்களுக்கு இந்த நடவ்வடிக்கை எடுப்பதற்கான அதிகாரத்தையும் ஹெலிகாப்டர்களையும் யார் கொடுத்தது?

* இவ்வளவு கஷ்டப்பட்டு இவர்கள் போகும் இடத்துக்கு பிரதாப் போத்தன் எப்படித் தனியாகப் போனார்?

செல்வராகவன் தனது மேலோட்டமான பார்வையால் மிகப் பெரிய தவறை இழைத்துவிட்டார். பல காட்சிகள் ஆங்கிலப் படங்களை அப்பட்டமாக நினைவுபடுத்துகின்றன (நடராஜர் சிலை நிழலில் ஓடும் காட்சி - மெக்கனாஸ்கோல்ட் மைதானத்தில் நடக்கும் சண்டை – கிளேடியேட்டர்).

அழகாலும் நடிப்பாலும் கவரும் ரீமா தனித்து நிற்கிறார். கிளாமர் என்று அடிக்கோடு போட்டுக் காட்டாத இயல்பான வசீகரத்துடனும் தெனாவட்டான உடல் மொழியுடனும் முதல் பாதியில் அட்டகாசமாக நடிக்கிறார். இரண்டாம் பாதியில் காமரசப் பாடலுக்கு ஆட்டம், வாள் சண்டை என்று பட்டையைக் கிளப்புகிறார். ஆண்ட்ரியாவுடன் சண்டை போடும் வேகம், ஜொள்ளு விடும் கார்த்தியின் இடுப்புக்குக் கீழே துப்பாக்கியை நீட்டும் அலட்சியம் என்று ரீமாவின் கொடி பறக்கிறது. சொந்தக் குரலில் பேசியிருந்தால் விருது கனவுகூடக் காணலாம்.

ரீமாவின் அதிரடிக்கு முரணாக அமைதியான பெண்ணாக வரும் ஆண்ட்ரியா தன் அழுத்தமான முக பாவங்களால் கவருகிறார். அழகான தன் கண்களாலேயே அதிகம் பேசுகிறார். குடித்துவிட்டு ஆட்டம் போடும் இடத்திலும் ரீமாவுடன் வாய்ச் சண்டை போடும் இடத்திலும் வித்தியாசமான அவதாரம் எடுக்கிறார்.

அடாவடி, தடாலடிப் பேர்வழியாக வரும் கார்த்தி சட்டென்று நம் மனதுக்குள் இடம்பிடித்துவிடுகிறார். இரண்டு பெண்களையும் படு கூலாகப் படுக்க அழைக்கும் காட்சியில் தியேட்டர் அதிர்கிறது. மனசில்லாத மாப்பிள்ளையாக இந்தக் குழுவில் மாட்டிக்கொள்ளும் கார்த்தி, அடுத்தடுத்து ஆபத்து நேரும்போது தன் அதைச் சமாளிக்கும் காட்சிகளில் ஹீரோத்தனம் இல்லாத நடிப்பை வெளிப்படுத்தியிருக்கிறார். கடைசி சண்டைக் காட்சி தவிர மற்ற எல்லா இடங்களிலும் இவரை யதார்த்தமான பாத்திரமாகவே காட்டியிருக்கும் செல்வராகவனைப் பாராட்டலாம்.

சோழ அரசனாக வரும் பார்த்திபனுக்கு இது வித்தியாசமான வேடம்தான் என்றாலும் ஓயாமல் கத்துவதைக் கேட்கும்போது எரிச்சலாக இருக்கிறது.

ஒளிப்பதிவாளர் ராம்ஜியின் உழைப்பு படம் முழுவதும் தெரிகிறது. கிராஃபிக்ஸ் காட்சிகள் தொழில்நுட்ப நேர்த்தியோடு கையாளப்படவில்லை. படத்தின் பலங்களில் ஒன்றாக இருந்திருக்க வேண்டிய கிராஃபிக்ஸ் காட்சிகள் பலவீனங்களில் ஒன்றாகவே தெரிகிறது.

அந்தப் பழங்காலக் கட்டிடங்கள், சோழர் காலத்திய அணிகலன்கள் என்று பல இடங்களில் கலை இயக்குநர் சந்தானம் உழைத்திருந்தாலும் படத்தின் நம்பகமற்ற தன்மை அனைத்தையும் கேள்விக்குள்ளாக்குகிறது.

ஜி.வி. பிரகாஷ்குமார் இசையில் நெல்லாடிய பாடலும் உன் மேல ஆசதான் பாடலும் நன்றாக இருக்கின்றன. பின்னணி இசை பரவாயில்லை.

குறைகளை மீறி முதல் பாதி பரவாயில்லை. சகல அம்சங்களிலும் சொதப்பும் இரண்டாம் பாதி எரிச்சலையும் ஆயாசத்தையும் மட்டுமே கொடுக்கிறது.

