பொன்சேகா நள்ளிரவில் கைது - தர தரவென இழுத்து செல்லப்பட்டார்

இலங்கை அதிபர் தேர்தலில் எதிர்க்கட்சிகள் சார்பில் பொது வேட்பாளராக நிறுத்தப்பட்ட முன்னாள் படைத் தளபதி ஜெனரல் சரத் பொன்சேகா திங்கள்கிழமை இரவு திடீரென்று கைது செய்யப்பட்டார்.​ கொழும்பு நகரில் பொன்சேகாவும் அவருடைய பத்திரிகைச் செயலர் சேனக டிசில்வாவும் அலுவலக வேலைகளைப் பார்த்துக் கொண்டிருந்தபோது அவருடைய வீட்டைச் சூழ்ந்துகொண்ட ராணுவப் போலீஸôர் அவர்கள் இருவரையும் கைது செய்தனர்.​ அதிபர் மகிந்த ராஜபட்சவையும் அவருடைய குடும்பத்தாரையும் கொலை செய்ய சதி செய்ததாகவும் ஆட்சியைக் கவிழ்க்க சந்தர்ப்பத்தை எதிர்பார்த்ததாகவும் உங்கள் மீது கிரிமினல் குற்றச்சாட்டுகள் உள்ளன,​​ எனவே உங்களைக் கைது செய்கிறோம்;​ எங்களுடன் ஒத்துழைப்பதுதான் உங்களுக்கு நல்லது என்று மிரட்டும் தொனியிலும் எச்சரிக்கும் தொனியிலும் ராணுவப் போலீஸ் அதிகாரி கூறினார்.​ பொன்சேகா கைது செய்யப்பட்டபோது அந்த இடத்தில் அசாதாரணமான நிலைமை காணப்பட்டது.​ கைதுக்கு ​ முன்பாக அவர் எதிர்க்கட்சித் தலைவர்கள் 3 பேருடன் ஆலோசனை நடத்திக் கொண்டிருந்தார்.​ அப்போது அவரை ராணுவ வீரர்கள் வலுகட்டாயமாக கைது செய்து அழைத்துச் சென்றனர்.​ சம்பவ இடத்தில் நிருபர்கள்,​​ புகைப்படக்காரர்கள் யாரும் அனுமதிக்கப்படவில்லை.​ பகலில் கைது ​ செய்தால் பொன்சேகாவின் ஆதரவாளர்கள் வீதிகளில் வந்து சாலை மறியல் போன்றவற்றில் ஈடுபட்டு சட்டம்,​​ ஒழுங்கைச் சீர்குலைக்கக் கூடும் என்று கருதியே இரவில் கைது செய்திருப்பதாக அரசியல் நோக்கர்கள் கூறுகின்றனர்.​ ராணுவச் சட்டப்படி கைது செய்து குற்றம் சாட்டியிருப்பதாலும் ராணுவப் போலீஸôரே கைது நடவடிக்கையை மேற்கொண்டிருப்பதாலும் வழக்கு விசாரணையும் ராணுவ நீதிமன்றத்திலேயே நடக்கவிருப்பதால் சரத் பொன்சேகாவுக்கு இனி என்ன நேரும் என்று அவருடைய ஆதரவாளர்கள் அச்சப்படுகின்றனர்.​​ இனி அவருடைய ஆதரவாளர்களையும் அரசு வேட்டையாடும் என்ற அச்சமும் நிலவுகிறது.​ பொது வேட்பாளராக நின்றதோடு,​​ மகிந்த ராஜபட்சவும் அவருடைய தம்பிகளும் கோடிக்கணக்கில் பொதுப்பணத்தைக் கொள்ளை அடிப்பதாகவும் ஆட்சிக்கு வந்தால் இந்த ஊழல்களை அம்பலப்படுத்துவேன் என்றும் பொன்சேகா தன்னுடைய பிரசாரத்தில் பேசிவந்தார்.​ அத்துடன்,​​ ராணுவத்திடம் சரண் அடைய வந்த விடுதலைப் புலிகள் பற்றி தனக்குத் தகவலே தெரிவிக்காமல் மகிந்தவின் தம்பியே அவர்களைக் கொல்ல உத்தரவிட்டிருக்கலாம் என்றும் அவர் பிரசாரத்தின்போது கூறியிருந்தார்.அதையடுத்து மகிந்தவையும் அவருடைய தம்பியையும் போர்க்குற்றவாளிகளாக அறிவித்து விசாரிக்க வேண்டும் என்ற கோரிக்கைக்கு வலு ஏற்பட்டது.​ இதனால் ஆத்திரம் அடைந்த மகிந்த ராஜபட்ச,​​ இந்தப் புகாருக்காக பொன்சேகா மீது தேசத்துரோக வழக்கே தொடுக்கப்பட வேண்டும் என்று கூறியிருந்தார்.இப்போது அவர் மீது தொடுக்கப்பட்டுள்ள குற்றச்சாட்டுகளைப் பார்க்கும்போது பொன்சேகாவின் வழக்கு விசாரணை ரகசியமாகவும் விரைவாகவும் நடத்தி முடிக்கப்பட்டு அதிகபட்ச தண்டனையும் வழங்கப்படலாம் என்று தெரிகிறது.​ இலங்கை ராணுவத்திலிருந்து பாதியில் விட்டு ஓடிய ராணுவ வீரர்களுக்கு அவர் புகலிடம் கொடுக்கிறார் என்ற குற்றச்சாட்டும் அவர் மீது கூறப்பட்டுள்ளது.​ அவர்களைக் கொண்டுதான் ஆட்சிக்கவிழ்ப்பு முயற்சியில் அவர் இறங்க திட்டமிட்டிருந்தார் என்றும் வழக்கு போடப்படலாம் என்று தெரிகிறது.

