போங்கடா நீங்களும்..உங்க அரசியலும்.....த்த்த்தூ - மகிழ்நன்

முட்டாள்கள் என்றுமே அறிவாளிகளை தங்கள் தலைமையாக தேர்ந்தெடுத்துக் கொள்ள முடியாது என்று சொன்ன அறிஞரின் கூற்று இன்றும் தமிழகத்திற்கு பொருந்தி வருகிறது, என்பதை எண்ணி பார்க்கும் போது நம்மால் பெருமை கொள்ளாமல் இருக்க முடியவில்லை...பின்,என்ன? தமிழகத்து பெருமக்களை பற்றி அந்த அறிஞர் அன்றே ஆராய்ச்சி செய்திருக்கிறாரென்றால். நமக்கெல்லாம் பெருமைதானே.........?


சமீபத்திய குமுதம் ரிப்போர்ட்டரில் குஷ்பூவின் அரசியல் வருகையை குறித்து, இன்னொரு நடிகை விந்தியாவிடம் கருத்து கேட்டு இரண்டு பக்கத்துக்கு செய்தி வெளியிட்டுள்ளது, இந்த அக்கறையுள்ள ஊடகம். இதே ஊடகம்தான் கதவை திறக்கச்சொல்லி ரஞ்சிதாவை உள்ளே அனுப்பிய ஊடகம். தமிழக மக்கள் மீது அக்கறை கொண்ட ஊடகம் போல பாசாங்கு காட்டும் இந்த ஊடகம், தமிழகத்தின் தலைவிதியை இந்த நடிகைகளை விட்டால் வேறு யாரும் தீர்மானிக்க முடியாததை போல இவர்களுக்கு கருத்து கேட்கிறது.



அந்த பேட்டியில் தங்கத்தாரகை, சமூக நீதி போராளி விந்தியா கருத்துக்களை பார்க்கணுமே, ஒவ்வொன்றும் முத்தங்கள்...மன்னிக்கனும் முத்துக்கள் அதில் குறிப்பிடத்தக்கது...
“திமுக ஆட்சியில்தான் ஆண்களை விட பெண்கள் அதிகம் சாதிப்பதாக குஷ்பு சொல்கிறார். அந்த சாதனை பட்டியலை அவர் சொல்லட்டும் பார்க்கலாம். குறைந்தபட்சம் 500 பக்கம் அவர் சாதனை பட்டியல் வாசித்தால் நாங்கள் அம்மாவின் சாதனையை 1500 பக்கங்களுக்கு வாசிப்போம்”
நாம் இவரது கூற்றை மறுப்பதற்காக இந்த கட்டுரையை இங்கே பதிக்கவில்லை...
கண்டிப்பாக அந்தம்மா பெண்களுக்காக எப்படி போராடியதுன்னு.......
சசிகலாங்கிற பொண்ணை கேட்டா கண்டிப்பா 1501 பக்கத்துக்கு எழுதி கொடுப்பாங்க........
ஆனால், எங்கள் தானை தலைவரை கேள்வி கேட்கும் தகுதி கண்டிப்பாக இந்த விந்தியாவுக்கு கிடையாது.......எங்கள் தலைவனை கேள்வி கேட்கும் ஒரே உரிமை, தகுதி கொண்ட பெண்ணுரிமை போராளி ஜெயலலிதா, தன்னை பாப்பாத்தி என்று சட்டசபையில் அறிவித்த கர்ஜனை செய்த பெண்வேங்கை ஜெயலாலிதாவின் உயிர் பெண்தோழி சசிகலாவுக்குதானே உண்டு...
அந்த கோபத்தில்தான் இந்த பதிவு...
ஒருவேளை சசிகலா தம் தலைவியின் பெருமையை வெளியிட்டால்...சிறப்பு தகவல் உரிமை சட்டத்தின் கீழாவது மனு ஒன்றை தாக்கல் செய்தாவது
எங்கள் தலைவர் பெண்களுக்கு போராடியதை..ராஜாத்தியம்மாள் என்ற பெண்ணிடமோ, கனிமொழி என்ற பெண்ணிடமோ தொகுத்து தமிழ்கூறும் அறிவுதளத்திற்கு அறிவுக்கண்களுக்கு விருந்தாக்குவோம்.......அதற்காக குஷ்புவிடம் புது பயனாளியை சிரமத்திற்கு உள்ளாக்க மாட்டோம் என்று உறுதியளிக்கிறோம்..
நம்ம தலைவரோட பெருமையை பற்றி பிரச்சாரம் செய்த்தில் ஒரு முக்கியமான செய்தி மறந்து போச்சு...அமைதிப்படையில் மணிவண்ணனுக்கு ஜட்டி பிரச்சினையில் மறதி வருமே அந்த மாதிரி மறதி என்பதை நினைவில் கொள்க.........
ஆனால், மண்டையை சொறி சொறின்னு சொறிஞ்சதுல இப்ப நினைவு வந்துடுச்சுப்பா...
அது என்னன்னா,
இந்த வித்யா என்ற பெண்ணுரிமை போராளியையும் அவருக்கு நிகராக அதிமுகவின் எதிர்க்கட்சியில் போராடும் வேங்கை குஷ்புவையும் மறந்தே போய்விட்டோம்...
இவர்கள் தமிழகத்துக்கு சமூக அக்கறையோடு செய்த சேவையையும் மறந்தே போய்விட்டோம்...
அதிலும் குஷ்பு செய்த சேவைக்கு..கோயில் கட்டின..(வாயில கெட்ட வார்த்தைதான் வருது) அறிவாளி தமிழர்களுக்கு மீண்டும் நினைவுப்படுத்த கீழ்க்கண்ட இணைப்புகள்..
அவருக்கு நிகராக திறந்த உள்ளதோடு சேவை செய்த விந்தியாவின் இணைப்பும் கூடவே தந்திருக்கிறோம்....கண்டுகளித்து தங்களின் அறிவை மற்றவர்களும் பெருக்கி கொள்ளவும்
http://www.youtube.com/watch?v=jzHldvxIz3U
http://www.youtube.com/watch?v=3WCIwgDbuQ0&feature=related
இதை பார்த்த நமக்கு தோணுறதெல்லாம்.....கவுண்டமணி ஒரு படத்தில்..
“சொறி புடிச்ச மொன்ன நாயி, அங்க ஓரத்துலபோய் உக்காந்து பிச்சை எடுக்க போகுது ரவுச பாரு” இந்த தங்க தாரைகளை பார்த்து கேட்க தோணாது...
ஏன்னா, நாமதான் அறிவாளிகளாச்சே..
நடிகை ஏன் அரசியலுக்கு வரக்கூடாது..தமிழர்கள் மட்டும்தான் அரசியலுக்கு வரணுமா? என்றெல்லாம் கண்டிப்பாக கேள்வி கேட்டு..மூளைக்கு அறிவுரீதியான குடைசல் கொடுப்போம்...
வாழ்க ஆபாசம்..வளர்க விபச்சாரம்..ஓங்குக பொறுக்கித்தனம்..பெருகுக ஊழல்..வழங்குக இலவசம்னு ஒரு கொள்கை முழக்கத்தோடு..
நாம் அடுத்த கட்டத்துக்கு அரசியலில் பெரும் புரட்சியை உருவாக்குவோம்
தமிழ்நாட்டில் தப்பித்தவறி நியாயமாக கேள்வி கேட்கிறவர்களையும், முட்டாளென்று தூற்றி......
தமிழகத்தை விரைவில் முட்டாள்களின் கூடாரமாக்குவோம்..போங்கடா நீங்களும்..உங்க அரசியலும்.....த்த்த்தூ

அட்டைக் கத்தியின் போர்க்குணம் !

               சேது சமுத்திரத் திட்டம் தொடர்பாக எல்லை மீறப்படும்போது, நாம் நமது போர்க்குணத்தைக் காட்ட நேரிடும் என முதல்வர் கருணாநிதி எச்சரித்துள்ளார்  

ஐயோ இது என்ன கனவா இல்லை நினைவா ? நம்ம உப்பு சப்பு இல்லாத முதல்வரா இப்படி தெரிவித்து உள்ளார்.

    இதே பொதுக்கூட்டத்தில் ஒரு துரோக நாடகம் அரங்கேறியிருக்கிறது. அது முல்லைப்பெரியார் வழக்கில் அணைஉறுதி பற்றி ஆய்வு செய்ய நியமிக்கப்படும் ஐந்து பேர்கொண்ட குழுவுக்கு தமிழகத்தின் சார்பில் யாரையும் அனுப்ப தேவையில்லை என்று கூறி உள்ளார்.ஏற்க்கனவே அணையின் உறுதி உறுதி செய்யப்பட்டது எனவே மீண்டும் ஒரு ஆய்வு தேவையில்லை என்று கோர்ட்டில் வாதிடாமல் அங்கே ஆய்வுக்குழு அமைக்க ஒப்புக்கொண்டுவிட்டு அந்த குழுவுக்கு நாங்கள் யாரையும் அனுப்பமாட்டோம் நீங்களாகவே ஏதாவது செய்துகொள்ளுங்கள் என்று தீர்மானம் நிறைவேற்றி இருக்கிறார் இந்த கேடுகெட்ட உத்தமர்.

தலைவா உனக்கு போர்க்குணம் என்றால் என்னவென்று தெரியுமா? தமிழனின் இன அழிப்பிற்கு காரணமாக இருந்த ஒரு இத்தாலி சூனியக்காரியிடம் உம் பிள்ளைக்காக அமைச்சர் பதவி கேட்டு கையேந்தி நின்றீரே! அப்பொழுது எங்கே சென்றது உங்கள் போர்க்குணம்.

தமிழனின் உண்மையான போர்க்குணத்தால் விளைந்த தமிழிழ நாட்டினையும் அந்த போர்க்குணத்துடன் பாதுகாக்கப்பட்ட தமிழன மக்களையும் இன அழிப்பால் கொன்று குவிக்க துணை நின்றீர்களே,இதுதான் உங்கள் போர்க்குணமா?

எதை போராட்ட குணம் என்கிறீர்கள்? மூன்று மணி நேரம் உண்ணாவிரதம் இருந்து சாதனை நிகழ்த்தியதையா? மனித சங்கிலி போராட்டம் நடத்தி தமிழன் காதில் பூ சுற்றியதையா? ஏன் காவேரி, கச்சத்தீவு, பெரியாறு, மீனவர் பிரச்சனைகளில் பார்த்தோமே உங்கள் போராட்ட குணத்தை! வயதானாலும் உங்கள் நகைச்சுவை உணர்வு மட்டும் மாறவில்லை!

இந்த போர் குணத்தை ஈழ தமிழர்கள் வதை படும்போது காண்பித்து இருந்தால் மொத்த தமிழர்களும் மகிழ்ச்சி அடைந்திருப்பார்கள்! ஆனால், தற்போது உசுப்புவது என்ன காரணம்? காங்கிரஸ் கட்சி அதிமுகவுடன் கூட்டணி  அமைக்குமோ என்ற கலக்கமா? இல்லை நீங்கள் எதிர்த்து நின்றால் காங்கிரஸ்காரன்  சொத்துக்கணக்கு கேட்பானே என்ற பயமா?

உச்சநீதி மன்ற தீர்ப்பையும் மதிக்காமல் அதற்க்கு நேர் மாறாக கேரள அரசு செயல்படும் பொழுது அதற்கு கண்டனம் கூட தெருவிக்காமல் உங்களுக்கு நீங்களே  விழா எடுத்து கொண்டிருந்தரே!அப்பொழுது எங்கே சென்றது உங்கள் போர்க்குணம்.

சென்ற மத்திய அரசு ஆட்சியில் பெரும்பான்மை பெறாத காங்கிரஸ் அரசுக்கு ஆதரவை தந்துவிட்டு உங்கள் போர் குணத்தால் இந்த தமிழகத்துக்கு பெற்றது என்னவென்று சொல்ல முடியுமா ? 60000 ஆயிரம் கோடி ஸ்பெக்ட்ராம் ஊழல் செய்ததை திவிர வேறொன்றும் இல்லை.அப்பாவி தமிழக மீனவர்கள் தாக்கப்பட்டு கொண்டிருக்க  உங்களுக்கு நீங்களே தொடர்ந்து நடத்தும் பாராட்டு விழாக்களும் பட்டங்களும்,தமிழக மீனவனின் உயிருக்கு உத்தரவாதம் கொடுக்காத நீங்கள் தமிழனும் இல்லை.நீங்கள் தமிழின காவலனும் இல்லை.

இத்தனை வருட ஆட்சியில் நீங்கள் சாதித்தது என்ன? பாவம் யா இந்த தமிழன் ! அம்மாவாசைக்கும் அர மண்டைக்கும் மாற்றி மாற்றி ஒட்டு போட்ட இந்த தமிழனுக்கு எதிர் கேள்வி கூட கேட்க தெரியாமல் வாழ ஆரம்பித்து விட்டான்.

தமிழக அரசு தரக்கூடிய ஒரு ரூபாய் அரிசியை உங்கள் ஆட்களே கேரளாவுக்கு கொண்டுபோய் கொடுப்பது உங்களுக்கு தெரியாதா? கேரளவுக்கு செல்லும் தமிழக பொருட்கள் மொத்தத்தையும் நிறுத்த உமக்கு ஏன் இன்னும் போர்க்குணம் வரவில்லை.ஒ இதற்கு பெயர்தான் உண்ட வீட்டுக்கு குந்தகம் விளைவிப்பதா?நீங்கள் மட்டும் அதை செய்யவில்லை,உங்கள் வாரிசுகளுக்கும் பரம்பரை பாரம்பரியமாக அதை செய்ய கற்று கொடுத்து விட்டீர் போலும்.கோமாளிகளுக்கு என்றுமே போர்க்குணம் வந்தது கிடையாது.உமக்கு மட்டும் எதற்கு.

 பத்திரிக்கைகாரன் ஏடாகூடமாக கேள்விகேட்டு பதில் சொல்ல தெரியாமல் முழிப்பதைவிட உங்களுக்கு ஏதுவான கேள்விகளை  நீங்களே கேள்வி கேட்டு பதில் கூறுவது உங்களுக்கே உரித்தான கைவந்த கலை? இந்தியாவிலேயே ஏன் உலகத்திலேயே தன்னுடைய கேள்விக்கு தானே பதில் சொல்லும் ஒரே புத்திசாலி நீங்கள் மட்டும் தான் முதல்வரே .

இதை எல்லாம் புரிந்துக்கொள்ளகூடிய அளவுக்கு மக்கள் புத்திசாலிகள் இல்லை என்பது உங்களுக்கு நன்றாகவே தெரியும். மலையாளி தண்ணீரை நிறுத்திய பிறகு இரண்டு மணிநேரம் உண்ணாவிரதம் இருந்து பிறகு தண்ணீர் வந்துவிட்டது என்று நீங்கள் சொன்னால் கூட நாங்க நம்பிடுவோம் ! நாங்க என்ன போய் பார்க்கவா போறோம்!

முல்லை பெரியாறு அணை விவகாரம் இரு மாநிலங்களுக்கிடையே ஆன கவுரவப் பிரச்சனை ஆகிவிட்டது வருந்ததக்கது. இதில் விவசாயிகளின் நலனே முக்கியம் என்பதை நீதி மன்றம் உட்பட அனைவரும் உணர வேண்டும். காலம் தாழ்த்தப்பட்ட நீதி என்பது நீதி மறுக்கப்பட்டதற்கு சமம்.எப்படியும் இந்த தமிழனுக்கு விடிவு இல்லை.