இந்தப் படம் தரும் மிகப் பெரிய அதிர்ச்சி செல்வராகவனின் அலட்சியம்தான். வெறும் அதிர்ச்சிப் படிமங்களுக்காக படம் எடுப்பவரோ என்னும் பிம்பம்தான் மிஞ்சுகிறது. நீங்கள் செல்வராகவன்?

உங்கள் கடும் முயற்சி உங்கள் கவன குறைவால் வீண் போனதாகவே உணர்கிறோம்.அதே சமயத்தில் உங்கள் இந்த கடின உழைப்புக்கு வாழ்த்துக்கள்.

எத்தனை குறைகள் நாங்கள் கூறினாலும் தமிழ் சினிமாவின் பாதையை மாற்றிய பெருமை உங்கள் படத்தை சாரும்.எத்தனை ஓட்டைகள் இருந்தாலும் இந்த ஓட்டைகள் அடைக்கப்பட்டு இருந்தால் விருதுகள் குவிந்து இருக்கும் என்பதுதான் தமிழ் ரசிகர்களின் எண்ணம.எத்தனை ஓட்டைகள் இருந்தாலும் இது வித்தியாசமான பார்வைக்கு வெற்றி படமே.!

PAGALAVN

வேட்டைக்காரன் தமிழ் சினிமாவின் ஒரு மைல் கல் ! ஒரு உண்மை அலசல் (ஆப்பு)

தசாவதாரம் படத்தில் பல்ராம் நாயுடுவின் 'மொழித் திறமை' குறித்து அவரது அசிஸ்டென்ட் வெள்ளைக்கார அதிகாரிகளிடம் கூறுகையில், சார், 'நான்கு மொழிகளில் தெலுங்கு' பேசுவார் என்று பிரமாதப்படுத்திக் கூறுவார். அந்தக் கணக்காக ஆகியுள்ளது வேட்டைக்காரன் பட விளம்பரங்கள்.

வேட்டைக்காரன் படம் வெளியாகி 30 நாட்களையே எட்டியுள்ள நிலையில் 40 நாட்கள் என்று கூறி போஸ்டர் அடித்துக் கலக்கியுள்ளனர் சென்னையில்.

டிசம்பர் 18ம் தேதி வேட்டைக்காரன் ரிலீஸானது. நேற்றுடன் அப்படம் 30 நாட்களைத் தொட்டுள்ளது. ஆனால் அதற்குள் 40 நாட்கள் போஸ்டரை ஒட்டி விட்டனர் சென்னையில். இதைப் பார்த்து விஜய் ரசிகர்களுக்கே கொஞ்சம் போல குழப்பம் ஏற்பட்டுள்ளது.

இது மட்டுமா... வேட்டைக்காரன் படத்துக்கு ஒரு டிக்கெட் வாங்கினால் ஒரு டிக்கெட் இலவசம் என்று ஆடித் தள்ளுபடி ரேஞ்சுக்கும் போஸ்டர்களை ஒட்டி அசத்தி வருகின்றனர் விஜய் ரசிகர் மன்றத்தினர்.

மேலும், குறைந்த கட்டணத்தில் என்ற புது பிட்டையும் வேட்டைக்காரன் பட போஸ்டர்கள் மீது ஒட்டி வருகின்றனராம் தியேட்டர்காரர்கள்.

ஏன் இந்தக் குழப்பம், குளறுபடி என்று தெரியவில்லை. நல்ல வேளை 30 வது நாலுக்கு பதிலா 100 வது நாள் போஸ்டர் ஒட்டலேயே அதுவரைக்கும் சந்தோசம்.

போக்கிரி, கில்லி. போன்ற படங்கள் எல்லாம் மாபெரும் வெற்றி பெற்றன. வேட்டைக்காரன் அளவுக்கு மேற்கண்ட படங்கள் விளம்பரம் செய்யப்பட்டிருக்குமானால் வாழ்க்கையில் அவர்கள் வேறு படங்கள் எடுக்க வேண்டியதில்லை அவ்வளவு வருமானம் வந்து கொண்டிருக்கும். போக்கிரி, கில்லி அளவுக்கு வேட்டைக்காரன் இல்லை. மீடியாக்களால் எதையும் சாதிக்க இயலும் என்பதை சன் நெட்வொர்க் நிரூபித்துள்ளது "இதுக்கா இவ்ளோ பில்ட்-அப்" என்று படம் பார்த்த ரசிகர்கள் புலம்புவது தான் பரிதாபத்தின் உச்ச கட்டம்.

இன்னும் வெளிவர போகும் விளம்பரம்.