ராணுவத்தினரால் கைது செய்யப்பட்டுள்ள அவர் மிகவும் தரக்குறைவாக நடத்தப்பட்டார் பொன்சேகா என்று தகவல்கள் தெரிவிக்கின்றன.

மேலும், ராணுவத்தினரால் தர தரவென இழுத்து செல்லப்பட்ட பொன்சேகாவை ரகசிய இடத்தில் வைத்து ராணுவ போலீசார் விசாரித்து வருவதாக தகவல்கள் தெரிவிக்கின்றன.

அநாதை அகதி நாய் பயலுகளா : இந்தியப் பொலிசார் வார்த்தைக

நாடு இல்லாத அகதி நாய்களுக்கு பாவம்னு இடம் குடுத்தா விடுதலையாம்ல வேணும், என்று கூறி தமிழ் நாட்டுப் பொலிசார் செங்கல்பட்டு சிறப்புமுகாமில் இருக்கும் ஈழத் தழிர்களை அடித்துள்ளனர் என சம்பவதை நேரில் கண்டவர் ஒருவர் அதிர்வு இணையத்திற்குத் தெரிவித்துள்ளார். கருணாநிதி தலைமையில் இயங்கும் தமிழ் நாடு அரசின் கோரத்தாண்டவத்தின் உச்சக்கட்டமே இது. இந்திரா கங்கிரசுடன் இணைந்து இவர்கள் ஈழத் தமிழினத்தின் கருவறுக்கத் துணிந்துவிட்டனர். தமிழகப் பொலிசார் பேசிய விதம் பின்வருமாறு:

என்னடா விடுதலை வேண்டிக் கிடக்குது உங்களுக்கு அனாதப் பயலுகளா? நாடு இல்லாத அகதி நாய்களுக்கு பாவம்னு இடம் குடுத்தா விடுதலையாம்ல வேணும்? கிடைக்குற சோரத் தின்னுபுட்டு கிடங்கடா அகதிப் பயலுகளா…..செங்கல்பட்டில் ஒலித்த அதிரடிப்படை அதிகாரி ஒருவரின் குரலில் தான் எத்தனை கம்பீரம், எத்தனை சிறப்பு!!! ஓசிச் சோறு திங்கற உங்களுக்கு என்னடா விடுதலை??? இதுதான் தமிழகக் காவல்துறை ஈழத் தமிழ் மக்கள் மீது அடிக்கும்போது பேசியவார்த்தைகள்.