தமிழ்நாட்டு தமிழனின் போர்க்குணத்தை ஒடுக்கி விட்டதாக நினைக்க வேண்டாம். அவனின் போர்க்குணம் வெளிப்படும் போது நீங்களும் உங்கள் குடும்ப அரசியலும் காணமல் போய்விடும்.ஆகையால் தலைவரே நீங்கள் நீக்கு போக்காக மட்டுமே பேசி வரப்போகும் ஈ.வி.கே.எஸ். இளங்கோவனின் மிரட்டலில் இருந்து தப்பிக்க முயலுங்கள். உங்களுக்கு கடிதமும் தந்தியும் மட்டும் தான் என்றைக்கும் சிறந்த போர்க்கருவிகள். ஆகையால் துரோகத்தின் மறு உருவமான உங்கள் நாவில் இருந்து போர்க்குணம் என்ற வார்த்தை எல்லாம் வரலாமா முதல்வரே!

கூத்தாடிகளின் முதல்வர்?

சன் தொலைக்காட்சி குடும்பச்சண்டையால் உருவான கலைஞர் தொலைக் காட்சியை அறிமுகப்படுத்தும்போது "தமிழை வளர்க்கவும் தமிழ் கலாச்சாரம் மேம்படவும் கலைஞர் தொலைக்காட்சி செயல்படும்" என்று பேசினார். மானாட மயிலாட என்ற தனித் தமிழ்ப் பெயருடன் சினிமா பின்னணியுடன் தமிழ் கலாச்சாரத்தைக் அசுத்தப்படுத்தியதில் கலைஞர் தொலைக்காட்சியே முன்னோடி!

சில மாதங்களுக்கு முன் தமிழகத்தை திரைப்படத் தயாரிப்புக்கான சொர்க்க பூமியாக மாற்றப்போவதாக அறிவித்தார். ஏற்கனவே தமிழ் பெயர் கொண்ட  'தமிழ்  திரைப்படங்களுக்கு'  வரிச்சலுகை என பகுத்தறிவுப்பூர்வமாக அறிவித்தார். சமீபத்தில் ஜக்குபாய் திரைப்படம் தியேட்டர்களில் வெளியாகும் முன்பே இணைய தளங்களில் வெளியானபோது துடிதுடித்து சைபர் குற்றங்களின் அடிப்படையில் ஓரிரு நாட்களிலேயே சம்பந்தப்பட்ட நபரைக் கைது செய்து மாபெரும் அழிவிலிருந்து(?) தமிழ் திரைப்பட எதிர்காலத்தைக் காத்தார்.

திருட்டு விசிடி விற்பவர்களை குண்டர் சட்டத்தின் கீழ் கைது செய்யவும் சட்டமியற்றி சாதனை படைத்துள்ளார். காப்புரிமை மீறல் என்ற வகையில் திருட்டு விசிடிக்கான தண்டனை சரியே என்றாலும் அனைத்து வகையான உரிமை மீறல்களுக்கும் சமமான தண்டனைகளை, திருடர்களைப் பிடிப்பதில் காட்டும் ஆர்வமும் இருக்க வேண்டும். ஒருபக்கம் வரிச்சலுகை இன்னொரு பக்கம் வரி ஏய்ப்பு! நாட்டிலேயே அதிக வரிபாக்கி வைத்திருப்பவர்களில் சினிமா நடிகர்களைவிட யாரும் உண்டா?

சினிமா நட்சத்திரங்களின் கலைநிகழ்ச்சிகளுடன் கருணாநிதிக்கு கடந்த வாரம் மேலும் ஒரு பாராட்டு விழா! எதற்காகப் பாராட்டு  என்றால் தமிழ்த் திரை உலகுக்கு பல்வேறு சலுகைகளை வழங்கிய முதலமைச்சர் கருணாநிதி, ஒட்டு மொத்த தமிழ் திரையுலகுக்கும் பையனூர் அருகே குடியிருக்க இடம் வழங்கியிருக்கிறார். இதற்காக, ஒட்டு மொத்த தமிழ் திரையுலகமும் திரண்டு நன்றி பாராட்டும் விழாவினை சிறப்பாக நடத்தியது.

வீடில்லாதவர்களுக்கு இலவச மனைத்திட்டத்திற்குப் போதிய அரசு நிலங்கள் இல்லாத சூழலில் கூத்தாடிகளுக்கு குடியிருப்பு வீடுகளுக்கு நிலம் ஒதுக்கி இருப்பது எரியும் நெருப்பில் எண்ணை வார்ப்பதுபோல் உள்ளது.

முல்லைப் பெரியாறு விவகாரம், விலைவாசி உயர்வு, சேதுக்கால்வாய் எனப் பிரச்சினைகளில் கவனம் செலுத்தாமல் தனக்குத்தானே விருது வழங்கியும் தன்னைப் புகழ்பவர்களுக்கு சலுகைகள் வழங்கியும் காலத்தைக் கடத்தாமல் முதல்வர் கருணாநிதி அவர்கள் மக்கள் பிரச்சினைகளில் கவனம் செலுத்த வேண்டும். இல்லையேல் முதல்வர் கருணாநிதி அவர்கள் கூத்தாடிகளின் முதல்வராகவே வரலாற்றில் அறியப்படுவார்.

ஆக்கம் : ஜமால், துபை

Read more: http://pagalavantamil.blogspot.com/p/blog-page.html#ixzz0fMqf9aLO

ஆயிரக்கணக்கான தொழிலாளர்களின் வயிற்று பிழைப்பைக் கெடுத்து தமிழக முதல்வருக்கு ஒரு பாராட்டு விழா...

தமிழ் திரையுலக ரசிகர்களுக்கு ஒரு மகிழ்ச்சியான விழா. இந்நிகழ்ச்சியின் மூலம் கலைஞர் டிவி -ன் TRB ரேட்டிங்கை உயர்த்திக் கொள்ளலாம் என்ற மகிழ்ச்சி சிலருக்கு. முதல்வர் கருணாநிதிக்கு மேலும் ஒரு பாராட்டு விழா.

முதல்வர் கருணாநிதிக்கு  கடந்த பிப். 6 ல் தமிழ் திரையுலகின் சார்பில் __(?) வது பாராட்டு விழா. எதற்காக இந்த பாராட்டு விழா, பையனூரில் 90 ஏக்கர் அரசு நிலத்தை திரையுலகிற்கு இலவசமாக வழங்கியதற்காகவாம். சரி விஷயத்திற்கு வருவோம், இந்த பாராட்டு விழாவிற்கான கலைநிகழ்ச்சி ஒத்திகைகளுக்காக கடந்த 1 ம் தேதி முதல் 6  ம் தேதி வரை அனைத்து திரைப்படங்களின் படப்பிடிப்புகளும் இரத்துசெய்யப்பட்டன. இதன் மூலம் சில குத்தாட்ட நடிகைகள் நடனப்பயிற்சி மேற்கொள்வதற்காக பல்லாயிரக்கணக்கான சினிமா சார்ந்த தொழிலார்கள் வேலையின்றி நிற்கின்றனர். அவர்கள் என்ன கோடிகணக்கில்  சம்பாதிக்கும் சூப்பர் ஸ்டார்களா? அல்லது உலகநாயகர்களா? .. சாதரணமான தங்களின் தினசரி வருமானத்தை நம்பி பிழைக்கும் அடிமட்ட கூலி தொழிலாளர்கள் தானே.
இவர்கள் வேலை இழப்பதைப் பற்றி கவலை இல்லாமல் அந்த 86 வயது மூத்த தமிழனுக்கு இப் பாராட்டு விழா அவசியம்தானா?. இந்த  பாவச்செயலை தமிழினத்தலைவன் என்று தன்னைதானே ஆட்கள் வைத்து அழைத்து பெருமைபட்டுகொள்ளும் அந்த முதிர் வயது கலையுலக காவலாளி எண்ணிப் பார்த்தாரா?!!. மனசாட்சியுள்ள எந்த மனிதனாவது மற்றவர்களின் பிழைப்பைக் கெடுத்து தான் பாராட்டபடுவதை எண்ணி பெருமைப்படுவரா?. தனக்கு பிச்சைபோடும் சாதாரண மனிதர்கள் கூட நன்றாய் பிழைக்கவேண்டும் என்று என்னும் பிச்சைக்காரன் போல் கூட இல்லாமல் பலகோடி மக்கள் பிச்சையாய் போட்ட முதல்வர் எனும் பதவியில் அமர்ந்து கொண்டு அம்மக்களுள் மக்களான சினிமாத் தொழிலாளர்களின் வேலையைக் கெடுத்து வயிற்றில் அடிக்கும் இத்தகைய இழிவான செயல் எதற்காக?

சரி, மற்ற ஒரு சில நடிகர்,நடிகைகளாவது இந்த குறிப்பிட்ட நாட்களில் பிறமொழிப்படங்களில் நடிக்கச் செல்லலாம்   என்றால், அதற்கு குறுக்கீடாக ஒரு தடை. இந்த விழாவில் ஆடாத மற்றும் கலந்து கொள்ளாத நடிகர், நடிகைகளுக்கு இனிமேல் தமிழ் திரைப்படங்களில் நடிக்க தடையாம்? இதைப் பற்றி நடிகர் அஜித்குமார் விழா மேடையிலேயே வெளிப்படையாக தாங்கள் மிரட்டப்படுவதாக குமுறினார், அதற்கு நடிகர் ரஜினிகாந்த் எழுந்து நின்றுகைதட்டினார். நீங்கள் இவ்வளவு கேவலமானவர்களா?

ஐயா, கருணாநிதி அவர்களே ! காலம் கடந்து செல்லும், அப்பொழுது நீங்கள் இலவசமாக கொடுத்த அரசு நிலத்தில் எத்தனை அடிமட்ட சினிமா சார்ந்த கூலித்  தொழிலாளர்கள் பயனடைகிறார்கள்!! என்பதை பொறுத்திருந்து பார்ப்போம்....


"விதியே! விதியே! என் செய்ய நினைத்திட்டாய் என் தமிழ்ச்சாதியை??!!!"

- தஞ்சையிலிருந்து "பிரின்ஸ் பாலா",

கருணாநிதிக்கு மானமுள்ள உடன்பிறப்பின் அவசர கடிதம்!

மானமுள்ள தமிழர்கள் அனைவரும் வணக்கம்,

தமிழின தலைவர்,செம்மொழி வித்தகர்,அரசியல் சாணக்கியர்  என்றெல்லாம் வர்ணிக்கப்படும் என் உயிர் தலைவன் கருணாநிதிக்கு உங்கள் இயக்கத்தின் அடிமாட்டு தொண்டன் மற்றும் உடன் பிறப்பான பகலவன் எழுதும் சிறு விண்ணப்பம்.

 

ஜெயராம் பிரச்சனையில் நீங்கள் மன்னிப்போம் என்று கூறி உள்ளீர்கள்.நீங்கள் அல்லவா தமிழின தலைவர்! ஆனால் இதுவா உங்கள் வழி ?

ஜெயராம் செய்த தவறுக்கு நீதி கேட்பவர்களுக்கு நீங்கள் பின்வருமாறு சொல்லலாமே

1.ஒருநாள் மனித சங்கலி போராட்டம் நடத்துவது.
2.மலையாள  திரையுலகத்துக்கு (மலையாள மனோரமா) கண்டன தந்தி அனுப்புவது (ஏனென்றால் இந்த பிரச்சனை இன்னொரு மாநில கலையுலக பிரச்சனை )
3.உடன்பிறப்புகளோடு 2 மணி நேரம் உண்ணாவிரதம் இருப்பது (பிற்பாதியில் பிரியாணி பொட்டலம் இலவசம் ).

இப்படி எதையாவது சொல்ல வேண்டியதுதானே.

அதை விடுத்து அண்ணா வழியில் மன்னிப்போம் என்றால் நம்முடைய உடன் பிறப்புகளின் உணர்வை எப்படி காட்டுவது?

வீட்டில் புகுந்து பெண்களை பயமுறுத்தியும், வீட்டுக்கு தீயிட்டும் நடைபெற்ற செயல்களை காவல் துறை வேடிக்கை பார்க்க முடியாது’’ என்று கூறி உள்ளீர்கள்.

சட்ட கல்லூரியில் சாதி கலவரம் ஏற்பட்டாலும் பட்ட பகலில் ஒருவர் வெட்டி கொலை செய்யப்பட்டாலும் கடமை உணர்வோடு வேடிக்கை பார்க்கும்  காவல் துறை அல்லவா நமது காவல்துறை என இந்த பாழாய் போன மக்களுக்கு தெரியாது தலைவா .

மறப்போம் மன்னிப்போம் என்றால் எதை மறக்க வேண்டும்,எதை மன்னிக்க வேண்டும் என்று சரியாக சொல்ல வேண்டியதுதானே .

மன்னிப்பு ..... தமிழில் எனக்கு பிடிக்காத வார்த்தை என்று விஜயகாந்த் ஒரு அறிக்கை விடுவார்.சீக்கிரம் பதில் அறிக்கை தயாராக வைத்து கொள்ளுங்கள்.

தமிழரின் மன்னிக்கும் உயரிய பண்பால் தான் தமிழனுக்கு இந்த இழி நிலை. தமிழனுக்கு வந்தாரைத்தான் வாழ வைக்க மட்டும்தான் தெரியும்.தன் நிலை தெரியாதவன்,தமிழனுக்கு மானமே இல்ல  என அடுக்கடுக்காக இந்த இன மானத்தை அடகு வைத்திருக்கும் என் தங்க தலைவனே உனக்கு ஒரு பாராட்டு விழா நடத்த உடன் பிறப்புகளுக்கு அனுமதி உடனே வேண்டும்..

ஜெயராம் இழிவு படுத்தியது தமிழ் இனத்து பெண்களைத்தான்.  என் வீட்டு பெண்களையோ அல்லது என் தெலுங்கு இனத்து பெண்களையோ இழிவு படுத்தவில்லை. எனவே அவரை மன்னிப்போம் மறப்போம் என கூறி இருப்பது எவ்வளுவு பெரிய உயரிய எண்ணம.இதற்கே உங்களுக்கு பாரத ரத்னா தரப்பட வேண்டும்.

என் சகோதரி தமிழச்சியை ஒருவன் தவறாக பேசுவான்.அதை சம்மந்தமே இல்லாமல் நீங்கள மறப்பிர்களா? என சீமான் போன்றோர்கள் கேட்பார்கள்.என் சகோதரி அமிர்தத்தை கூறி இருந்தாலும் மன்னிப்பேன் என உங்கள் உயரிய மான உணர்வை ஊரறிய காட்ட வேண்டும்.

வந்தேறு களுக்கு வக்காலத்து வேண்டாம் , நாம்தமிழர் வருக எங்கள் மக்களே ! எழுக எங்கள் மக்களே .... துப்பாக்கிகளைத் தூக்கத்தான் முடியாது என்றால் செருப்புக்களையாவது கழற்றி வீசுவோம் துடப்பக்கட்டை கொண்டு தாக்குவோம் . நாதியற்று வாழ்வது இழிவாகும் என பல இளைஞர்கள் இன உணர்வோடு  தயராகி போராட கிளம்புவார்கள்.அவர்களை நீங்கள் கைது செய்து சிறையில் அடைக்க உத்தரவு இட வேண்டும்.இல்லை என்றால் கழக உடன் பிறப்புகளே அவர்களை கொலை  செய்வார்கள்.

ஜெயராம் வீட்ல விருதுகள் எல்லாம் உடைஞ்சிருச்சாம்.அதனால அவருக்கு அடுத்த கலைமமாமணி பட்டம்  தர நீங்கள் உத்தரவு இட வேண்டும்.

தம்பி ஜெயராமா ! தமிழ் காக்க வா ! கழகம் நோக்கி வா ! கை கொடுக்க  வா ! விழா எடு ! நிதி கொடு ! என் நீங்கள் உங்கள் பாணியில் இன்னும் 100 வருஷம் அரசியல் நடத்த வேண்டும் .

தமிழ் நாடில் உள்ள உனக்கு முதுகு எலும்பு கிடையாது ,கருநாயே நீ என்னடா இந்த மலையாள நாயை மன்னிக்க. நீ என்ன தமிழர் பிரிதிநிதியா? சொட்ட கருநாய்நிதி. தமிழின துரோகி என எல்லோரும் உங்களை திட்டுவார்கள்.அதையெல்லாம் இலவசமாக கேட்டு சொரணை இல்லாமல் இன்னொரு காதில் விட்டுவிடுங்கள்.