வேட்டைக்காரன் படத்துக்கு ஒரு டிக்கெட் வாங்கினால் ஒரு டிக்கெட் இலவசம்.கூடவே நூறு கிலோ பொன்னி அரிசி, ஆறு மாசத்துக்கு மருத்துவ செலவு, குழந்தைகளுக்கு ஜியோமேட்ட்ரிக் பாக்ஸ், இந்த கல்வி ஆண்டுக்கான பாடநூல், பெண்களுக்கு ஜிமிக்கி மூக்குத்தி எல்லாம் இலவசம்.முக்கியமாக ரசிகர்களுக்கு குடும்பக்கட்டுப்பாடு அறுவை சிகிச்சை இலவசமோ இலவசம்.

மக்களின் உணர்ச்சிகளைத் தூண்டி விடும் நாட்டுப்பற்று உள்ள தீவிரவாதத்தை ஒழிக்கும் ரௌடிகளை ஒழிக்கும் ஊழல் அரசியல்வாதிகளை ஒழிக்கும் படங்களைச் செய்து கோடிக்கணக்கில் கறுப்புப்பணம் புழங்கும் வரிஏய்ப்பு செய்யும் நடிப்புத் தொழிலை புறக்கணிக்காதவரை இந்த தேசம் உயராது உருப்படாது. கோடிக்கணக்கில் சம்பாதிக்கும் (பாதி கருப்புப்பணம்) வரிஏய்ப்பு ஒரு பிரபல நடிகர் ஆந்திர புயல் பாதிப்புக்கு ஒரு லட்சம் தருகிறார் நம்மைப்போல் சாமானியன் கொட்டித் தரும் காசில் கோடிபார்க்கும் இவர்கள் லட்சத்தில் தருவதாகச் சொல்லி தராத கேடிகளே தவிர நல்லவர்கள் கிடையாது.

திரு டாக்டர் விஜய்க்கு ஒரு அறிவுரை,

அடுத்த படம் சுறா பாத்துப்பா புறா மாதிரி அதுவும் பரந்துற போவுது,


....பகலவன்....

எல்லாளன்: வன்னியில் தயாரிக்கப்பட்ட வீரத் திரைப்படம் (படங்கள் இணைப்பு)

இப்படம் தமிழர் விடுதலைப்போராட்ட வரலாற்றில் பெரு வெற்றிபெற்ற பெரும் தற்கொடைத் தாக்குதலில் ஒன்றாகிய அனுராதபுரம் வான்படை தளம் மீதான தாக்குதலை மையமாக கொண்டு தயாரிக்கப்பட்டுள்ளது. இத்தாக்குதலின் பின்னர் இவ்வெற்றித் தாக்குதலை வெளியுலகிற்கு வெளிப்படுத்துவதற்காக சக போராளிகளின் பங்குபற்றுதலில் தயாரிக்கப்பட்ட திரைப்படம் தான் எல்லாளன் என்னும் திரைப்படமாகும்.

சகல தயாரிப்பு வேலைகளும் பூர்த்தியுற்றநிலையில் கடந்த வருடம் வெளிவர இருந்திருப்பினும் வன்னியில் நடைபெற்ற இன அழிப்பு அனர்த்தம் காரணமாக அப்போது வெளிவர முடியவில்லை ஆயினும் சகல இன அனத்தங்களுக்குள்ளிருந்தும் வெளிப்பட்டு எல்லாளன் என்ற பெயருக்குரிய மிடுக்குடன் புலம்பெயர் தமிழர்கள் அதிகமாக வாழும் கனடாவில் வெளிவருகிறது எல்லாளன் திரைப்படம்

கடந்த புதனன்று எல்லாளன் திரைப்படம் ரொறன்ரோ நகரில் ஜெராட்வீதியில் உள்ள ஜெராட் சினிமாவில் ஊடகவியலாளர்களுக்கும் மற்றும் பிரமுகர்களுக்கும் கௌரவ காட்சியாக காண்பிக்கப்பட்டது.

சனவரி 9ம் திகதி சனிக்கிழமை முதல் ஜெராட் சினிமாவில் சனி, ஞாயிறு தினங்களில் மாலை 2.30, 5.00 மணிக் காட்சிகளாகவும் இரவு 7.30, 10.00 மணிக்காட்சிகளாகவும் கிழமை நாட்களில் இரவு 7.30, 10.30 மணிக் காட்சிகளாகவும் காண்பிக்கப்படுகின்றது. உலகின் ஏனைய பாகங்களிலும் விரைவில் திரையிடப்படவுள்ளது.

இக்காட்சியின் தொடக்கநிகழ்வில் மாவீரர்களுக்கு அங்சலி செலுத்தப்பட்டதுடன் இப்படத்தின் தொகுப்பாளர் (editing) கோமகனின் தாயாரினாலும் கனடாவில் தயாரிக்கப்பட்ட ஆங்கிலத்திரைப்படத்தின் இயக்குனரும் தயாரிப்பாளருமான லெனின் அவர்களினாலும் குத்து விளக்கேற்றி ஆரம்பிக்கப்பட்டது.