வாழ்ந்த வீடும் இழந்து, வாழ்வதற்கு இருந்த நம்பிக்கைகளும் இழந்து உப்புச் சப்பற்ற பல்வேறு குற்றச்சாட்டுகளை தங்கள் வாழ்க்கையின் நிரந்தர அடையாளமாய்ச் சுமந்து திரியும் ஈழத் தமிழ் அகதிகள் கடைசியில் தமிழகத்திலேயே வைத்து தாக்கப்பட்டிருப்பது வேதனைக்குரியது மட்டுமன்றி கடுமையான கண்டணத்திற்குரியது, ஒவ்வொரு தமிழனும் வெட்க்கி தலைகுனியவேண்டிய ஒன்று.

ஒரு உணர்ச்சி மிக்க இந்தியன் புலம்பல்:

இந்த தேசத்தில், நீங்கள் வங்கிகளைக் கொள்ளையடித்து குற்றம் சுமத்தப்பட்டிருந்தால் உங்களுக்கு நாங்கள் பத்ம பூஷனோ, இல்லை பத்மஸ்ரீயோ கொடுத்துக் கொண்டாடி இருப்போம், உங்கள் குற்றங்களை எங்கள் தேசிய மலக்கிடங்கில் மறைத்து சிதம்பரம் ஐயாவின் வேட்டியைப் போட்டு மறைத்து விடுவோம், நீங்கள் பாவம் வாழ வழியின்றித் தொப்புள் கொடி உறவுகளைத் தேடி வந்தீர்கள், இங்கே பணிபுரியும் காவல்துறை அதிகாரிகளையும் நீங்கள் உங்கள் உறவுகள் என்று கருதி விட்டீர்கள், அவர்களுக்கு கூட்டணி தர்மங்களையும், ஆட்சிக் கட்டில்களையும் காப்பாற்றும் மிக உன்னதமான பணி இருக்கிறது, இந்திய இறையாண்மையை அலுங்காமல் பாதுகாக்கும் அளப்பரிய பணிக்கு இடையூறாக உங்கள் போராட்டம் இருக்குமேயானால் இப்படித்தான் அடிப்பார்கள், அது முள்ளிவாய்க்காலோ இல்லை செங்கல்பட்டோ எதுவாய் வேண்டுமானாலும் இருக்கலாம், வேறுபாடின்றிப் பேரினவாதத்தின் தடிகள் இப்படித்தான் இறங்கும்.

அதிரடிப்படைத் தாக்குதல் நடத்தப்பட வேண்டுமானால் அதற்கு மாவட்ட அளவில் இருக்கும் உயர் அதிகாரிகளின் அனுமதி பெறப்பட வேண்டும், மிகுந்த உணர்வுப் பூர்வமான சிக்கல்கள் நீடிக்கும் ஒரு ஏதிலிகளின் சிறப்பு முகாமில் இது போன்ற தாக்குதல் நடத்தப்பட வேண்டுமாயின் அதற்கு உறுதியாகத் தமிழக அரச தலைவர்களின் வாய்மொழி உத்தரவாவது பெறப்பட்டிருக்க வேண்டும், என்கிற நிலையில் இது அனுமதி பெற்று நடத்தப்பட்ட ஒரு தாக்குதல் என்றே கருத இடமிருக்கிறது.