        நாங்கள் மனமுள்ள சீமானாக இருக்க வேண்டாம்.ஆனால் எங்களை இலவசத்தின் பெயரில் கோமாளியாக அல்லவா வைத்து இருக்கிறிர்கள்.நீங்கள் வாழ்க நீடுடி வாழ்க.கடைசியாக உங்க வாயில் பால் ஊற்ற வேண்டும் என்று இந்த உடன்பிறப்புக்கு ஆசை.முடியுமா தறுதலை தலைவா!

பகலவன் 

www.pagalavantamil.blogspot.com

 

 

 

 

இரும்புக் கோட்டை கிழட்டுச் சிங்கம் திரைப்பட விமர்சனம்

அறிவாலயம் ப்ரொடக்ஷன்ஸ் சார்பில் புதிதாக வெளி வந்திருக்கும் திரைப்படம்தான் இரும்புக் கோட்டை கிழட்டுச் சிங்கம்.

படத்தின் தலைப்பிற்கேற்றார்போல், கதாநாயகன் சிறு வயது தொடங்கி, தள்ளாத வயது வரை, எவ்வளவு வயதானாலும் விடாப்பிடியாக நான்தான் கதாநாயகனாக இருப்பேன் என்று பிடிவாதமாக நடித்துள்ளார்.

நீண்ட நாட்களுக்குப் பிறகு தமிழில் வரும் முதல் கௌபாய் படம் இது. ஆங்கிலத்தில் வெளிவந்து மிகப்பெரும் வெற்றியைப் பெற்ற 100 Rifles, The Good, The Bad, The Ugly, McKenna’s Gold போன்ற படங்களை விஞ்சும் விதத்தில் எடுக்கப் பட்டுள்ளது.

கதாநாயகநாக நடித்திருக்கும் கருணாநிதி பாத்திரத்தை உணர்ந்து மிகச் சிறப்பாக நடித்திருக்கிறார். கருணாநிதியே தேர்ந்தெடுப்பதால், அநேகமாக இவ்வாண்டின் சிறந்த நடிப்புக்கான மாநில அரசின் விருது கருணாநிதிக்கே வழங்கப் படுவதற்கான வாய்ப்புகள் அதிகம்.

கௌபாய் படத்தை எதிர்ப்பார்த்து செல்லும் ரசிகர்களை திருப்திபடுத்தும் அளவுக்கு காட்சிக்கு காட்சி விறுவிறுப்பு நிறைந்து எடுக்கப் பட்டிருக்கிறது இரும்புக் கோட்டை கிழட்டுச் சிங்கம்.

சாதாரணமாக தன் வாழ்க்கையை தொடங்கும் ஒருவன் எப்படி மிகச்சிறந்த துப்பாக்கி வீரனாகி தமிழ்நாட்டை கொள்ளையடிப்பதில் முதலிடத்தைப் பிடிக்கிறான் என்பதுதான் படத்தின் “ஒன் லைன்“.

கதாநாயகம் கருணாநிதி குழந்தையாக ஒரு சாதாரண குடும்பத்தில் பிறக்கிறான். சிறிது விபரம் தெரிந்தவுடன் அண்ணாதுரை என்ற ஒருவர் துவக்கும் கொள்ளைக் கூட்டத்தில் தன்னை இணைத்துக் கொள்கிறான். அண்ணாத்துரை தான் துவக்கும் “கேங்“ மிகப்பெரிய அளவில் வளரப் போகிறது என்பது தெரியாமலே கேங்கை துவக்குகிறார். தமிழ்நாட்டில் அது வரை இருந்து வந்த காங்கிரஸ் கேங்கை தனது சாமர்த்தியத்தால் விரட்டி அடிக்கிறார்.
அன்று அண்ணாத்துரையால் விரட்டியடிக்கப் பட்ட காங்கிரஸ் கேங், படத்தின் இறுதி வரை பலம் பெறாமலேயே இருப்பதாக கதை அமைக்கப் பட்டிருப்பதால் இப்படத்தில் வில்லனாக இருப்பதற்கு காங்கிரஸ் கேங்குக்கு வாய்ப்பு கிடைக்காமல் போகிறது.

காங்கிரஸ் கேங்கை விரட்டியடித்து மொத்த தமிழ்நாட்டையும் தன் ஆளுகையின் கீழ் கொண்டு வரும் அண்ணாத்துரை நீண்ட நாள் தன் கொள்ளைக் கூட்டத்தை வழிநடத்தாமல் உடல் நலிவடைந்து இறந்து போகிறார்.

கொள்ளைக் கூட்டத்தை உருவாக்கிய அண்ணாத்துரை

அண்ணாதுரை மறைவுக்குப் பிறகு ரசிகர்கள் கொள்ளைக் கூட்டத்தின் இரண்டாம் கட்ட தலைவராக, அண்ணாதுரைக்கு நெருக்கமாக இருக்கும் நெடுஞ்செழியன் தலைவராக ஆகப் போகிறார் என்று எதிர்ப்பார்த்துக் கொண்டிருக்கும் நேரத்தில் ஒரு ட்விஸ்ட் வைக்கிறார் இயக்குநர்.

கருணாநிதி கொள்ளைக் கூட்டத்தில் சேரும் முன்பே இரண்டாம் கட்ட தலைவர்களாக அக்கூட்டத்தில் இருக்கும் சீனியர்களையெல்லாம் ஓரங்கட்டி விட்டு கொள்ளைக் கூட்டத்தின் தலைமைப் பொறுப்பை பிடிப்பது, ரசிகர்களை அதிர்ச்சி அடைய வைக்கிறது. இருந்தாலும் இந்த இடத்தில் திரைக்கதை விறுவிறுப்பை அடைகிறது.

கொள்ளைக் கூட்டத்தின் உறுப்பினர்களின் மத்தியில் தன் சாகசங்களால் பாப்புலராக உள்ள எம்ஜிஆரின் துணையுடன் கருணாநிதி தலைவர் பொறுப்பை பிடிக்கிறார். நெடுஞ்செழியனை ஓரங்கட்டிவிட்டு அநாயசமாக, தலைமை பொறுப்பை பிடித்து விட்டு, கருப்புக் கண்ணாடி போட்டுக் கொண்டு கருணாநிதி ஒரு அலட்சியச் சிரிப்பு சிரிக்கும் காட்சியில் தியேட்டரில் விசில் பறக்கிறது.



கதாநாயகன் வாழ்வில் ஹீரோயின்களுக்கு பஞ்சமே இல்லை. மூன்று ஹீரோயின்களுடன் டூயட் பாடிக்கொண்டே ஆனந்தமாக கதாநாயகன் பொழுதைக் கழிக்கையில் திடீரென்று நண்பனாக இருந்த எம்ஜிஆர் உருவில் பிரச்சினை உதிக்கிறது. எம்ஜிஆர் கொள்ளைக் கூட்ட உறுப்பினர்களிடையே மிகவும் பிரபலமாகி வருவதை கண்டு பொறுக்காத கதாநாயகன், குரங்கு ஆப்பசைத்த கதையாக, கொள்ளைக் கூட்டத்தில் மொத்தம் எத்தனை துப்பாக்கிகள் என்று எம்ஜிஆரைப் பார்த்து கணக்கு கேட்கிறார்.

துப்பாக்கி கணக்கு கேட்டதால் கடும் கோபம் அடையும் எம்ஜிஆர் கதாநாயகக் கருணாநிதியிடம் இருந்து பிரிந்து தனியே ஒரு கொள்ளைக் கூட்டத்தை தொடங்குகிறார்.

எம்ஜிஆர் தொடங்கிய கொள்ளைக் கூட்டம் மிகவும் பிரபலமாகி தமிழ்நாட்டின் நம்பர் கூட்டமாகிறது. இதனால் கதாநாயகன் கருணாநிதி மிகப் பெரிய பின்னடைவை சந்திக்கிறார். அவருக்கு தேவையான ஆயுதங்கள் குறைந்து கொள்ளைக் கூட்டத்தை நடத்த முடியாமல் திணறுகிறார். தினந்தோறும் கொள்ளையடித்துப் பழகி, கொள்ளையடிக்க வாய்ப்பே இல்லாமல் கதாநாயகன் ஏறக்குறைய பைத்தியம் பிடித்த நிலைக்கு தள்ளப் படும்போது, கொள்ளைக் கூட்ட தலைவன் எம்ஜிஆர் நோய்வாய்ப்பட்டு இறக்கிறார்.

எம்ஜிஆர் இறந்ததும் ஏற்பட்ட மகிழ்ச்சியை வெளிக்காட்டிக் கொள்ளாமல், எம்ஜிஆர் என் நண்பர், அவர் இல்லையென்றால் நான் கொள்ளைக் கூட்டத் தலைவன் ஆகியிருக்க முடியாது என்று மழுப்புகிறார்.

எம்ஜிஆர் இறந்ததும் போட்டிக்கு ஆளே இல்லாமல் தமிழ்நாட்டின் நம்பர் ஒன் கொள்ளைக் கூட்டத் தலைவனாக ஆகிறார் கதாநாயகன் கருணாநிதி. நிம்மதியாக கொள்ளையடித்து பொழுதை ஓட்டலாம் என்று இருக்கையில் களத்தில் குதிக்கிறார் ரிவால்வர் ரீட்டா.

எம்ஜிஆரின் கொள்ளைக் கூட்டத்தில் நீண்ட காலம் இருந்த ரிவால்வர் ரீட்டா நலிவடைந்திருந்த எம்ஜிஆரின் கேங்குக்கு புத்துணர்ச்சி ஊட்டி, கேங்குக்கு தலைமை ஏற்கிறார்.

இதைக் கண்டு கதாநாயகன் கருணாநிதி அதிர்ச்சி அடைந்தாலும் வெளிக்காட்டிக் கொள்ளாமல் இதனால் தனக்கு எவ்வித அச்சமும் இல்லை என்பது போல இருக்கிறார். இந்நிலையில் டெல்லியில் உள்ள அகில இந்திய கொள்ளைக் கூட்டத் தலைவர்கள் சம்மேளனத்தில் புகார் செய்து கருணாநிதியின் தலைவர் பதவியை பறிக்கிறார் ரிவால்வர் ரீட்டா. செய்வதறியாது திகைக்கும் கருணாநிதி மீண்டும் எப்படியாவது தலைவர் ஆகி விடலாம் என்று நினைக்கையில் அகில இந்திய கொள்ளைக் கூட்டத் தலைவன் ராஜீவ் காந்தி ஒரு வெடி விபத்தில் மரணமடைகிறார்.

இதனால் ரிவால்வர் ரீட்டாவுக்கு அடிக்கிறது யோகம். உடனடியாக தலைமைப் பதவியை பிடித்து தமிழ்நாட்டின் நம்பர் ஒன் கொள்ளைக் கூட்டத்தின் தலைவியாகிறார். இவர் கொள்ளைக் கூட்ட தலைவியானதும், தன் கூட்டத்தில் உள்ள ஒருவரை வளர்ப்பு மகனாக தத்தெடுக்கிறார்.

தத்தெடுத்ததோடு நில்லாமல் கொள்ளைக் கூட்ட வரலாறிலேயே இல்லாத அளவுக்கு தான் தத்தெடுத்த வளர்ப்பு மகனுக்கு மிகப் பிரம்மாண்டமாக திருமணம் செய்கிறார். இதைக் கண்ட கதாநாயகன் கருணாநிதி வயிற்றெரிச்சலில் வாயிலும் வயிற்றிலும் அடித்துக் கொண்டு புலம்பும் காட்சி காண்போர் நெஞ்சை உருக்குகிறது.

ரிவால்வர் ரீட்டா நெம்பர் ஒன் பொசிஷனில் ஐந்தாண்டு இருந்த பிறகு மீண்டும் கருணாநிதி தன் சாதுர்யத்தால் நெம்பர் ஒன் பொசிஷனை தட்டிப் பறிக்கிறார். நெம்பர் ஒன் பொசிஷனுக்கு வந்த பிறகு ரிவால்வர் ரீட்டாவை சிறையில் அடைக்கிறார் கருணாநிதி. ஆனால் ரிவால்வர் ரீட்டாவுக்கு இருக்கும் ஆதரவை குறைத்து மதிப்பிட்டு விடுகிறார் கருணாநிதி. சில ஆண்டுகள் கழித்து மீண்டும் நெம்பர் ஒன் பொசிஷனுக்கு ரிவால்வர் ரீட்டா வருகிறார்.

ரிவால்வர் ரீட்டா நம்பர் ஒன் பொசிஷனில் வந்தவுடன், தான் ஒரு காலத்தில் கொள்ளைக் கூட்டத்திற்கே தகுதியில்லாத பண்டாரங்கள் என்று விமர்சித்த அகில இந்திய கொள்ளைக் கூட்டத்தோடு கூட்டணி வைத்து சில நிர்வாகிப் பதவிகளை கைப்பற்றுகிறார் கருணாநிதி.

வந்ததும் கருணாநிதியை பழிவாங்கும் விதமாக அவரை கைது செய்து சிறையில் அடைக்கிறார் கருணாநிதி. கைது செய்யப் படுகையில் “அய்யோ கொலை பண்றாங்க“ என்று அலறுகிறார் கருணாநிதி. ஆனாலும் கருணாநிதியால் ஐந்தாண்டுகளுக்கு நம்பர் ஒன் பொசிஷனை பிடிக்க முடியவில்லை.

அய்யோ கொலை பண்றாங்க

கருணாநிதியின் கொள்ளைக் கூட்டம் நலிவுற்றிருந்தாலும், அகில இந்திய கொள்ளைக் கூட்டத்தில் கருணாநிதியின் கூட்டத்தைச் சேர்ந்த 7 பேர் நிர்வாகிப் பதவியில் இருப்பதால் சிறிது காலம் சமாளிக்கிறார் கருணாநிதி.

சிறிது காலம் போராடிய பிறகு, தமிழ்நாட்டில் உள்ள உதிரி கொள்ளைக் கூட்டம் அனைத்தையும் ஒன்று சேர்த்து கூட்டணி அமைத்து மீண்டும் நம்பர் ஒன் பொசிஷனுக்கு வருகிறார் கருணாநிதி.




கருணாநிதியிடம் நம்பர் ஒன் பொசிஷனை தவற விட்ட ரிவால்வர் ரீட்டா செய்வதறியாமல் திகைக்கிறார். எப்படியாவது மீண்டும் நம்பர் ஒன் பொசிஷனை பிடிக்க வேண்டும் என்று பகீரதப் பிரயத்தனம் செய்கிறார் ரீட்டா. கருணாநிதிக்கு வயதாகி விட்டதால் அவரை எப்படியாவது துப்பாக்கிச் சண்டையில் ஜெயித்து விட வேண்டும் என்று திட்டமிடுகிறார் ரீட்டா.

துப்பாக்கிச் சண்டையில் கருணாநிதியை எப்படியாவது வெற்றிப் பெற வேண்டும் என்று ரீட்டா தொடர்ந்து முயற்சிக்கிறார். ஆனால் கருணாநிதிக்கோ வயதாகி, தள்ளு வண்டியில் போகும் நிலைக்கு ஆளாகிறார். இதனால் தைரியம் அடைந்த ஜெயலலிதா, துப்பாக்கிச் சண்டையில் ஜெயிக்கலாம் என்று தன்னை தயார் செய்து கொண்டு வரும் வேளையில் கருணாநிதி புதிய தந்திரத்தை கையாளுவதை கண்டு அதிர்ச்சி அடைகிறார்.