21 கரும்லிகள் தங்கள் உயிரை ஈய்ந்து நடத்திய இத்தாக்குதலை எவ்வித கற்பனை கலப்புமின்றி அப்படியே மீண்டும் ஒரு முறை நம் கண்முன்னே நடத்திக் காட்டுகின்றது எல்லாளன் எனும் இத்திரைப்படம்.

ஒரு சில மணி நேர தாக்குதலுக்காக போராளிகள் எத்தனை நாட்கள் பயிற்சி என்னும் தவம் புரிந்துள்ளனர் என்பதும் நாட்டின் விடுதலைக்காய் தன் உயிரை உவந்து அளிக்கும் ஒவ்வொரு போராளியின் பின்னும் நேசமும் பாசமும் கொண்ட குடும்பமும் நட்பும், ஏன் காதலும் கூட இருக்கும் என்பது பலர் அறியாதது. ஆனால் இத்திரைப்படம் இவற்றை தத்துரூபமாக தெளிவாகக் காட்டுகின்றதது

இத்திரைக்காவியம் ஈரமும் வீரமும் கொண்ட கவிதையாய் பதிவு செய்துள்ளது.

இப்படத்தின் நாயகன் உட்பட படத்தில் நடித்த நால்வர் படம் தயாரிக்கப்பட்டுக்கொண்டிருந்த காலத்திலேயே வீரச்சாவடைந்து விட்டனர் ஏனையோர் நிலை என்னவோ?

இத்திரைக்காவியம் வன்னியில் படப்பிடிப்பு செய்யப்பட்ட இறுதித்திரைப்படமாகும்.

இப்போதைக்கு எமக்காக மடிந்த மாவீரர்கள் தங்களின் வீர தீரத்தை ஈகத்தை எமக்கு காட்டியுள்ளனர் அந்ததக் காட்சிகள் இனி எப்ப வருமோ?

அவர்களுக்காக நாம் ஒரு தரம்…………….

First Release In Canada On 9 th Of January 2010

Release In Canada

1982 - காதல் கதை

என் மகன் காதலை என்னிடம் சொல்லியது எனக்கு என்னுடைய பழைய காதலை கிளறி
விட்டது போல் இருந்தது.1980 இளையராஜா கொடி கட்டி பறந்த நேரம்.ராஜாவின் பாடல்
கேட்டாலே காதல் செய்ய தோன்றும்.!
gramaphonil இளையராஜா ஒலித்துக்கொண்டே இருப்பார்.”இளமை என்னும்
பூங்காற்று” கேட்டுக்கொண்டே கட்டிலில் புரளுவேன் தலைகாணியை என் அவளாக……..!
“கண்ணே கலை மானே” ஒலித்துக்கொண்டிருக்கும் எப்பொழுதும்.பாலு மகேந்திர ஆதர்ஷ
கலைஞன்.உற்சாகமாக இருக்கும் போது “மடை திறந்து” பாடல் ஓடிக்கொண்டிருக்கும்.சில
நேரம் “உள்ள அழுகுறேன் வெளிய சிரிக்கிறேன் நல்ல வேஷம் தான்” முதல் மரியாதை
பாடல் என் அப்பா கேட்டு கொண்டிருப்பார்.பக்கத்துக்கு வீட்டில் புதிதாக ஒரு குடும்பம்
குடியேறியது.

அவர்களுக்கு சொந்த வீடு இல்லை,ஆனால் அழகான பெண்ணை சொந்தமாக
வைத்திருந்தார்கள்.வசதி இல்ல வீடு.நான் போடும் பாடலை அந்த பெண் கேட்டு
கொண்டிருப்பாள் அவள் வீட்டிலிருந்து.நான் சத்தத்தை அவளுக்காகவே அதிகமாக
வைப்பேன்.”இதயம் ஒரு கோவில்”"பூ மலையே தோள் சேரவா” “மன்றம் வந்த
தென்றலுக்கு” “என்ன சத்தம் இந்த நேரம்…”

மார்கழி மாதம் தரையில் கையால் கோலம் போடுவது அல்லாமல் காலால் கோலம்
போட்டால்….! அவளும் காதலிக்கிறாள் …..

“ஒரு கோலமே

கோலம் போடுகிறதே…..!”

நாங்கள் இருவரும் கண்களால் பேசிக்கொண்டோம்.”அந்த நிலவா தான் நான் கைல
பிடிச்சேன்”.இளையராஜா இல்லை என்றால் அந்த காலத்தில் காதலே இல்லை என்று
சொல்லலாம் .காதலை வெளி படுத்தவும் பாடல் ,தோல்வி அடைந்தாலும் பாடல்.

நாங்கள் பல படங்கள் பார்த்தோம்.அப்பொழுதெல்லாம் வேலை இல்லா திண்டாட்டம்..
இப்பொழுது இருக்கும் அமெரிக்க மாப்பிளை போல அப்பொழுது எல்லாம் வில்லனாக
வருவார் Bank officer.