நீங்கள் ஏழைகளுக்கு வழங்கும் அரிசியைக் கடத்திப் பிழைப்பு நடத்தும் ஒருவராக இருந்தால் உங்களை நாங்கள் ஏற்றுமதியாளர் என்று சிறப்புச் செய்து விரைத்த காவல்துறை வணக்கம் வைப்போம், நீங்களோ பாவம் உழைக்கவும், பொருள் ஈட்டவும் வழி இல்லாத ஈழத் தமிழர்களாய்ப் போனீர்கள், உங்களை அடித்துத் துவைப்பதைத் தவிர எங்களுக்கு வேறு வழியில்லை.

நீங்கள் மணல் கொள்ளை நடத்தி மானம் கேட்ட வாழ்வு நடத்தும் மதிகெட்டவராக இருந்தால் உங்களுக்கு சாமரம் வீசி வரவேற்கும் அல்லக்கைகளாக நாங்கள் இருந்திருப்போம், நீங்களோ பாவம், பிழைக்கவே வழி இல்லாத பஞ்சப் பரதேசிகள் ஆனீர்கள், உங்களை எப்படி நாங்கள் விட்டு வைப்போம் உரிமைகள் கேட்க????

இவை எல்லாம் போக நீங்கள் தமிழர்களாய் அல்லவா போனீர்கள், தமிழர்களுக்கு வாக்களிக்க உரிமையுண்டு, தேர்வு செய்ய உரிமையுண்டு, ஏனென்றால் நீங்கள் தேர்வு செய்வதற்கு அவர் பணம் அல்லவா கொடுக்கிறார், சோற்றுப் பொட்டலங்களுக்கு வோட்டுப் போடும் சோரம் போன நமக்கு யாரையும் கேள்விகள் கேட்கும் அதிகாரமெல்லாம் எதற்கு??

யாரையும் குறை சொல்லிப் புலம்பிக் கொண்டு திரிவதில் எந்தப் பயனும் இல்லை உறவுகளே, இனி ஒவ்வொரு ஈழத் தமிழ்க் குடிமகனும் அவனுடைய குழந்தைகளும் கல்வியிலும், பொருளாதாரத்திலும் தன்னிறைவு காணும் நிலை பெறப்பட வேண்டும், காலம் வழங்கிய அநீதியைத் துடைத்து வரலாற்றில் வெற்றி

பெற்ற இனமாக மாறும் வெறியோடு உழைப்பதும் திட்டமிட்டு ஒருவருக்கொருவர் உதவும் நோக்கோடு பயணம் செய்வது

பயன் தரும். புலம் பெயர்ந்த மக்கள் நடத்தும் பகட்டு விழாக்களைக் குறைத்து, ஈழத்தின் பெயரில் வாழ்க்கையும் அரசியலும் நடத்தும் போலி வேடதாரிகளைப் பல லட்சம் செலவு செய்து அழைப்பதை விடுத்து இனி வருங்காலங்களில் பொருளாதார ரீதியில் வலுவிழந்து காணப்படும் உறவுகளை கைதூக்கி விடுவதிலும், கல்வி மற்றும் சமூக ரீதியில் இளைய தலைமுறையை மேன்மைப்படுத்தும் பணிகளில் ஈடுபடுவதிலும் தான் முகாம்களில் வாடும் ஏதிலிகளின் வாழ்க்கை உள்ளடங்கி இருக்கிறது.


செய்வார்களா புலம் பெயர் உறவுகள்??

நன்றி

அதிர்வு

 

எவ்வளவு திமிர் அல்லது தெனாவட்டு இந்த ராஜ பக்சே அரசிற்கு.

எவ்வளவு திமிர் அல்லது  தெனாவட்டு இந்த ராஜ பக்சே அரசிற்கு.