துப்பாக்கிச் சண்டையில் ஈடுபட்டு, குண்டடிப்பட்டு அனைவரும் செத்து விழுவார்கள் என்று எதிர்ப்பார்க்கையில், சண்டையில் ஈடுபடுபவர்கள் அனைவருக்கும் 5000, 10,000 என்று கவரில் கருணாநிதி பணத்தை வழங்குகிறார். கவரில் பணத்தை பெற்றுக் கொண்ட அனைவரும், குண்டடி படாமலேயே செத்து விழுந்தது போல் நடிக்கிறார்கள்.

இதைக் கண்ட ரிவால்வர் ரீட்டா செய்வதறியாமல் திகைத்து அவரும் கவரில் பணம் வழங்கும் தந்திரத்தை கையாண்டாலும் அவரின் தந்திரம் எடுபடவில்லை. கருணாநிதி வழங்கும் கவரைத்தான் அனைவரும் விரும்பி குண்டடி பட்டது போல செத்து விழுகிறார்கள்.

இதற்கு நடுவே, கருணாநிதியின் கொள்ளைக் கூட்டத்தில் குடும்பத்தினரின் ஆதிக்கம் அதிகரிக்கிறது. தன் கொள்ளைக் கூட்டத்தின் நெருக்கடி தாளாமல், தன் மகனை கொள்ளைக் கூட்டத்தின் துணைத் தலைவராக்கி நம்பர் 2 பொசிஷனுக்கு கொண்டு வருகிறார். இதைக் கண்ட இன்னொரு மகன் தான்தான் நம்பர் 2 பொசிஷனுக்கு வர வேண்டும் என்று சண்டை போடுகிறார்.

கருணாநிதியின் மகள்

இன்னொரு மகள், தனக்கு நம்பர் 3 பொசிஷன் வேண்டும் என்று வரிந்து கட்டுகிறார். ஆனால் நம்பர் 3 பொசிஷனை மகளுக்கு தர முடியாத வண்ணம், மருமகனின் பேரன்கள் சண்டை போடுகின்றனர்.

இதனால் கருணாநிதியின் கொள்ளைக் கூட்டத்தில் பெரும் கலவரம் உண்டாகிறது. தள்ளு வண்டியில் உள்ள வயது முதிர்ந்த கதாநாயகன், வயது முதிர்ந்தாலும் உடல் தளர்ந்தாலும், தன் நம்பர் ஒன் பொசிஷனை விட்டுத் தராமல் இறுதி வரை போராடுகிறார்.

தள்ளுவண்டியில் வயது முதிர்ந்த கதாநாயகன்

இறுதிக் காட்சி 2011ல் நடைபெறுகிறது. நம்பர் ஒன் பொசிஷனுக்காக தொடர்ந்து போராடும் ரிவால்வர் ரீட்டா ஜெயிக்கிறாரா, தள்ளுவண்டியில் உள்ள கருணாநிதி ஜெயிக்கிறாரா, அல்லது அவரது மகனோ அல்லது மகளோ ஜெயிக்கிறார்களா என்பதுதான் க்ளைமாக்ஸ்.
விறுவிறுப்பான திரைக்கதையும், சுறுசுறுப்பான எடிட்டிங்கும் படத்துக்கு சுவை கூட்டுகின்றன.

தேவையான இடத்தில் தேவைப்படாத காட்சிகளை வெட்டியெறிந்து, படத்துக்கு விறுவிறுப்பு கூட்டும் வகையில் படத்தை எடிட்டிங் செய்திருப்பவர் அந்தோனியோ மொய்னோ சோனியா காந்தி. இவர் இத்தாலியில் எடிட்டிங் பயிற்சி பெற்றவர் என்பது குறிப்பிடத் தகுந்தது.

ஒளிப்பதிவு பேராசிரியர் அன்பழகன். கேமரா பாய்ந்து பாய்ந்து ஒளிப்பதிவு செய்ய வேண்டிய இடங்களிலெல்லாம் மங்குணி போல நகராமல் உட்கார்ந்திருப்பது ரசிகர்களை எரிச்சலாக்குகிறது.


ப்ரொடக்ஷன் மேனேஜர் ஆ.ராசா. வசனங்களை கதாநாயகன் கருணாநிதியே எழுதியிருக்கிறார். சட்டமன்ற வளாகத்தில் கருணாநிதி ரிவால்வர் ரீட்டாவைப் பார்த்து “நீங்கள் கௌபாய் ஆக முடியாது, ஏனென்றால் பெயரிலேயே “பாய்“ இருக்கிறது, நீங்கள் பெண்“ என்று சொல்லுவதும் அதற்கு ரிவால்வர் ரீட்டா, அந்தச் சொல்லின் முதல் எழுத்தே “கௌ“ தான். கௌ என்றால் பசு என்று பொருள், பசு பெண்பால் ஆகையால் நான்தான் உண்மையான கௌபாய்“ என்ற வசனங்களுக்கு தியேட்டரே அதிர்கிறது.


பல இடங்களில் துப்பாக்கிச் சண்டை துவங்கும் முன்பே, எனக்கு, எனக்கு என்று போட்டி போட்டுக் கொண்டு கவரை வாங்கி, குண்டடி பட்டது போல மக்கள் செத்து விழும் காட்சி இந்திய சினிமா வரலாற்றில் புதுமையான காட்சி.


சண்டைக் காட்சிகள் துரை முருகன். அதிரடியாக சண்டை காட்சிகள் அமைப்பார் என்று எதிர்ப்பார்த்தால் ரிவால்வர் ரீட்டாவின் சேலையை பிடித்து இழுப்பது போல் காட்சி அமைத்திருக்கிறார். தியேட்டரில் பெண்கள் துரை முருகனை வெளிப்படையாக திட்டுவது நன்கு கேட்கிறது. இனி துரை முருகன் இது போன்ற காட்சிகளை அமைப்பதை தவிர்ப்பது நல்லது.


சவுண்ட் ஆற்காடு வீராசாமி. பல இடங்களில் ஒலி மந்தமாக இருக்கிறது ஒலிப்பதிவாளரின் கோளாறே. உடைகள் தமிழச்சி தங்க பாண்டியன். இசை அருட்தந்தை ஜெகத் கஸ்பர். இவர் இசையில் பல பாடல்கள் போலியானதாகவும், காப்பியடித்தது போலவும் இருக்றது. இவர் இசையமைப்பதை விட்டு விட்டு பேசாமல் போதகர் தொழிலுக்கே போகலாம் என்று பலர் கருத்து தெரிவித்தனர்.

வைரமுத்து, வாலியின் பாடல் வரிகள் கருணாநிதியை புகழ்வதை மட்டுமே கருத்தில் கொண்டு எழுதப் பட்டது போல் இருக்கிறது.

மக்கள் தொடர்பை கருணாநிதி மகன் அழகிரியே கவனித்துக் கொள்கிறார். நகைச்சுவைக்கு ஆவுடையப்பன் என்ற புதிய கதாபாத்திரத்தை அறிமுகப் படுத்தியுள்ளனர். இவர் நடுநிலையோடு நடந்து கொள்வது போல் நடித்து பல நேரங்களில் சிரிப்பை ஏற்படுத்துகிறார். ஆவுடையப்பன் தவிர்த்து கதாநாயகன் கருணாநிதியே பிரமாதமான காமெடி செய்வதால் தனி காமெடி ட்ராக் தேவையே இல்லை.


எவ்வளவு பெரிய கொள்ளைக் கூட்டத்தின் தலைவனாக இருந்தாலும், கொள்ளைக் கூட்டத்தை விட குடும்பமே பெரிது என்ற மெசேஜை படம் பார்க்கும் எவ்வளவு பேர் புரிந்து கொள்வார்கள் என்று தெரியவில்லை.


மொத்தத்தில் நீண்ட நாட்கள் கழித்து வந்திருந்தாலும், ஒரு சிறந்த கௌபாய் படம் பார்த்த திருப்தி படம் பார்த்து விட்டு தியேட்டரை விட்டு வெளியே வரும் அனைவர் முகத்திலும் தெரிந்தது.

நன்றி

சவுக்கு

இந்த ஆளுக்கு இந்த வயசில இது தேவையா?

வரலாற்றில் புகழ்பெற்ற தலைவர்கள் பலர் இருந்தாலும் புகழுக்காகவும் பணத்துக்காகவும் மட்டுமே வாழ்ந்த வாழ்ந்து கொண்டிருக்கும் ஒரு தலைவரை பார்த்ததுண்டா? இல்லாவிட்டால் எதிர்வரும் 6 ஆம் திகதி கலைஞர் டிவி பாருங்கள் உங்களுக்கே தெரியும். அட அதுதான் எல்லோருக்குமே தெரியுமே எதுக்கு பில்டப் என்றுதானே நினைக்கிறீர்கள், அவர் மட்டும் தனக்குதானே பில்டப் பண்ணிக்கலாம் நாம சும்மா பண்ணக்கூடாதா?

சென்ற ஆண்டு அண்ணா நூற்றாண்டு விழா என்று ஒன்றை நடாத்தி அதிலே அண்ணாவை பற்றி மேலோட்டமாக பேசிவிட்டு தன்னைப்பற்றி அதிகமாக பேசிய கவிஞர்களையும் , கட்சிக்காரர்களையும் பார்த்து புழகாகிதம் அடைந்த கலைஞரின் செயற்பாடு எப்பிடி தெரியுமா இருந்திச்சு, பசுமாட்டை பற்றி கட்டுரை எழுதிய ஒருவன் "பசுமாட்டை தென்னை மரத்தில் கட்டிவிட்டேன் " என்று கூறி பின்னர் தென்னைமரத்தை பற்றி எழுதியதை போல இருந்தது. அந்த விழாவில் தனக்குதானே 'அண்ணா விருதை' கொடுத்து அற்ப சந்தோசம் கண்ட கலைஞர் அன்று கவிஞர்களின் பாராட்டுக்கள் காணாதென்று இன்று நடிகர்களை பாராட்டுவதற்கு அழைத்துள்ளார்.

திரைப்பட தொழிலாளர்கள், தயாரிப்பாளர்கள், நடிகர்-நடிகைகள், சின்னத்திரை தொழிலாளர்கள் மற்றும் தயாரிப்பாளர்கள் வீடு கட்டிக் கொள்ள, சென்னையை அடுத்த பையனூரில், 116 ஏக்கர் நிலத்தை முதல்வர் வழங்கியுள்ளாராம் , அவர்களும் அந்த இடத்தில் அமைய இருக்கும் குடியிருப்புகளுக்கு, 'கலைஞர் திரைப்பட நகரம்' என்று பெயர் சூட்ட முடிவு செய்ததுடன் பாராட்டு விழாவிற்கும் ஏற்பாடு செய்துள்ளனராம்.நன்றிமறவாத தமிழனின் பண்பை கலைஞரிடம் வெளிப்படுத்தும் திரையுலகினரே அதை கொஞ்சம் மக்களிடமும் வெளிப்படுத்தினால் நல்லது. என்றைக்காவது எம்மை தாங்கிப்பிடித்திருக்கும் மக்களுக்காக என்று ஏதாவதொரு பாராட்டுவிழா திரைஉலகின் ஏதாவதொரு சங்கம் நடாத்தியிருக்கிறதா? மாறாக தங்கள் சங்க கடனை அடைக்க மக்கள்முன் நடிகர்களை கொண்டுவந்து அங்கும் மக்களது பணத்தை டிக்கெட் போட்டு பிடுங்கித்தானே இவர்களுக்கு பழக்கம்.

ஒருதடவை நடிகர்கள் ஜெயலிதாவை பாராட்டியபோது நடிகர்களை 'காக்கைகள்' என்று கேலி பேசியதை நாம் மறக்காவிட்டாலும் நம்ம நடிகர்கள் மறந்துவிட்டார்கள் போலுள்ளது, இவனுகள் மறக்காட்டியும் மறந்துபோச்செண்டுதானே சொல்லுவாங்க ( 'நாடோடிகள்' பட ஸ்டயிலில). இல்லாவிட்டால் மீண்டும் இப்போது கலைஞரை பாராட்ட கிளம்புவாங்களா? இதில நாடகங்கள் அழிந்து கொண்டு வருகின்றது நாடகங்களை காப்பற்றுங்கள் என்று பாலசந்தர் கேட்டபோது மொவுனமாக இருந்த நம்ம 'உலக நாயகன்' கலைஞருக்காக நாடகம் போடுராராம். எதுக்குதான் கலைஞருக்கு நடிகர்களும் , நடிகர்களுக்கு கலைஞரும் தேவைப்படுகிறார்கள்?

நடிகர்களுக்கு என்ன பிரச்சினை ? எதற்கு கலைஞரை நாடுகிறார்கள் ? ஜெயலாலிதாவின் காலத்தில் இப்படி தொட்டதற்கும் போய் அவரிடத்தில் நின்றதில்லையே, இப்போது மட்டும் அடிக்கடி கலைஞரை நடிகர்களும் , நடிகைகளும் சந்திப்பது எதற்கு ? கிடைக்கும்வரை

மக்கள் பணத்தை சுருட்டும் கலைஞருடன் இவர்கள் கூட்டு களவாணித்தனம் ஏதும் செய்கிறார்களா? ஒண்ணுமே புரியல. அனால் கலைஞரை பொறுத்தவரை அரசியல் பண்ண நடிகர்கள் தேவை, அதற்குதான் இந்த அன்பளிப்பெல்லமே.ஒருவேளை கலைஞருக்கு யாராவது சோதிடக்காரர்கள் "உங்களை பற்றி மற்றவர்கள் புகழ புகழ உங்கள் ஆயுள் அதிகரிக்கும் " என்று கூறி இருப்பார்களோ, அதனால்தான் மூன்று மாதத்திற்கொரு தடவை புகழ்ச்சி ஏற்பாடு செய்கிறாரோ, அதனால்தான் அடுத்து உலகளவில் தன்னை புகழ 'உலக தமிழ் மாநாட்டிற்கு' ஆயத்தம் செய்து விட்டார். இவருக்குதான் வயதுபோய் வாக்குமாறி விட்டதென்றால் கூட இருப்பவர்களாவது சொல்லக்கூடாதா?

காடு 'வாவா' என்கிறது வீடு 'போபோ' என்கிறது, இருந்தாலும் புகழுக்கு அலையும் 'முத்தமிழை வித்தவரே' வரலாற்றில் சிறந்த காமடியனாக உருவாக வாழ்த்துக்கள், பாராட்டு விழா ஒன்று ஏற்பாடு செய்யலாமா?

என்று நிற்கும் இந்த இலவசம் எனும் கொடிய நோய் .

கல்வியும் அரசியலும் வியாபாரமாகி வெகுநாளாகிவிட்டன. திரைப்படத்தால் அ.தி.மு.க பயன் பெற்றது. தொலைக்காட்சியால் தி.மு.க பயன்பெறுகிறது என்று நிற்கும் இந்த இலவசம் எனும் கொடிய நோய் .