“உனக்கே உயிரானேன் எந்நாளும் என்னை நீ மறவாதே”……அவள் மறு வீட்டிற்கு
கணவனுடன் வரும் போது சத்தமாக வைத்தேன்.அவள் இரவு தூங்கும் போது அழுது
இருப்பாள்.அப்புறம் எனக்கும் கல்யாணம் ஆனது ஒரு பையன் அவன் இப்பொழுது காதலில்.
ஆம் அவனுக்காவது காதல் வாய்க்க வேண்டும்.”சரி டா பொண்ணு வீட்ல பேசலாம்”
என்றவுடன் அவன் கண்களில் சிரித்து நன்றி சொன்னான்

பெண் வீட்டிற்கு சென்றால் அதிர்ச்சி. பெண்ணின் அம்மா என் காதலி.இருவரும்
மௌனமாய் பேசிக்கொண்டோம்.
அப்பொழுது அவள் கண்ணை பார்த்து மௌனமாய் சொன்னேன் “நாம் இருவரும்
கல்யாணம் செய்து நம் குழந்தைகள் அண்ணன் தங்கை ஆவார்கள் என்று
நினைத்தோம்.ஆனால் அவர்கள் கல்யாணம் செய்து கொண்டு நம்மை அண்ணன் தங்கை
ஆக்கிவிட்டார்கள்”

2009 தமிழ் சினிமாவின் சிறந்த 10 படங்கள்

சென்ற ஆண்டு தமிழ் சினிமாவுக்கு நல்ல ஆண்டா? கெட்ட ஆண்டா? என்று சொல்ல மிக குழப்பமாகவே இருக்கிறது.2009 இல் தமிழ்சினிமா வர்த்தகரீதியாக பின்னடைவையே சந்திதித்தது என்பதனை மறுக்க முடியாது.நூற்றுக்கும் மேலான திரைப்படங்கள் ரிலீஸ் ஆனபோதும் விரல்விட்டு எண்ணக்கூடிய படங்களே தரமான படங்களாக இருந்தன .ஆனால் சிறிய பட்ஜட்டில் எடுக்கப்பட்டு விமர்சகர்களின் பாராட்டை மட்டுமன்றி நல்ல வசூலையும் பெற்ற பலபடங்கள் இந்த ஆண்டில் வெளிவந்தது புதிய படைப்பாளிகளுக்கு ஒரு உந்துகோலே. சரி போஸ்ட் மார்டத்துக்கு பிறகு வருவோம்.வழக்கம் போல 2009ம் ஆண்டிலும் நூற்றுக்கும் மேற்பட்ட படங்கள் தமிழில் வெளியாகின. இதற்கு முந்தைய ஆண்டுகளில் இல்லாத அளவு 131 படங்கள் வெளியாகின இந்த ஆண்டு. இவற்றில் வெற்றிக் கோட்டைத் தொட்டவை பகலவன் பாக்ஸ் ஆபீஸ் வட்டாரத்தில் சிறந்த படமாக தெரிந்தெடுக்கப்பட்ட TOP 10 இங்கே ,


10.ஈரம்

ஈரம் படம் ஷங்கர் தயாரிப்பில் வந்து எதிர்பார்க்காத வெற்றி படம் எனலாம் பேய் படம் என்றல் பயமுறுதும் மேக் அப் மிரட்டும் என்ற தமிழ் சினிமாவின் மரபை உடைத்து படம் பார்க்கும் நம்மை அந்த கதைக்குள் கொண்டு செல்லும் நுணுக்கம் சிறப்பாகவே செய்து இருந்தார் இயக்குனர்.ஆதி நந்தா சிந்து மேனன் என்று புதிய முகம் இருந்தாலும் கதைக்காக ஓடிய படம்,சங்கரின் உதவியாளர் அறிவழகனின் ஈரம் வழக்கமான ஒரு காதல் கதையை கொடுக்காமல் கொலை, பேய் என்று வித்யாசமாய் யோசித்து டெக்னிகலாகவும், இயக்குனராகவும் நின்ற படம்.பாடல்கள் ரசிகர்களை வெகுவாக கவர்ந்தது .

9.மாயாண்டி குடும்பத்தார்:

பீம்சிங் காலத்துக்கு நம்மை அழைத்துச் சென்ற படம் இது.குடும்பத்தோடு அமர்ந்து பார்க்க வைத்த படம். முற்றிலும் இயக்குநர்களே நடிகர்களாக மாறி அனைவரையும் வியக்க வைத்திருந்தனர்.கூட்டுக் குடும்பத்தின் அழகு, அவலம், பங்காளிச் சண்டை என உறவுகளுக்குள் பின்னிப் பிணைந்த இந்த மண்ணின் மனிதர்களது வாழ்க்கையைத் திரையில் பார்த்தபோது மனசு கனத்துப் போனது. பெரிய வெற்றி இல்லை என்றாலும், தயாரிப்பாளர்களை நிம்மதிப் பெருமூச்சு விட வைத்த படம் இது.

8.யாவரும் நலம்:

ஒரு த்ரில்லர் படம் யாவரும் நலம் மாதவன் நடிப்பில் விக்ரம் கே குமார இயக்கத்தில் வந்த படம் சொல்லும் படியான படங்களில் ஒன்று
இப்படம் 13 B என்று ஹிந்தி மொழியில் வந்து பெரும் வெற்றி பெற்றது.தமிழிலும் நல்ல வெற்றியை பெற்றது.கடைசி கட்சி வரை சீட்டின் நுனியில் ரசிகர்களை உட்கார வைத்த படம்,இன்னும் தேவையற்ற கட்சிகளை தவிர்த்து இருக்கலாம்..பல காட்சிகள் ஏற்கனவே பார்த்த காட்சிகளை போலவே இருப்பதால் அலுப்பூட்டவே செய்கிறது.

7.உன்னை போல் ஒருவன்:


ஹிந்தி மொழியில் இருந்து வந்த படம் ஆனால் அது போல் வராமல் போன படம் நிச்சயம் ஹிந்தி மொழியில் இந்த படம் பார்த்தவர்களுக்கு அது தெரியும் அனுபம் கேர் நஸ்ருதின் ஷா போன்றவர்கள் இப்படத்தில் வாழ்ந்தார்கள் தமிழ் மொழியில் ஒரு நாடகத்தனம் வெளிப்பட்டது.ரிலையன்ஸின் தயாரிப்பில் சுமார் 6 கோடி தயாரிப்பில் தமிழ், ஹிந்தி என்று இரண்டு மொழிகளில் தயாரிக்கப்பட்டு இரண்டு மொழிகளிலும் 27 கோடி ரூபாய் சம்பதித்த படம்.கமல் மோகன்லால் போன்ற சூப்பர் ஆக்டர்கள்,வித்தியாசமான கதைக்களம் போன்றவற்றின் மூலம் அனைத்து விமர்சகர்களாலும் பாரட்டப்பட்ட படம்.இருந்தும் பாடல்கள்,காமடி போன்ற பொழுதுபோக்கு அம்சங்கள் இல்லாததால் பெரியவெற்றியை அடையமுடியவில்லை.எனினும் இதுஒரு கிளீன்ஹிட்.

6.பசங்க:




எந்தவித ஸ்டார் வேல்யூவும் இல்லாமல் வந்து அனைவரது பாராட்டையும் அள்ளிக் கொண்டு போனது. ஒரு ஆங்கிலப் படத்தின் உல்டாதான். ஆனால் கிராமப்புறத்து பசங்களும் உஷாராக, புத்திசாலித்தனமாக, லட்சிய வேகத்தோடு இருப்பவர்கள் என்ற செய்தியை நேட்டிவிட்டியோடு சொன்னதில் வெற்றி பெற்றிருந்தார் இயக்குநர் பாண்டிராஜ்.நல்ல தயாரிப்பாளர் என்ற பெயரை சசிகுமாருக்குப் பெற்றுத் தந்தது பசங்க.

5.வெண்ணிலா கபடி குழு:

கிராமிய காதலை கபடியுடன் விளையாடிய் படம் இதுவும் புது முகங்கள் நடித்து கதை என்ற சூப்பர் ஸ்டார் ஒருவருக்காக ஓடிய படம் சுசிந்திரன் இயக்கம் எ ஆர் ரஹ்மான் பட்டறையில் இருந்து வந்த வி செல்வகணேசன் இசை என சொல்லலாம்.ஒவ்வொரு காட்சிகளும் இயல்பான நடிப்பை வெளிப்படுத்தி இருந்தார்கள்.வருடத்தின் முதலில் வந்த வெண்ணிலா கபடிக்குழு. சின்ன பட்ஜெட் படமென்றாலும் வெளிவருவதற்கு முன்பே ஒரு எதிர்பார்ப்பை ஏற்படுத்திய படம். எதிர்பார்ப்பை திருப்தி செய்ததால் ஹிட்.


4.பேராண்மை:

ஜனநாதனின் இயக்கத்தில் வெளியாகி வெற்றியடைந்த படம்.ஆங்கில படங்களுக்கு நிகரானதொரு படமாக இயக்கி அதில் ஓரளவு வெற்றியும் கண்டிருந்தார் ஜனநாதன்.ஜெயம் ரவியை இன்னொரு பரிணாமத்தில் காட்டிய படம்,ஐங்கரனின் மூன்று சறுக்கல்களின் பின்னர் அவர்களுக்கு கிடைத்த முதல் வெற்றி இது.மலை வாழ் மக்களின் வாழ்க்கையை எடுத்து காட்டிய படம்,தமிழ் சினிமா வரலாற்றில் எடுக்க படாத முயற்சி..