இன்றைய தலையங்கத்திற்கு நான் எழுத உட்கார்ந்த நேரத்தில் தினமணியின் தலையங்கத்தை பார்த்தேன் , நான் எழுத வேண்டாம் என்று தீர்மானித்து தினமணியின் தலையங்கத்தை அப்படியே இங்கும் மீள் பதிகிறேன். :-

தமிழ்நாட்டின் ஆறு மாவட்டங்களில் அண்ணா கிராம வளர்ச்சித் திட்டத்துக்காக ஒதுக்கிய நிதியை, வண்ணத் தொலைக்காட்சிப் பெட்டிகளை வாங்குவது போன்ற தகுதியற்ற செலவுகளுக்காகத் திருப்பிவிட்டதாகக் கணக்குத் தணிக்கையாளர் அறிக்கை கூறியிருக்கிறது. தலைமைத் கணக்குத் தணிக்கையாளர் அறிக்கையை ஆவலோடு எதிர்பார்த்திருந்து அதில் கூறப்படும் குறைகளைப் பற்றி பேரவையிலும் வெளியிலும் பேசுவதைத் தங்களுடைய கடமையாகவே கருதி ஒரு காலத்தில் செயல்பட்டன எதிர்க்கட்சிகள். கணக்கு வழக்குகளில் நிபுணர்களும் நடுநிலையாளர்களுமான தணிக்கையாளர்களின் அறிக்கை என்பதால், அவற்றுக்கு ஊடகங்களிலும் உரிய முக்கியத்துவம் தரப்பட்டது. ஆளும் கட்சிகளும் அதற்கு விளக்கம் அளித்து தவறு எப்படி ஏற்பட்டது என்று கூறி, தன் மீதான பழியை ஓரளவாவது போக்கிக் கொள்ளவும், தவறைத் திருத்திக் கொள்ளவும் முயற்சி செய்தன. இப்போது அதெல்லாம் அவசியம் என்று எதிர்க்கட்சிகளும் நினைப்பதில்லை, ஆளும் கட்சியும் கவலைப்படுவதில்லை. தணிக்கை அறிக்கை என்பது பத்திரிகைகளில் பிரசுரமான பிறகு, ""நேராக எங்கு போக வேண்டுமோ'' அங்கே போய் விடுகிறது. அடித்தளக் கட்டமைப்பு மேம்பாட்டுக்கான நிதியை இலவச வண்ணத் தொலைக்காட்சிப் பெட்டிகளை வாங்குவது உள்ளிட்ட தகுதியற்ற செலவுகளுக்குப் பயன்படுத்தியிருப்பதாகத் தணிக்கையாளர் சுட்டிக்காட்டியிருக்கிறார்.

தொலைக்காட்சிப் பெட்டியை முட்டாள்(களின்) பெட்டி என்றே அழைப்பார்கள் விவரம் தெரிந்தவர்கள். ஆனால் தமிழ்நாட்டு மக்களின் பொது அறிவை வளர்ப்பதற்காகவே தொலைக்காட்சிப் பெட்டியை ஏழைகளுக்கு இலவசமாக வழங்கப் போவதாக முதலமைச்சர் அறிவித்தபோது, வழக்கம்போல ஏதோ நகைச்சுவையாகப் பேசுகிறார் என்றுதான் எல்லோரும் நினைத்தார்கள். ஒரே முனைப்பாக இருந்து அந்தத் திட்டத்தை அமல்படுத்தத் தொடங்கினார் முதல்வர்.

பொதுப் பணத்தை சூறையாடத்தான் இந்தத் திட்டம் என்று முக்கிய எதிர்க்கட்சியான அதிமுக தனது ""ஆண்ட'' அனுபவத்தைக் கொண்டு உடனே குற்றம் சாட்டியது. ""தொலைக்காட்சிப் பெட்டியைத் தேர்வு செய்யப் போவதும், தயாரிப்பாளர்களைத் தேர்வு செய்யப் போவதும் அனைத்துக் கட்சி குழுதான்'' என்று முதல்வர் அறிவித்தார். பிரச்னை, தரமான வண்ணத் தொலைக்காட்சிப் பெட்டிகள் வாங்கப்படுவதிலும், முறையாக விநியோகம் செய்யப்படுவதிலும் இல்லை. இப்படி ஒரு திட்டம் இன்றைய நிலையில் அவசியத் தேவைதானா, அதனால் யாருக்கு என்ன லாபம் என்பதுதான்.

வறுமைக் கோட்டுக்குக் கீழே உள்ளவர்களுக்கு மட்டும் என்று தொடங்கி, ரேஷன் கார்டு வைத்துள்ள எல்லா குடும்பங்களுக்கும் என்று இப்போது இந்த இலவசத் தொலைக்காட்சிப் பெட்டி வழங்கப்பட்டு வருகிறது.இந்தியா போன்ற நாடுகளில் நிதியாதாரம் என்பது பெரும்பாலும் ஏழைகளின் உழைப்பிலிருந்துதான் மறைமுக வரிகள் மூலம் பெறப்படுகிறது. எனவே, ஒவ்வொரு ரூபாயையும் பயனுள்ள வகையில் செலவழிப்பது என்பது அரசின் கட்டாயக் கடமை. பள்ளிக்கூடம் இல்லாத ஊர் இருக்கலாம்; படிக்காத குழந்தைகளைக் கொண்ட குடும்பம் இருக்கலாம்; வேலை கிடைக்காத பட்டதாரிகள் இருக்கலாம்; மருத்துவமனையே இல்லாத கிராமங்கள் இருக்கலாம்; மருத்துவர்கள் இல்லாத மருத்துவமனை இருக்கலாம்; ஆசிரியர்கள் இல்லாத பள்ளிக்கூடங்கள் இருக்கலாம்; வண்ணத் தொலைக்காட்சிப் பெட்டிகள் இல்லாத வீடுகளே இருக்கக்கூடாது என்று நினைத்து, போர்க்கால அடிப்படையில் செயல்படும் இந்த அரசைப் பார்த்தால் வியப்புத்தான் ஏற்படுகிறது. எந்த நிறுவனம் இந்தப் பொது அறிவு அட்சயபாத்திரத்தைத் தயாரிக்கிறது என்று தெரியவில்லை.

மின்வாரியத்தின் மின்னழுத்த மாற்றத்தைத் தாங்க முடியாமல் பருத்தி வெடிப்பது போல ஆங்காங்கே வெடித்துச் சிதறி, கரிந்து வருகிறது மக்களின் வரிப்பணம். இந்த வண்ணத் தொலைக்காட்சிப் பெட்டிகளில் சினிமாப் படங்களும், குத்தாட்ட நடனங்களும், பழிக்குப்பழி சீரியல்களும் பார்க்காமல் அறிவார்ந்த விஷயங்களை எத்தனை பேர் பார்க்கிறார்கள் என்பது உலகறிந்த ரகசியம். ஆளுங்கட்சி ஆதரவு சானல்களின் பார்வையாளர்கள் கணக்கை (டி.ஆர்.பி.ரேட்டிங்) அதிகரித்து அதன்மூலம் தங்களது விளம்பர வருவாயை அதிகரிக்கத்தான் இந்தத் திட்டம் உதவுகிறது என்பதும் ரகசியமல்ல.

வண்ணத் தொலைக்காட்சிப் பெட்டிக்கான செலவை இலவச சமையல் எரிவாயு அடுப்புக்கான செலவுடன்கூட ஒப்பிட முடியாது. விறகுக்காக மரங்களை வெட்டுவதைத் தவிர்க்க உதவுவதால் இலவச சமையல் எரிவாயு திட்டம்கூட வரவேற்கப்பட வேண்டியதே. வண்ணத் தொலைக்காட்சி பெட்டிகளுக்கான செலவு மட்டும் அல்ல, சட்டப் பேரவை உறுப்பினர்கள், நாடாளுமன்ற உறுப்பினர்கள் போன்றோருக்காக ஒதுக்கப்படும் தொகுதிவளர்ச்சி நிதியும்கூட முழு அளவுக்குப் பயனுள்ள வகையில் செலவழிக்கப்படுவதில்லை என்றுதான் தணிக்கை அறிக்கைகள் கூறுகின்றன.

நல்லரசு என்பது மக்களின் அடிப்படைத் தேவைகளான சாலைகள், சுகாதாரம், கல்வி, கிராமப்புற முன்னேற்றம் போன்றவைகளில் கவனம் செலுத்துவதை விட்டுவிட்டு, கவர்ச்சித் திட்டங்களை முன்வைத்து வாக்குகளைப் பெற்று, ஆட்சியைப் பிடிப்பதில் மட்டுமே கவனம் செலுத்துவதைத் தணிக்கை அறிக்கையில் கண்டிக்கத்தான் முடிகிறதே தவிர, தண்டிக்கவா முடியும்? ஆட்சியாளர்கள் தீர்க்கதரிசிகளாக இல்லாமல், தொலைநோக்குப் பார்வையற்ற அரசியல்வாதிகளாக இருப்பதன் விளைவை அனுபவிக்கப்போவது என்னவோ நாளைய தலைமுறைதானே... இவர்கள் ஏன் கவலைப்படப் போகிறார்கள்........

கருணாநிதி (vs) எம்.ஜி.ஆர்

இன்று சட்ட சபையில் நடந்த இந்த உரையாடல்களும் அது செய்தியானபின்பு வாசகர்களிடமிருந்து வந்த விமர்சனங்களும் இங்கே பதியபடுகிறது :

செய்தி :

என்ன தான் நடக்கும், நடக்கட்டுமே!' என்ற பாடல் எனக்காக எம்.ஜி.ஆர். பாடினார்'' என்று முதல்வர் கருணாநிதி கூறினார்.

எனக்குத் தெரியும், எம்.ஜி.ஆர். என்னை மனதிலே கொண்டு பாடிய பாடல் அது.​ ஏனென்றால் என்னுடைய 40 ஆண்டு கால நண்பர் அவர்.​ இன்னும் சொல்லப் போனால், திமுக உட்கட்சித் தேர்தல் நடைபெற்றபோது, தலைவராக நான் தான் வரவேண்டுமென்று எண்ணி அதற்காகப் பாடுபட்டவர். அதற்காக ஆட்களைச் சேர்த்தவர்.

அந்த நன்றி எனக்கு உண்டு. சாகின்ற வரையிலே உண்டு. அதைபோல இந்தப் பொறுப்புக்கு நான் வர வேண்டுமென்று விரும்பியவர்களில் அவரும் ஒருவர். எனவே, எம்.ஜி.ஆர். பாடிய பாடலை நான் இப்படி கருதிக் கொள்கிறேன். அந்தப் பாடலில் "தலைவன் இருக்கின்றான் மயங்காதே' என்று வரும் வரி, என்னைக் குறிப்பிட்டுத் தான் சொல்கிறார். தலைவி இருக்கிறார் மயங்காதே எனச் சொல்லவில்லை'' என்றவுடன் பேரவையில் சிரிப்பலை எழுந்தது.

வாசகர் விமர்சனங்கள் :

1 ) "மக்கள் நலம் மக்கள் நலம் என்றே சொல்லுவார் தம் மக்கள் நலம் ஒன்றேதான் மனதில் கொள்ளுவார்" அதே எம்.ஜி.ஆர்.தான் பாடினார் இந்த கருணாநிதிக்காக

2 ) திருடனா பார்த்து திருந்தாவிட்டால் திருட்டை ஒழிக்க முடியாது என கருணாநிதியை மனதில் வைத்தே பாடப்பட்டது.எம்.ஜி.ஆர் தத்துவப் பாடல்கள் அத்துணையும் பொருள் திருடன்,தமிழினத் துரோகி கருணாநிதியை மனதில் வைத்தே பாடப்பட்டது.அதனால் தான் எம்.ஜி.ஆர் உயிரோடிருந்தவரை இந்த பன்னாடை கருணாநிதியால் பதவிக்கு வரமுடியவில்லை.

3 ) ஒரு வாலுமில்லை நாலு காலுமில்லை ஒரு மிருகம் இருக்குது நாட்டுக்குள்ளே" '"மக்கள் நலம் மக்கள் நலம் என்றே சொல்லுவார் தம் மக்கள் நலம் ஒன்றேதான் மனதில் கொள்ளுவார்" "நம்மை ஏய்ப்பவர் கையில் அதிகாரம் இருந்திடும் என்னும் கதை மாறும்" "மனிதன் என்ற போர்வையில் மிருகம் வாழும் நாட்டிலே நீதி என்றும் நேர்மை என்றும் எழுதி வைப்பார் ஏட்டிலே" "ஏமாற்றாதே ஏமாற்றாதே ஏமாறாதே ஏமாறாதே " "சீமான்கள் போர்வையிலே சாமான்ய மக்களையே ஏமாற்றிக் கொண்டாட்டம் போடுறீங்க" "நேருக்கு நேராய் வரட்டும் நெஞ்சில் துணிவிருந்தால்" " உரத்தில் கூட ஊழல்பண்ணி எங்க பேரைக் கெடுக்கிறான்" இப்படியெல்லாம் அதே எம்.ஜி.ஆர்.தான் பாடினார். இவை காலத்தால் அழியாத பாடல் வரிகள்

4 ) 40 ஆண்டுகளாக இருந்த நண்பரையும்(MGR), தம்பியையும்(வைகோ) கட்சியை விட்டு அனுப்பிவிட்டு, கழகம் என்ற குடும்பத்தின் தலைவராக தனக்கு போட்டியில்லாமையை உருவாக்கியப்பின், அதற்கு வெளியேறியவர்கள் தான் காரணம் என்று கூறும் கைவந்த கலைஞர். 'நேருக்கு நேராய் வரட்டும்' என்று MGR பிரிந்தப்பின்பு கருணநிதிக்கு பாடிய பாடலுக்கேர்ப்ப, நேருக்கு நேராய் வந்து தோல்வியுற்றப்பின், நேரு கட்சி துணையுடன் MGR ஆட்சியை கவிழ்க்கப் பார்த்ததும் ஒரு நண்பர் செய்யும் செயலா? ஆயிரத்தில் ஒருவன் MGR அப்படத்தில் வரும் MGR, ஜயலலிதா, நம்பியார்(கருணாநிதி) இன்றும் அப்படியே பொருந்தும்

5 ) நிலைமாறி எதிர் எதிர் ஆக மாறிய பின்பு எத்தனைக் காலத்திற்குத்தான் 40 ஆண்டு கால நட்பைக் கூறிக் கொண்டிருப்பது? வாழ்ந்த பொழுது ஒருவரை ஒருவர் வீழ்த்த வேண்டும் என்று கங்கணம் கட்டிக் கொண்டு செயல்பட்டு விட்டுத் திரும்பத்திரும்ப பழைய பல்லவியையே பாடுவது நன்றாக இல்லை. எனவே, எதிர் நிலைப்பாடு ஏற்பட்ட வரலாற்று உண்மையைத் திரிக்காமல் மறுக்காமல் மறைக்காமல் மழுப்பால் தன்னுடைய இயக்கப் பணிகள் கருத்துகள் போராட்டங்கள் அடிப்படையிலேயே தன்னை முன்னிறுத்த முத்தமிழறிஞர் கலைஞர் அவர்கள் முயல வேண்டும். நாடெங்கும் ஆழமான அழுத்தமான கலைஞர் எதிர்ப்பு கருத்தினை ஆழமாக விதைத்துத் தாம் மறைந்தாலும் தம்மால் விதைக்கப்பட்ட கருத்தினை மறையாமல் இருக்கச செய்த புரட்சித்தலைவரின் தோழமை என்ற புகழில் தன்னை மறைக்க முத்தமிழறிஞர் கலைஞர் அவர்கள் முயலக கூடாது. புரட்சித் தலைவருக்கு எதிரான இயக்க விளக்கும் அணையாமல் இருப்பதை உணர்ந்து இனியேனும் எதிர்ப்பிற்கு முந்தைய நிலை‌யைக் கூறி மக்க‌ளை எரிச்சல்படுத்தக் கூடாது. அன்புடன் இலக்குவனார் திருவள்ளுவன்

6 ) 40 ஆண்டுக் கால நண்பரா மகனா என்ற நிலை வந்த பொழுது நிலைப்பாடு மாறியதை மறக்கக் கூடாது. தந்தை பெரியார் இறை மறுப்பாளராக மாறிய பின்பு அவரின் முந்தைய கருத்துகளை எவ்வாறு எடுத்தாளக் கூடாதோ, அதே போல் நிலைமாறி எதிர் எதிர் ஆக மாறிய பின்பு எத்தனைக் காலத்திற்குத்தான் 40 ஆண்டு கால நட்பைக் கூறிக் கொண்டிருப்பது? வாழ்ந்த பொழுது ஒருவரை ஒருவர் வீழ்த்த வேண்டும் என்று கங்கணம் கட்டிக் கொண்டு செயல்பட்டு விட்டுத் திரும்பத்திரும்ப பழைய பல்லவியையே பாடுவது நன்றாக இல்லை. எனவே, எதிர் நிலைப்பாடு ஏற்பட்ட வரலாற்று உண்மையைத் திரிக்காமல் மறுக்காமல் மறைக்காமல் மழுப்பால் தன்னுடைய இயக்கப் பணிகள் கருத்துகள் போராட்டங்கள் அடிப்படையிலேயே தன்னை முன்னிறுத்த முத்தமிழறிஞர் கலைஞர் அவர்கள் முயல வேண்டும். நாடெங்கும் ஆழமான அழுத்தமான கலைஞர் எதிர்ப்பு கருத்தினை ஆழமாக விதைத்துத் தாம் மறைந்தாலும் தம்மால் விதைக்கப்பட்ட கருத்தினை மறையாமல் இருக்கச செய்த புரட்சித்தலைவரின் தோழமை என்ற புகழில் தன்னை மறைக்க முத்தமிழறிஞர் கலைஞர் அவர்கள் முயலக கூடாது.