3.ரேணிகுண்டா:

சந்தர்ப்ப வசத்தால் தாய் தந்தை கொலை செய்யப்பட்டு, கொலை செய்தவனை, கொல்ல நினைத்த போது போலீஸிடம் பிடித்து கொடுக்கப்படூம் ஒரு பதின்வயது இளைஞனின் திசை மாறி போகும் வாழ்க்கையின் சீல தினஙகளை கண் மூன்னே ஓட விட்டிருக்கிறார்கள்.இவர்கள் எல்லாம் நடிகர்களா என கேட்க வைக்கும் வயது ஆனால் படம் பார்த்து வரும் ஒவ்வொருவரின் மனத்திலும் ஒரு சோகம் நிரம்பி விடுவது உண்மை.புது நடிகர்கள், புது டெக்னீஷியன்கள் என்று எல்லாரையும் புதுமுகங்களாய் வைத்து, ஒரு ஆக்ஷன் படத்தை கொடுப்பது என்பது சும்மா இல்லை. அதை திறம்படவே செய்திருக்கிறார்.நிஜமாகவே படத்தின் ஹீரோ ஒளிப்பதிவாளர் சக்திதான். படம் முழுவதும் இவரின் உழைப்பு வியாபித்திருக்கிறது. அதிலும் அந்த பொட்டை அத்துவான காட்டில், ஜானி இருவரை கொலை செய்யப்படும் காட்சியில் கேமரா இன்னொரு கேரக்டர் ஆகவே அலைகிறது. படத்தில் எடிட்டிங்கும் தன் பங்குக்கு இந்த காட்சியில் விளையாடியிருக்கிறது.புதுசாய் ஏதும் காட்சிகள் இல்லாதது குறையே. மிக சிறிய பட்ஜெட்டில் தயாரிக்கப்பட்டு, முற்றிலும் புதுமுகங்கள் நடித்து வெளியான படம். ஒரு சிறிய படத்திற்கு எவ்வாறு அக்ரசிவ் மார்கெட்டிங் செய்ய வேண்டும் என்று இப்படத்தை பார்த்தால் தெரியும். படம் வெளியாவதற்கு முன்பே சுமார் 4-5 கோடிக்கு வியாபாரம் செய்யப்பட்டது என்றால் பார்த்துக் கொள்ளுங்கள். நல்ல ஓப்பனிங்கை கொடுத்த படம் அடுத்த அடுத்த வாரங்களில் வயலன்ஸ் அதிகமான காட்சிகளால் பெரிதாய் வெகு ஜனங்களை ஈர்க்கவில்லை. ஆனாலும் ஹிட்தான்.


2.அயன்:

ஏவிஎம் தயாரிப்பில் உருவான இந்தப் படத்தை கேவி ஆனந்த் இயக்கியிருந்தார். இயக்குநர் கேவி ஆனந்த் என்றதுமே இது மிடில்கிளாஸ் படமாக இருக்கும் என்றுதான் நம்பினார்கள். படத்தின் மீது பெரிய நம்பிக்கை இல்லாததால் சன்னுக்கு விற்றது ஏவிஎம். ஆனால் அயனோ மசாலா படமாக வந்து வசூலையும் அள்ளியது. சன் டிவியின் வியாபார உத்தியே இந்த பெரிய வெற்றிக்குக் காரணம் என்பதில் இரண்டாவது கருத்து இருக்க முடியாது..இந்த வருடத்தின் பெரிய வெற்றிப்படம் இதுதான்.இதுவும் "சன் பிக்சர்ஸ் வழங்கிய" படம் ஆயினும் இது வெற்றிபெற காரணம், கே வி ஆனந்தின் விறு விறு திரைக்கதை.ஹரிசின் அமர்க்களமான மெட்டுக்கள்,சூர்யாவின் துள்ளலான நடிப்பு,தமன்னாவின் இளமைத்துடிப்பு(ஆகா நமக்குள்ளேயும் ஒரு T.R )ஜெகனின் டைமிங் காமடி என பலவற்றைக் கூறலாம்.ஆனாலும் இப்படம் பெரியளவில் வெற்றியடைய காரணம் சன் டிவி என்பதை ஒத்துக்கொள்ளத்தான் வேண்டும்.

1.நாடோடிகள்:

சசிகுமார் நடிப்பில் வெளியாகி சக்கைபோடு போட்ட படம்.உன்னை சரணடைந்தேன்,நெறஞ்ச மனசு படங்கள் மூலம் தன்னை நிரூபிக்க தவறிய சமுத்திரக்கனி இப்படத்தின் மூலம் தனது திரைப்பயணத்தில் முதல் வெற்றியைப் பெற்றிருந்தார்,சசிக்குமார் இயக்கிய சுப்ரமணியபுரத்தில் வில்லனாக கலக்கியவர் இயக்குனராக ஜெயித்த படம்.ஜனரஞ்சகமான படமாக வந்து அனைவரது வரவேற்பையும் பெற்றது .சசி குமார் தவிர மற்றபடி சொல்லும் படியான புகழ் பெற்ற நடிகர்கள் இல்லை ,ஆனால் இப்படம் தமிழ் நாட்டை தாண்டி ஒரு தாக்கத்தை உண்டாக்கிய படம் ,ஹிந்தி மற்றும் தெலுங்கு மொழிகளில் தயாராகி வருவது இதன் சிறந்த கதைக்கு கிடைத்த வெற்றி
சிறந்த இயக்கம் நல்ல கருத்து சிறப்பான இசை எல்லாம் சிறப்பாக அமைந்து பெரும் வெற்றி பெற்ற படம் நாடோடிகள்.

உங்கள் கருத்துகள் வரவேற்க்கப் படுகின்றன.
....பகலவன்....

ஹாரிபாட்டருக்கு தொடர்ந்து முதலிடம்

உலகப்புகழ் பெற்ற ஹாரி பாட்டர் கதாபாத்திரம், திரைப்படங்கள், யூ டியூப் ஆகிய அனைத்தையும் பின்னுக்கு தள்ளி 10 ஆண்டின் உலகின் மிகச்சிறந்த பொழுதுபோக்கு அம்சமாக தேர்ந்தெடுக்கப்பட்டுள்ளது.

இங்கிலாந்தை சேர்ந்த பெண் எழுத்தாளர் ஜெ.கே.ரவுலிங். இவர் ஹாரி பாட்டர் என்ற கேரக்டரை மையமாக வைத்து எழுதிய நாவல்தான் ஹாரி பாட்டர். முதல் பாகம் 1997ல் வெளியானது. 7 பாகங்களாக வெளிவந்துள்ள இது உலக அளவில் புகழ் பெற்றது. இதுவரை 40 கோடி பிரதிகள் விற்றுத்தீர்ந்துள்ளன. 67 மொழிகளில் மொழி பெயர்க்கப்பட்டுள்ள இது, வர்த்தக அளவில் மிகபபெரிய சாதனை படைத்துள்ளது.

கடைசியாக வெளியான 4 பாகங்கள் உலகிலேயே வேகமாக விற்பனையான புத்தகம் என்ற சிறப்பைப் பெற்றன. பின்னர் இந்த கேரக்டரை மையமாக வைத்து ஹாலிவுட் திரைப்படம் வெளியானது. அதற்கும் அமோக ஆதரவு கிடைத்தது. அமெரிக்காவின் பொழுதுபோக்கு வார இதழ் ஒன்று, கடந்த பத்து ஆண்டுகளில் வெளியான டாப் 100 பொழுதுபோக்கு அம்சங்களை பட்டியலிட்டுள்ளது.

திரைப்படங்கள், தொலைக்காட்சி நிகழ்ச்சிகள், ஆல்பம், நூல்கள், கதாபாத்திரங்கள், ஆடைகள், பாடல்கள், சோசியல் நெட்வொர்க் இணையதளங்கள் மற்றும் யூ டியூப் ஆகியவை இந்த பட்டியலில் இடம் பெற்றுள்ளன. அனைத்து அம்சங்களையும் பின்னுக்குத்தள்ளி ஹாரிபாட்டர் கதாபாத்திரம் பட்டியலில் முதலிடம் பிடித்துள்ளது.


கடந்த 10 ஆண்டுகளில் பார்த்த, படித்த பொழுதுபோக்கு அம்சங்களிலேயே ஹாரிபாட்டர் கதாபாத்திரம் எங்களது நினைவை விட்டு இன்னமும் அகலவில்லை. குழந்தைகள் முதல் இளைஞர்கள் பெரியவர்கள் வரை அனைவரது உள்ளத்தையும் அது கவர்ந்துள்ளது என டெய்லி எக்ஸ்பிரஸ் செய்தி வெளியிட்டுள்ளது.

இந்த பட்டியலில், சொப்ரனோஸ் என்ற தொலைக்காட்சி தொடர் இரண்டாம் இடத்தையும், யூ டியூப் இணையதளம் மற்றும் தி லார்டு ஆப் த ரிங்ஸ் என்ற திரைப்படம் முறையே மூன்று மற்றும் நான்காம் இடங்களைப்பிடித்தன. கடந்த 2000 ஆண்டில் நடைபெற்ற கிராமி விருது வழங்கும் நிகழ்ச்சியில் புகழ் பெற்ற பாடகி ஜெனிபர் லோபஸ் அணிந்திருந்த ஆடை 29வது இடத்தைப்பிடித்தது.


....பகலவன்....