கருணாநிதிக்கு ஒரு தறுதலை எழுதிய கடிதம்.

தானைத் தலைவருக்கு,

இந்த தறுதலை தமிழனின் தலைவணங்கிய வணக்கங்கள். ‘என்னடா, இவன் தன்னைத் தானே தறுதலைன்னு சொல்லுறானேன்னு தப்பா நெனச்சுக்காதீங்க தலைவரே புள்ளைகளுக்கெல்லாம் அப்பன் வெக்கறது தானுங்க பேரு. வேலை வெட்டி எதுக்கும் போகாம நீங்க குடுத்த வண்ணத் தொலைக்காட்சி பெட்டில நீங்களும் உங்க வாரிசுகளும் வகைவகையா நடத்துற சேனல்கள்ல படம் பாட்டுத்துட்டு ஊர் மேஞ்சுட்டு இருந்ததனால ஊர அழைக்காமலேயே எங்கப்பன் எனக்கு வெச்ச ரெண்டாவது பேரு தானுங்க இந்த தறுதலைங்கற பேரு. பேரு நல்லா இருக்குங்களா தலைவரே?

என்ன பண்ணித் தொலைக்கிறது தலைவரே எங்கப்பன் அம்பானி மாதிரி சொத்து சேத்து இருந்தா எனக்கு அதகொடுத்துருப்பாரு. இல்ல உங்கள மாதிரி அரசியல் செல்வாக்கு சேத்து வெச்சிருந்தா வெளங்காத என்ன மாதிரி புள்ளைக்கு ஒரு பதவியவாவது தூக்கி கொடுத்திருப்பாரு. அந்தாளே ஊர்ஊராப் போயி வேலைதேடி கல்லு மண்னு சொமந்து எனக்கு சோறுபோட்டு “வெந்ததத் தின்னுட்டு விதிவந்தா சாகலாம்னு” இன்னைக்கு செல்லாக்காசா உக்காந்துட்டு இருக்காரு. அந்தாளுகிட்ட தறுதலை தண்ட சோறுங்கற பேர தவிர எனக்கு தூக்கிக் கொடுக்க ஒன்னுமில்ல. அதனால போனா போகுதுன்னு அதையே நானும் வாங்கிகிட்டேன்.

பேரு கிடக்குது தலைவரே பேரு. நமக்கெல்லாம் சோறு தானே முக்கியம். அதனால பேசாம கிடக்கிறேன். நீங்க குடுக்குற ஒரு ரூவா அரிசியில பொங்கிப்போடறதுக்கே எங்கப்பனுக்கு இத்தனை ஓப்பாளம். கேட்டா பருப்பு 98 ரூவா, பாலு 48 ரூவான்னு பாட்டு பாடறான் அந்த மனுசன். எதுத்தும் பேச முடியல. பேசுனா குடும்பம் ரெண்டாபோயிடும். நமக்கென்ன தலைவரே நாலஞ்சு டி.வி. சேனலா இருக்கு. குடும்பம் ரெண்டானா சேனல் 16 ஆகும்னு கணக்குப்போட்டு காய் நகத்தறதுக்கு? வீட்ட விட்டு வெளிய வந்தா சோத்துக்கே சிங்கியடிக்கனும். மானம் ரோசம் பாத்தா வயித்த யாரு பார்க்கறதுங்கறதாலதான் அடங்கிப் போயிட்டிருக்கேன் தலைவரே.

எல்லா அப்பனும் உங்கள மாதிரி இல்லாட்டியும் அட்லீஸ்ட் அம்பானி மாதியாவது சொத்து சேத்து வெக்கணும்னு ஒரு ஆடர் போடுங்க தலைவரே. ‘என்ன எழவு ? அப்பவும் “சப்பான்ல சாக்கிசான் கூப்பிட்டாக.. அமொpக்காவுல மைக்கேல் சாக்சன் கூப்பிட்டாக ங்கற மாதிரி” இலவசமா டி.வி. கொடுத்தீக.. கேஸ் கொடுத்தீக.. நெலம் கொடுத்தீக.. இதையும் நீங்களே குடுங்கன்னு, அதுக்கும் இந்த பிச்சக்காரக் கூட்டம் உங்ககிட்டதான் கையேந்தி நிக்கும். அதையும் குடுத்திட்டீங்கன்னா நீங்க யார்கிட்டயும் ஓட்டுக்காகக் கையேந்தி நிற்க வேண்டியதில்லை. வரிசைல வந்து நின்னு ஓட்ட மாறிமாறி உங்களுக்கே குத்திட்டு போயிட்டே இருப்பாங்க. ஐடியா நல்லா இருக்குங்களா தலைவரே? மனசுல வெச்சுக்குங்க 2011 ல கூட்டணி சம்பந்தமா காங்கிரஸ் கூட ஏதாவது பிரச்சனை வரலாம் அப்படி வந்தா தேர்தல் அதுகள கழட்டிவிட்டுட்டு தேர்தல் அறிக்கைல இத சேர்த்திடுங்க. கண்டிப்பா ஒர்க்அவுட் ஆகும்.

எனக்கென்னமோ 2011ல இந்த காங்கிரஸ்காரன் கட்டாயம் தகராறு பண்ணுவான்னுதான் தோணுது. இப்பவே பாருங்க இந்த ஈ.வி.கே.எஸ். இளங்கோன்னு ஒன்னு ஏட்டிக்குப் போட்டியாவே பேசிட்டுத் திரியுது. என்னடா தைரியமா பேரச் சொல்றானேன்னு பாக்கறீங்களா. அட அதனால என்னங்க அதென்ன மானநஷ்ட வழக்கா போடப்போகுது. அதெல்லாம் இருக்கிறவன் போட்டாதான் செல்லும் தலைவரே.

கட்சி செயற்குழு, பொதுக்குழு கூட்டத்துக்கு போறதுக்கே பக்கத்து நாட்டுக்கு படையெடுத்து போறது கணக்கா பத்து பதினஞ்சு செட் வேட்டி சட்டை எடுத்துட்டு போய் கடைசீல திரும்பி வரும் போது எல்லாங் கிழிஞ்சி அண்டர் டிராயரோடு வர்ற கூட்டம்தானுங்க தலைவரே இவங்க. அவங்களுக்குத் தெரியும் அவங்களோட வெக்கம் மானத்தப்பத்தி, அதனால அப்படியெல்லாம் எதுவும் செய்ய துணியமாட்டாங்கத் தலைவரே. புதுசா எந்த வழக்குலயும் ஜாயின்ட் பண்ணமுடியலங்கற வருத்தத்துல இந்த சுப்பரமணிசாமி எதாவது முயற்சி பண்ணினா காங்கிரஸ்காரங்களும் அதப்பத்தி யோசிக்க ஒரு வாய்ப்பிருக்கு. ஏன்னா எதுவோ கெட்டா குட்டிச் சுவருதான்னு ஊருக்குள்ள ஒரு பேச்சிருக்குங்க தலைவரே.

அது செரிங்க தலைவரே இந்த தமிழ், தமிழ்னு பேசிட்டுத் திரியற பத்துப் பதினஞ்சு பசங்க சேந்து மாவீரர் தினம் கொண்டாடினாங்களே உங்களுக்கு ஏதாச்சும் நியூஸ் வந்துச்சுங்களா? மன்னிச்சுக்கங்க தலைவரே உகாண்டால ஏதாச்சும் நடந்தாவே உங்களுக்கு நியூஸ் வந்துரும். உள்ளூர்ல நடந்தது தெரியாமயா இருக்கும். அதுல அவங்க பிரபாகரன் படத்த வெச்சாலோ இல்ல பிரிஜ;பாஸி அட்லாஸ வச்சாலோ இந்த இளங்கோவனுக்கு என்ன போச்சு? உலகத் தமிழினத் தலைவர் நீங்களே பேசாம இருக்கும் போது கதர் சட்டக்காரனுக்கென்ன அடிவயித்துல தீய வெச்சமாதிரி அப்படி எரியுது?

தமிழ்நாட்டுல யார் படத்த வெக்கலாம் வெக்ககூடாதுனு சட்டம் எதாவது இருக்குதுங்களா தலைவரே? அட அப்பிடியே இருந்தாலும் அத நீங்கதானே சொல்லனும், இதுகெல்லாம் எப்படி அதபத்தி பேசலாம் நீங்களே சொல்லுங்க தலைவரே. இதனால உங்களுக்குத்தானே கெட்ட பேரு. ஊர்ல எல்லாரும் என்ன பேசிக்கிறாங்க தெரியுமா?

அதான் தலைவரே பரமசிவன் கழுத்துல இருந்து பாம்பு கருடனைப் பார்த்து கேட்டுச்சாம ‘கருடா சௌக்கியமான்னு’ கருடனோட நிழல பாத்தாலே ஓடி ஒழியற பாம்பு பரமசிவனோட கழுத்திலே இருந்த ஒரே தைரியத்துல கருடனைப் பாத்து “கருடா சௌக்கியமான்னு” கேட்ட கதையா உங்களோட கூட்டணியில இருக்கிற ஒரே ஒரு தைரியத்துலதான் தமிழ்ங்கற பேரக்கேட்டாலோ இந்தியாவோட தேசிய விலங்கு என்னானு கேட்டா புலின்னு சொல்ல கூட பயப்படற அந்தகதர் கூட்டம் பிரபாகரனோட பேனரையே கிழிச்சுப் பாத்துச்சாம். இளங்கோவன் பாம்பாம் நீங்க பரமசிவனாம். இதெல்லாம் தேவைங்களா தலைவரே உங்களுக்கு. ஒரு பழுத்த பகுத்தறிவுவாதிய எதுக்கெல்லாம் ஒப்பிடறாங்க பாருங்க.

உங்களுக்கு மறந்திருக்காது இருந்தாலும், திருச்சி செல்வேந்திரன் ஐயா முன்னாடி ஒரு கூட்டத்துல பேசுனத மறுபடியும் இங்க ஒரு தடவ சொல்ல வேண்டியது என் கடமை.

“ஒரு காங்கிரஸ் அமைச்சருக்கு அவசரமா ஒன்னுக்கு வந்துச்சாமா. சரி பக்கத்து ஊருக்குப் போய் போய்க்கலாம்னு அடி பொடிகளோட பஸ் புடிக்க போனாராமா. அந்த காலத்துல பஸ்சுல ஓவர் லோடு ஏத்தக் கூடாது. அதனால கண்டக்டர் , ஐயா ஏற்கனவே, பஸ் புல் ஆயிருச்சு; இத்தன பேர ஏத்த முடியாது. அதனால அடுத்த பஸ்சுல வாங்கன்னு சொன்னாராம். ஊடனே காங்கிரஸ் அமைச்சருக்கு வந்துச்சே கோவம். யோவ் நான் மினிஸ்டரு. என்னையே ஏத்த மாட்டீங்கறீயான்னு கண்டக்டரை நாலு ஏத்து ஏத்த, போனா போய்தொலையட்டும்னு அத வண்டியில ஏத்திட்டுப் போனாராம்.

அடுத்த நாள் கண்டக்டருக்கு அவங்க ஆபீஸ்ல இருந்து அழைப்பு வந்துச்சாம். போய் பார்த்தா… அங்க அவரோட மேலதிகாரி முன்னாடி காங்கிரசு அமைச்சர் உட்காந்திட்டு இருந்தாராம். மேலதிகாரி ஐயா, இந்த ஆளா பாருங்கன்னு கண்டக்டரை கைகாட்ட, மினிஸ்டரும் ஆமா அவன்தான்னு அடையாளம் காட்டுனாராம்.

உடனே மேலதிகாரி யோவ் நேத்து இந்த ரூட்ல போன நீ உன்னோட பஸ்சுல ஓவர் லோடு ஏத்தினியாமான்னு கேட்க, கண்டக்டர் இல்லன்னு பதில் சொன்னாராம். உடனே மினிஸ்டர் அவன் ஏத்தினது உண்மைன்னு சொன்னாராம். மேலதிகாரி, ஐயா அது உங்களுக்கு எப்படி தெரியும்னு கேட்டாராம். உடனே மினிஸ்டர் அவரு ஏத்திட்டு போனதே என்னத்தான்னு சொன்னாராம்.

கண்டக்டர் அப்பவும், இல்லவே இல்லைன்னு சொல்ல, சட்டுன்னு மினிஸ்டர் என்கிட்ட ஆதாரம் இருக்குன்னு சொன்னாராம். என்ன ஆதாரம்னு மேலதிகாரி கேட்க நேத்து நான் போன டிக்கெட்டு இதோ இருக்கு இந்தாங்கன்னு மேலதிகாரிக்கிட்ட கொடுத்தாராம்.

மேலதிகாரி டிக்கெட்ட வாங்கிப் பாத்துட்டு, ஐயா இதுக்கெல்லாம் அவர்மேல நடவடிக்கை எடுக்க முடியாதுன்னு சொல்லி கண்டக்டர அனுப்பிச்சிட்டாராம்.

ஏன் தெரியுமா? ஏன்னா அந்த டிக்கெட்டுல லக்கேஜ்ன்னு எழுதி இருந்துச்சாம். ஆக காங்கிரஸ்காரன லக்கேஜ்ன்னு முதல்முதலா கண்டுபிடிச்சது ஒரு கண்டக்டர் தான்யா”

தலைவரே, இத நான் சொல்லல. வெளியீட்டு கழக செயலாளர் திருச்சி செல்வேந்திரன் சொன்னது. ஒரு கண்டக்டருக்கு தெரிஞ்ச விஷயம், பத்து பதினஞ்சு வாரம் டாப் 10ல முதலிடத்தப் பிடிச்ச உளியின் ஓசை மாதிரி உன்னதமான படம் கொடுத்த உங்களுக்குத் தெரியாம இருக்குமா? அப்புறம் ஏன் இன்னும் இதுகள தூக்கி சுமக்கறீங்க. அதுக்கு இந்த வீரமணி மாதிரி ஆளுகள கூட வெச்சுக்கறது எவ்வளவோ மேல் தலைவரே. ஏன்னா தேவைப்படும்போது Law Point எல்லாம் புடிச்சு கொடுப்பாரு. கூடவே வெச்சிருக்கிற நன்றிக்காக அவரு சந்தோசமா அண்ணா விருதெல்லாம் உங்களுக்குக் கொடுப்பாரு. நீங்களும் அதுக்குப் பதிலா அவருக்கு பெரியார் விருது குடுத்து கௌரவிக்கலாம். குடுத்து வாங்கற உங்களுக்கும் சந்தோஷம் பாத்துட்டிருக்குற ஜனங்களுக்கும் ஒரு சந்தோஷம். ஆனா இந்த லக்கேஜுகளால யாருக்கு சந்தோஷம் சொல்லுங்க பாக்கலாம்.

அப்புறம் தலைவரே இந்த அம்பது அறுபது பவுன்ல உங்களுக்கு வர்ற செயின் மோதிரமெல்லாம் கலைஞர் கருவூலத்துக்கே குடுத்துடறீங்களே தலைவரே. நீங்க உங்களுக்குன்னு ஒன்னாச்சு வெச்சுக்கக் கூடாதா? ஆமா அந்த கருவூலத்தோட வேலை என்னங்க தலைவரே. நீங்க அதுக்கு குடுக்குற நகையெல்லாத்தையும் இரண்டு இரண்டு பவுணா பிரிச்சு நாட்ல நகை போட வக்கில்லாதவ‌ன் பெத்த புள்ளங்களுக்கெல்லாம் நகைபோட்டு கல்யாணம் பண்ணி கொடுக்குறதுங்களா? என்னமோ போங்க தலைவரே உங்களுக்குன்னு நீங்க எதையாவது சேர்த்து வெச்சிக்குங்க தலைவரே! ஏன்னா எங்கப்பன மாதிரி கடைசி காலத்துல எதுவுமே இல்லாம அஞ்சுக்கும் பத்துக்கும் அல்லாடற நெலமைக்கு வந்துடக் கூடாதில்லங்களா? ஆனாலும் நீங்க ரொம்ப அப்பாவியா இருக்கீங்க தலைவரே. சரி அத விடுங்க நம்ம லக்கேஜ் பிரச்சனைக்கு வருவோம். ஆக 67ல் ஆட்சிய பறிகொடுத்துட்டு அட்ரஸ் இல்லாம தொலஞ்சு போன இந்த லக்கேஜூகள ஒவ்வொரு தடவையும் நீங்க ஏன் தூக்கிட்டு அலையனும் அப்பறம் ஏன் முடியாம போய் ஆஸ்பத்திரியில அட்மிட் ஆகனும். யோசிச்சுபாருங்க.

ஏற்கனவே இந்த தமிழ் தேசிய கோஷ்டிகள் எல்லாம் உங்கள கரிச்சு கொட்றாங்க. இலங்கைல ஒன்றரை லட்சம் தமிழர்கள் சாகறதுக்கு உங்க பதவி பயம்தான் காரணம், நீங்க மட்டும் சரியா இருந்திருந்தா, அவங்கள பாதுகாத்திருக்கலாம். இராஜபக்சேவோட சிங்கள பேரினவாதத்துக்கு நீங்களும் மன்மோகன் சிங் அரசும் துணை போறதா குற்றம் சாட்றாங்க.

நீங்க அனுப்பின குழு பண்ண கூத்துல திருமாவளவனுக்கு கதாநாயக வேஷம் கெடைக்கும்னு பாத்தா கடைசீல ராஜபக்சேக்கு அந்த வேஷத்தைக் கொடுத்துட்டு திருமாவ காமெடி பீஸ்ஸாக்கிட்டீங்கன்னு ஒரு பேச்சு பரவலா இருக்கு. “திரும்பி வரும்போது தம்பி திருமாவளவா, மீசையை மழித்துவிட்டு வாடா என் கண்ணேன்னு” ஒரு தந்தியாவது அடிச்சிருக்கலாம் நீங்க. திரும்பி வந்ததுக்கப்புறம் அவர அடையாளமாவது தெரியாம இருந்திருக்கும். அதே நேரத்துல நீங்களும் “நெஞ்சில் தமிழர்தம் நல்வாழ்வெனும் முத்துச் சுமையேற்றி கத்து கடல் சீறிச் செல்கையில் குத்து விளக்கிங்கொன்றை செத்து மடிய விட்டுச் செல்கின்றோம் என நினைப்பாயா தம்பி திருமா எனக் கேட்டேன். அதற்கு அவரும் மாட்டேன் தலைவா உம்மை மறந்தாலன்றோ நினைப்பதற்கு” என கூறிச் சென்றான். ஆனால் அவர் மட்டும் திரும்பவில்லைனு தேனமுதுல எழுதுன மாதிரி எழுதிட்டு நந்தி கடல் முழுக்க தேடியாவது, இல்லை வங்க கடல் முழுக்க சல்லடையிட்டு சலித்தாவது பிரபாகரனின் சடலத்தை பார்த்து கை குலுக்கிவிட்டுதான் திரும்புவான் என் தம்பின்னு கேப்புல கெடா வெட்டி இருக்கலாம். ஆனா அதுக்கெல்லாம் வழியில்லாம அவரு மீசையோட திரும்பிட்டாரு, என்ன பண்ண தலைவரே! அங்க அவரு பேசுன பேச்சு பத்தாதுன்னு இங்கவந்து வேற எழுதறாரு அத வேற நாங்க படிச்சி தொலைக்கணுமான்னு தமிழ் கோஷ்டி கேக்குது என்ன பண்றது தலைவரே.

அவருக்குப் பதிலா நீங்க இந்த சத்தியராஜை அனுப்பி இருக்கலாம். ஏன்னா அவரு இன்னும் மனோகரா வசனத்தையெல்லாம் மனப்பாடமா சொல்லறாரு அட கொஞ்சம் வீராவேசமா பேசியாவது காட்டியிருப்பாரில்லைங்களா தலைவரே. என்ன அவரு நெஜமாலுமே பேசிட்டா சிக்கல்தான் அதுனால அவரு செரிப்பட மாட்டாருன்னு நீங்க நெனச்சிருக்கலாம். எப்படிப் பாத்தாலும் யார்யாரோ பண்ற தப்புக்கெல்லாம் உங்களுக்குதான் கெட்டபேரு வருது, மனசுக்கே கஷ்டமா இருக்குதுங்க தலைவரே. “ஆண்டவரே, இவர்கள் தாம் செய்வது என்னவென்று அறியாமல் செய்கிறார்கள். அவர்களை மன்னித்தருளும்” ன்னு சொன்ன ஏசுநாதருடைய இன்னொரு வடிவமா அன்பின் உறைவிடமா இருக்கிற தலைவரப் பத்தி இப்படி எல்லாம் பேசலாமான்னு கேட்டா “ராஜபக்ஷே தாம் செய்வது என்னவென்று அறியாமல் செய்துவிட்டார். அவரை மன்னித்தருளும் ஆண்டவரேன்னு” கூட உங்க தலைவர் வேண்டுவாருன்னு சொல்றாங்க. உங்கள எல்லாரும் இப்படி பேசுறத கேக்கும்போது என் நெஞ்சே வெடிச்சிரும் போல இருக்குங்க தலைவரே. ஊங்களுக்கு கஷ்டமா இல்லீங்களா தலைவரே.

இதுல இந்த எல்லா விஷயத்தையும் மறைக்கத்தான் நீங்க செம்மொழி மாநாடு நடத்துறீங்க. அதுவும் கோயமுத்தூர் பக்கம் சரிஞ்சு கிடக்கிற கழக மார்க்கெட்டை தூக்கி நிறுத்தத்தான் அதை கோயமுத்தூர்ல நடத்துறீங்கன்னு கூட உங்க மேல பழி சொல்றாங்க தலைவரே. தமிழ் வளர்ச்சியில, தமிழனோட நலத்துல உங்களுக்கு இருக்கிற அக்கறைய யாருமே புரிஞ்சிக்க மாட்டேன்றாங்க. விட்டா எல்.கே.ஜி. பையன் பக்கத்துல இருக்கிற பையன கிச்சுகிச்சு மூட்டுனாலோ இல்ல கிள்ளி வெச்சாலோ கூட இதற்கு காரணம் இந்த கருணாநிதி தான்னு கண்டன பொதுக்கூட்டம் போட்டாலும் போடுவாங்க தலைவரே கொஞ்சம் கவனமா இருங்க.

மாநாட்டு வேலய உட்டு போட்டு மணிகணக்கா உங்களுக்கே எழுதீட்டு இருக்கறேன் மன்னிச்சுருங்க தலைவரே. அப்பறம்… இந்த மாநாட்டுல flex வெக்கறதுக்காக சில வாசகங்கள் எழுதியிருக்கேன் சரியா இருக்கானு நீங்க படிச்சுட்டு பதில் எழுதுங்க தலைவரே

“ தென்னாடுடைய தலைவா போற்றி

என்னாட்டு தமிழனுக்கும் இறைவா போற்றி

இந்திய தமிழனின் முதல்வா போற்றி

ஈழத் தமிழனின் ஈசனே போற்றி

இதுமாதிரி மகத்தான வேலய பார்த்திட்டு இருக்கும்போது கூட உருடியா ஒரு வேலயாச்சும் பண்றியா நீ தண்டசோறு தண்டசோறுன்னு எங்கப்பா திட்டீட்டேதான் இருக்காரு தலைவரே. அணணா பிறந்த நாளுக்கு கைதிகளுக்கு விடுதலை கொடுக்கிற மாதிரி உளியின் ஓசை படத்துக்காக உங்களுக்கு நீங்களே விருது குடுக்கிற இந்த நல்ல நாள்ல் எங்கப்பனையும் மன்னிச்சுருங்க தலைவரே ஏன்னா பாவிகள மன்னிக்கிற பக்குவம் உங்களுக்கு மட்டும்தான் இருக்கு.

இப்படிக்கு

பெற்ற தகப்பனால் தறுதலை என்றழைக்கப்படும்

நன்றி-இரா.செந்தில்குமார்

கருணாநிதிக்கு பால் !

இன்று தன் 96 ஆறாவது வயதில் சேடமிழுத்துக் கொண்டிருக்கும் ஜோதி பாசுவின் நிலை தான் தலைப்புச் செய்தியாயிருக்கின்றது. எத்தனைதான் பெரிய தலைவராயிருந்தாலும் கட்சியின், மக்களின் நம்பிக்கை நட்சத்திரமாய் இருந்தாலும் இறப்பு என்பது எல்லோருக்கும் பொதுவானது தான். அதே நேரம் தனிமையாய் எதிர்கொள்ள வேண்டியதும் பயம் நிறைந்ததும் கூட.

யாரும் விரும்பி வரவேற்க முடியாததும் அதிக பயங்கொள்ள வைப்பதுவும் இறப்புத் தான். எந்த உலக உதவிகளும் உறுதுணையாக இல்லாது கையை விரித்து விடக் கூடியதும் கடுமையாகப் பழி வாங்கக் கூடியதும் நமக்கும் இறப்பு வரும் என்ற எண்ணமும் அதைச் சுற்றி நிற்கும் டாக்டர்கள் உட்பட யாராலும் தடுக்க முடியாது என்ற எண்ணமும் சித்திரவதை செய்தே நம்மைக்கொன்றுபோடக் கூடும்.

இன்று ஜோதி பாசிற்கு வந்திருக்கும் நிலை நாளை நம் கருப்புக் கண்ணாடிக்கும் வரும். 86 வயதில் துள்ளி விளையாடும் கருப்புக் கண்ணாடிக்கு நாளையோ நாளை மறுநாளோ அல்லது இன்னுமொரு ஆகக் கூடியது 10 வருடங்களுக்குள் வரக்கூடுமான ஒரு பிராணாவஸ்தையே இந்த இறப்பு. எனக்கும் இன்னும் முன்னாலோ பின்னாலோ வரக்கூடியதே. அதை எதிர்கொள்ளும் மனநிலையோ எதிர்பார்ப்போ எனக்கில்லாது இருக்கக் கூடும்.

ஆனாலும் எனக்குக் கற்பிக்கப்பட்ட என்னால் பகுத்துணரப்பட்ட எனது பாவ புண்ணிய விகிதாசாரப்படி அது அவ்வளவு கடுமையானதாக இருக்கப்போவதில்லை. அது எப்படியெனில் சனல்4 இல் காட்டப்பட்ட நிர்வாணமாக கண்கட்டப்பட்ட இளைஞர்களின் தலையின் பின்னால் சீறிப்பாய்ந்த துப்பாக்கிக் குண்டுகளைப்போல் நிகழப் போவதில்லை. பெரிய பாவங்கள் செய்த சுமைகளையும் தோளில் சுமந்து கொண்டிருக்கும் பாவியாகவும் நான் தவித்துப் போய் இருக்கவில்லை.

ஆனாலும் உலகிலுள்ள அனைவராலும் அறியப்பட்ட ஐந்து இலட்சம் தமிழ் மக்களின் இறப்பிற்கும் அடித்தளமும் அதற்கான காரியங்களையும் சாத்தியங்களையும் தனது கடிதங்களாலும் தந்திகளாலும் கூட்டிக்கொடுத்த கருணாநிதிக்கு இறைவனின் தீர்ப்பு நெருங்கிக் கொண்டிருக்கின்றது.இன்னும் 10 வருடங்களிலோ அல்லது அதனிலும் மேலாக ஒரு ஐந்து வருடங்களைக் கூட்டி 100 ஆவது வயதிலோ அது நிச்சயம் சாத்தியமாகியே தீரும்.

மரணத்திற்கு அஞ்சாத மாவீரன் இன்னும் உலகில்ப் பிறக்கவில்லை. மனதளவில் பலமுறை இறக்க வைக்கும் கோடூரம் மரண பயத்திற்கே உண்டு.அது வயது சார்ந்து கருணாநிதியை நெருங்கிக் கொண்டிருக்கின்றது. அதே போன்ற ஒரு மரண பயமே தனிக்காட்டு ராஜாவாகச் சுழன்று வந்த சதாமை மண்கூட்டுக்குள் புழுவாகச் சுருக்கி வைத்திருந்தது.வாழ்க்கை என்பதை புரிந்து கொள்ள முடியாத ஒரு விரக்தியில் முடிவாய் இறந்து போனதே சதாமின் அனுபவம். இன்னுமொரு தொடர்ந்த வாழ்வு சதாமுக்கு நல்கப்பட்டிருந்தால் காந்தியையும் விட மேலான தலைவனாக சதாம் மிளிர்ந்திருக்கக் கூடும்.

காசு பணமோ கூடிச் சுகித்திருந்த பெண்டிரோ சுற்றி நின்று கோஷம் போட்ட தொண்டரோ அறியாது கொண்டு போகும் கொடூரம் அந்த மரணத்திற்கே உரியது. அது சுற்றிக் குதூகலிக்கும் அடுத்த தலைவர் வயது காரணமாக நம்ம கருணாநிதியாக இருக்கக் கூடும். அப்போது சோனியாவோ அடுத்து காலன் வரவை எதிர்பார்த்துக் காத்திருக்கும் பிரணாப் முகர்ஜியோ எந்த இந்தியாவின் அக்னி ஏவுகணையையும் ஏவித் தடுத்து விட முடியாதது.

இது சிரிப்பாயில்லையா? தெரிந்திருந்தும் தவறு செய்த கருணாநிதி தானே தேடிக்கொண்டது தான் ஆங்காரம் கொண்ட ஐந்து இலட்சம் பிசாசுகளுடன் வாழும் வரம். ஈழ மண்ணில் குற்றுயிரும் கொலையுயிருமாகக் கொல்லப்பட்டவர்களின் ஆவிகள் அவருக்காகக் காத்திருக்கின்றன.

ஆவிகளை அடித்து விரட்ட ஹலோவீன் டேயில் மேலைத் தேயத்தவர்கள் ஒரு வித துடைப்பத்தைப் பாவிப்பார்கள். ரகுலாவின் தேசமாகிய ரோமானியாவில் வீட்டுக்கதவின் முன்னால் பூண்டுக்கொடியைக் கட்டியிருப்பார்கள். கருணாநிதியின் தனித்த புத்தி சொல்வதைப் போலவே அந்த ஆவிகளுடன் போராடட்டும். அல்லது அந்த ஆவிகளுடனான பயங்கர வாழ்வைப்பற்றி "முரசில்" உடன் பிறப்புகளுக்காக விரிவாக எழுதினால் வெரி சிம்பிளாக உலகில் மனிதாபிமானம் மலரத் தொடங்கி விடும்.



" நாம் யாரையும் ஏமாற்றவும் இல்லை, துரோகம் இழைக்கவும் இல்லை. ஆனால் எம்மை யாரும் ஏமாற்றினால் அல்லது துரோகம் இழைத்தால் நாம் பதிலடி கொடுக்கத் தயங்கமாட்டோம்."

எதிரி முதன்மை செய்தியாளர் சிறுத்தை

தமிழகத்தில் நடக்கும் ரவுடி ராஜ்ஜியம் - கவர் ரிப்போர்ட்

தமிழகத்தில் குறிப்பாக தென் மாவட்டங்களில் கடந்த சில நாட்களாக ரவுடிகளின் அட்டகாசம் குறிப்பிடத்தக்க அளவுக்கு அதிகரித்துள்ளது.

மக்கள் நடமாட்டம் உள்ள பகுதிகளில் நடுவீதியில் பகல் நேரத்திலேயே ரவுடிக்கும்பல் நடத்திய கொலை சம்பவங்கள் கடந்த 10 நாட்களில் மட்டும் 6க்கும் மேற்பட்ட இடங்களில் நடந்துள்ளன.

பல இளைநர்கள் சினிமாவை பார்த்து தமது எதிர்காலத்துக்கு ரவுடி பாதையே சிறந்தது என முடிவு செய்கிறார்கள் தமிழகத்தின் இந்த நிலைக்கு தமிழ் சினிமாவும் மிக முக்கிய காரணம். இந்தி படத்திலோ ஆங்கிலப்படத்திலோ தமிழ் அளவிற்கு ரவுடிகளை மைய்யப்படுத்தி படங்கள் ஏடுப்பதில்லை . ரவுடியாயிருந்தால் மக்களிடத்தில் மரியாதை வரும் என்ற விஷத்தை தமிழ் சினிமா விதைக்கிறது


வாய்க்கால் வரப்பு சண்டை, சொத்துத்தகராறு போன்றவற்றில் நடக்கும் படுகொலைகள் தவிர்க்கமுடியாதது எனக் கருத வாய்ப்புண்டு. ஆனால் சமிப காலமாக நடுரோட்டில் பட்டப்பகலில் ரவுடிகள் களமிறங்கி, கொலைக் குற்றங்களில் ஈடுபடுவது சர்வ சாதாரணமாகி விட்டது இதை பற்றிய பகலவன் குழுமத்தின் ஒரு ரிப்போர்ட்.

கொடுமையின் உச்ச கட்டமாக நேற்று நெல்லை அருகே போலீஸ் எஸ்.ஐ ஒருவரே கொடூரமாக ரவுடிகளால் வெட்டிக்கொல்லப்பட்டுள்ளார். சினிமா காட்சிகளை மிஞ்சும் அளவுக்கு ரவுடிக்கும்பல் திட்டமிட்டு பயங்கர ஆயுதங்களை கொண்டு போலீஸ் அதிகாரியை துடிக்க துடிக்க வெட்டிக் கொன்றுள்ளனர்.

ஒரு போலீஸ் சப்-இன்ஸ்பெக்டருக்கே இந்த நிலை என்றால், சராசரி மனிதனின் பாதுகாப்புக்கு அங்கே என்ன உத்தரவாதம் இருக்கிறது என சம்பவம் நடந்த இடத்தில் பொதுமக்கள் முணுமுணுத்தனர்.

கொலை சம்பவ இடத்தை சுடச்சுட மாநில அமைச்சர்களே பார்வையிட்டுள்ளனர். எந்த பின்னணியில், யாருடைய ஆதரவுடன் இத்தனை துணிச்சலாக பட்டப்பகலில் பொதுமக்கள் நடமாட்டமுள்ள பகுதிகளிலேயே களமிறங்கி படுகொலைகளை செய்கிறார்கள் என்ற கேள்வி எழுகிறது.

பலமான போலீஸ் படையையும், உளவு மற்றும் புலனாய்வுத் துறைகளையும் நிர்வகித்து வரும் தமிழக அரசுக்கு இந்த சமூகவிரோத கும்பலின் பின்னணியை கண்டறிந்து ரவுடிசத்தை வேரறுக்க ஏன் முன்வரவில்லை என்ற கேள்வி சாதாரண பொதுமக்களுக்கு எழுந்துள்ளது.

நேற்றைய தினம் போலீஸ் எஸ்.ஐ படுகொலை செய்யப்பட்டதற்கு சற்று முன்பு புதன்கிழமை நாகர்கோவிலில் பெருவிளை மோகன் என்ற பிரபல ரவுடி இதே போல் நடுரோட்டில் கூட்டாளிகளால் சரமாரியாக வெட்டிக் கொல்லப்பட்டான்.

கடந்த 1996ம் ஆண்டு நாகர்கோவில் சிறையில் புகுந்து ரவுடி லிங்கத்தை வெட்டிய வழக்கில் குற்றவாளியாக சேர்க்கப்பட்டவன் பெருவிளை மோகன். நடுவீதியில் ஏதோ சினிமா ஷூட்டிங் நடத்துவது போல சாதாரணமாக 'போட்டுத்தள்ளிவிட்டு' நழுவியது மற்றொரு ரவுடி கும்பல்.

இந்த சம்பவத்துக்கு இரண்டு நாள் முன்பும் இதே போலவே சென்னை தரமணி அருகே 11 பேர் கொண்ட ரவுடிக்கும்பல், ஜெயபதி என்ற தங்களின் விரோதியை நடுரோட்டில் சுற்றி வளைத்து சராமரியாக வெட்டி சாய்த்தனர்.

அதே போல் கடந்த 28ம் தேதி நாகர்கோவிலை அடுத்த பூச்சிவிளாகத்தைச் சேர்ந்தவர் ஜெயக்குமாரை ரோட்டில் நடந்து வந்துகொண்டிருந்த போது, ரவுடிகள் அரிவாளால் சரமாரியாக வெட்டினார்கள்.

ஜெயக்குமார் உடலில் 35 இடங்களில் வெட்டுப்பட்டு ரத்த வெள்ளத்தில் கீழே சரிந்து துடிதுடித்து இறந்தார். பல்வேறு அடிதடி மற்றும் கொலை முயற்சி வழக்குகளில் தொடர்புடைய ஜெயக்குமார் போலீஸ் தேர்வு கூட எழுதியிருக்கிறார்.

இதேபோல் டிசம்பர் 21ம் தேதி தண்டையார்பேட்டையில் சிறைதண்டனை முடிந்து வெளியே வந்த முருகன் என்ற ரவுடியை ஆட்டோவில் வந்த மர்ம கும்பல், பயங்கர ஆயுதங்களுடன் ஓடஓட விரட்டி வெட்டியது.

ரத்தவெள்ளத்தில் முருகன் சாய்ந்ததும், ஆட்டோவில் கும்பல் தப்பியது. இதுவும் ரவுடிகளின் முன்விரோதத்தால் நடந்த கொலை என கூறப்பட்டது.

இதற்கிடையே, மதுரையில் பிரபல ரவுடியை கொன்று, அவரது வீட்டுக்கு அருகே பிணத்தை புதைத்த சம்பவமும் அரங்கேறி இருக்கிறது.

இவ்வாறு தொடர்ச்சியாக ரவுடிகளின் படுகொலை காட்சிகள் தமிழகத்தில் பரவலாக அரங்கேறி வருகின்றன. கடந்த 10 நாட்களில் மட்டும் 6க்கும் மேற்பட்ட சம்பவங்கள் இதுபோல நடந்துள்ளன. சென்னையில் மட்டும் 350 புதிய ரவுடிகள் இந்த ஆண்டு களத்தில் இறங்கியருப்பதாக பேட்டி வேறு கொடுத்திருந்தார்கள் போலீசார்.போலீஸ் ஒரு ரவுடி என்பதால் தான் இந்தப்பிரச்சினை.

ரவுடிகள் தங்களுக்குள் அடித்து சாகட்டுமே என போலீஸ் 'சிறப்பு வியூகம்' அமைத்து வேடிக்கை பார்க்கிறதா அல்லது ரவுடிகள் உண்மையில் சுதந்திரமாக தங்களின் தாதா ராஜ்ஜியத்தை நடத்துகிறார்களா என்பது ஆட்சியாளர்களுக்கே வெளிச்சம்.

திருடர்கள் முன்னேற்ற கழக ஆட்சியில் இது சாதாரணம் .கருணாநிதி பிறந்த நாளன்று சிறையிலிருந்து பத்து ரௌடிகள் விடுதலை செய்யப்படுவார்கள்.
ஜெ அராஜக ஆட்சியில் தருமபுரி பேருந்தில் எரிக்கப்பட்ட கல்லூரி மாணவிகளை எரித்த ரவுடிகளை ஜெ. ஆட்சியில் காப்பாற்ற முயற்சித்த கதை ஊரே அறிந்த விஷயம்.இன்னும் நீதிக்காக அந்த பெற்றோர்கள் நிதிமன்ற வாசலில் காத்திருப்பதுதான் பரிதாபத்திலும் பரிதாபம்.

மக்களே, நீங்கள் காசை வாங்கிகொண்டு வோட்டை போட்டீர்கள் இப்பொழுது அவர்கள் செலவு இல்லாமலேயே சினிமா கிளைமாக்ஸ் காட்டுகிறார்கள். இந்திய தொலைகாட்சியில் முதல் முறையாக என்று இன்னும் நிறைய காட்டுவார்கள் அதை இலவச தொலை காட்சியில் பார்த்துகொண்டு அடிமையாக வாழ வேண்டியதுதான் .

பகலவன்

அரசு கேபிள் TV வெளி வராத உண்மை நடந்தது என்ன ?

பெரும் எதிர்பார்ப்புடன் ஆரம்பிக்கப்பட்ட அரசு கேபிள் டிவி கழகம் இப்போது முடங்கிப் போய் விட்டது. இந்த நிறுவனத்திற்காக மக்கள் பணம் ரூ. 50 கோடி வீணாகிப் போனதுதான் மிச்சம் என்று கேபிள் டிவி ஆபரேட்டர்கள் புலம்புகிறார்கள்.

சன் டிவி குழுமத்துக்கும் முதல்வர் கருணாநிதியின் குடும்பத்தினருக்கும் இடையே பிரச்சனை ஏற்பட்டதைத் தொடர்ந்து சுமங்கலி கேபிள் விஷனுக்கு (எஸ்.சி.வி) போட்டியாக மதுரையில் மத்திய அமைச்சர் அழகிரி ராயல் கேபிள் விஷன் என்ற நிறுவனத்தை போட்டியாக தொடங்கினார்.

தென் மாவட்டங்களில் எஸ்.சி.வி வசம் இருந்து வந்த கேபிள் டிவி ஆபரேட்டர்கள் இதில் சேருமாறு கட்டாயப்படுத்தப்பட்டதாக அப்போது குற்றச்சாட்டு எழுந்தது.

இந் நிலையில் எஸ்.சி.வியை முடக்க தமிழக அரசே கேபிள் டிவி சானல்களை தரும் வகையில், அரசு கேபிள் டிவி கார்ப்பரேஷனைத் தொடங்கியது. படுவேகமாக இதில் கேபிள் டிவி ஆபரேட்டர்களை இணைக்கும் பணிகளும் முடுக்கி விடப்பட்டன.

ஆனால் மாறன் சகோதரர்கள் குடும்பத்தினருக்கும், முதல்வர் குடும்பத்தினருக்கும் திடீரென சமரசம் ஏற்பட்டு விட்டதால் அரசு கேபிள் டிவி கழகம் முடங்கிப் போய் விட்டது.

பல கோடி பணத்தை செலவழித்து வாங்கப்பட்ட அதி நவீன சாதனங்கள் உள்ளிட்டவை தூசி படிந்து போய்க் கொண்டிருக்கின்றன. இந்த கேபிள் டிவி கார்ப்பரேஷனுக்காக இதுவரை அரசு ரூ. 50 கோடியை செலவிட்டுள்ளதாம். அத்தனையும் வீண் என்று கேபிள் டிவி ஆபரேட்டர்கள் புலம்புகின்றனர்.

அரசு கேபிள் டிவி கார்ப்பரேஷனின் ஆலோசனைக் குழு இதுவரை ஒரே ஒரு முறைதான் கூடியுள்ளதாம். தற்போது இந்த கழகம் கிட்டத்தட்ட கோமா நிலைக்குப் போய் விட்டது

அரசு கேபிள் டிவி கழகத்தை தமிழகம் முழுவதும் வியாபித்து பரப்பும் வகையில்தான் அரசு திட்டமிட்டது. இதற்காக தஞ்சாவூர், கோவை, வேலூர், நெல்லை ஆகிய இடங்களில் அதி நவீன சாதனங்களுடன் கூடிய மையங்கள் அமைக்கப்பட்டன.

தமிழகத்தின் அனைத்துப் பகுதிகளையும் கவர் செய்யும் வகையில் நவீன ஆப்டிகல் பைபர் கேபிள்களும் கூட பதிக்கப்பட்டன. பல கோடி ரூபாய் மதிப்புள்ள செட் டாப் பாக்ஸ்களை வாங்கவும் திட்டங்கள் வகுக்கப்பட்டன.

மேலும், 75 சேனல்களுக்கு 100 ரூபாய் (இதில் 22 கட்டண சானல்களும் அடக்கம்) என்று அரசு நிர்ணயித்த கட்டணம், ஆபரேட்டர்களையும், பொதுமக்களையும் வெகுவாக கவர்ந்தது. ஆனால் எல்லாம் இப்போது புஸ்வாணமாகிப் போய் விட்டது.

இதுகுறித்து கோவையைச் சேர்ந்த கேபிள் டிவி ஆபரேட்டரும், அரசு கேபிள் டிவி ஆபரேட்டர்கள் சங்க நிர்வாகியுமான யுவராஜ் கூறுகையில், அரசு விதித்த கட்டுப்பாடுகள் விதிமுறைகளை நாங்கள் ஆட்சேபிக்கவே இல்லை. மேலும், அது எங்களுக்கு உடன்பானதாகவும் இருந்தது. எங்களது தொழிலுக்குப் பாதுகாப்பு கிடைக்கும் வகையிலும், சிறந்த முறையில் அதை செய்யும் வகையிலும் இருந்தது.

முதலில் சன் குழுமம் தனது முக்கிய சானல்களை அரசு கேபிள் டிவிக்குத் தர மறுத்ததால்தான் பிரச்சனை உருவானது. இருப்பினும் கடந்த ஆண்டு பிப்ரவரி மாதம் அதுவும் கூட ஒரு வகையில் சரி செய்யப்பட்டது. இருப்பினும் தற்போது அரசு கேபிள் டிவி கழகம் முடங்கிப் போயிருப்பது பெரும் வருத்தத்தைத் தருகிறது என்றார்.

எஸ்.சி.வி., ஆர்.சி.வி இடையிலான சண்டை முற்றிய நிலையில், அரசு கேபிள் டிவி கழகம் காலெடுத்து வைத்த நிலையில் எஸ்.சி.வியைப் போலவே இன்னொரு முக்கிய எம்.எஸ்.ஓவான ஹாத்வே தனது சேவையை நிறுத்திக் கொண்டது. பின்னர் மீண்டும் அது திரும்பி வந்தது. ஆனாலும் நிலைமை இன்னும் மோசமாக இருந்தாதல் தற்போது அது மீண்டும் திரும்பிப் போய் விட்டது.
நன்றி தட்ஸ் தமிழ்

பின் குறிப்பு :

உலக மகா திருடன்கள் மாறன்குடும்பத்தினர்.இவ்வளவு திருடியும் ஜெயா மேடம் அறிக்கை எதுவும் விடவில்லை.ஜெயா மேடத்திற்கும் மாருதி ஒம்னியில் பெட்டிகள் வைத்து அனுப்ப பட்டதாக செய்திகள் கசிந்துள்ளது.அதனாலேயே ஜெயா கப்சிப்.

பகலவனின் புலம்பல் :
ஒரு குடும்பமே ஆட்சி பண்ணா இப்படி தான் ஆகும். என்ன பண்ண மக்கள் எப்போ பணம் பார்த்து வாக்களிக்க ஆரம்பிச்சாங்களோ அப்பவே நாமேதான் நம்மளுக்கு ஆப்பு வச்சிகிட்டோம் .இதுவெல்லாம் மாறாது.....

....பகலவன்....