 

இலங்கையை பொறுத்தளவில் அதன் முழு முதல் அல்லது தலையாய பிரச்சினை, தமிழர் சிங்கள இன பிரச்சினை தான் . அங்கே தமிழ்கள் அனைவரும், தமிழர்கள் வாழ்விற்காக குரல் கொடுத்த அமைப்புகள் , புலிகள் முதலானவர்கள் பயங்கரவாதிகளாக உலகிற்கு காட்டப்பட்டு  கூடூரமான முறையில் கொல்லப்பட்டார்கள் . சிங்களவர்களுக்கு இருந்த ஒரே பாதுகாப்பு கேடயம் , அரசாங்கம் அல்லது அரசு .

 

அந்த அரசு பயங்கரவாத அரசு என்பது இப்போது தெளிவாய் பல நாடுகளிற்கு தெரிந்தாலும் , இந்தியா போன்ற முட்டாள் தேசங்கள் பல இன்னும் இலங்கையின் நன்மைக்காக பாடு படுகின்றன .

 

போரின் பொது சிறை பிடிக்கப்பட்ட மூன்று லக்ஷம் பேரை இன்னும் இலங்கை அரசு விடுவிக்கவில்லை அல்லது அதற்க்கான எந்த முகாந்திரமும் தெரியவில்லை .

 

போரில் கைப்பற்றப்பட்ட போராளிகள் யார் என்ற விவரங்கள் தெரியவில்லை . யார் உயிரோடு இருக்கிறார்கள் என்று கூட தெரியவில்லை .

 

பின்னர் எந்த தைரியத்தில், உலக தமிழர்கள், புனரமைப்புக்கு உதவ வேண்டும் என்று கோருகிறார்கள் . அது உண்மையில் யாருடைய புனரமைப்பிர்ற்கு உதவ போகிறது . ?

 

தமிழனை மூன்று அரசாங்கனகள் இன்னும் அதி தீவிர முட்டாள் என்றே நினைக்கின்றன , ஒன்று இலங்கை அரசு மற்றொன்று இந்திய அரசு மற்றொன்று இந்தியாவில் உள்ள மற்றொரு அரசு !

 

செய்தி :

 

விடுதலைப்  புலிகளுடனான போரினால் சீர்குலைந்த வடக்குப் பகுதியில் நடைபெறும் வளர்ச்சிப் பணியில் பங்கேற்க வாருங்கள் என்று வெளிநாடு வாழ் ஈழத்தமிழர்களுக்கு இலங்கை அரசு அழைப்பு விடுத்துள்ளது.

அந்நாட்டின் வெளியுறவுத் துறை அமைச்சர் ரோகித பொகலகாம வெள்ளிக்கிழமை இந்த அழைப்பை விடுத்தார்.

 

மேலும் அவர் கூறியது:

30 ஆண்டுகாலம் புலிகளுடன் தொடர்ந்து நடந்த போரினால் நாட்டின் வடக்குப் பகுதி   முற்றிலும் பாதிக்கப்பட்டுள்ளது.  அப்பகுதிக்கும் உலக நாடுகளுக்கும் இடையேயான தொடர்பு துண்டிக்கப்பட்டுள்ளது.  இதனால் நாட்டின் பொருளாதார வளர்ச்சியும் முடங்கியுள்ளது.

 

தற்போது அப்பகுதி புலிகளிடம் இருந்து மீட்கப்பட்டுள்ளதால் அப்பகுதியில் வளர்ச்சிப் பணி முழுவீச்சில் நடைபெற்று வருகிறது.  சுற்றுலா,   மீன்பிடித் தொழில்,   வேளாண்மை உள்பட பல்வேறு துறைகளை மேம்படுத்த அரசு அடையாளம் கண்டுள்ளது.

 

யாழ்ப்பாணத்தில் மொத்தம் 6 லட்சம் பேர் வசிக்கின்றனர்.  இவர்களின் வாழ்க்கைத் தரத்தை மேம்படுத்த நடவடிக்கை எடுக்கப்பட்டு வருகிறது.

 

வடக்குப் பகுதியின் வளர்ச்சிப் பணியில் பங்கேற்க வெளிநாடு வாழ் தமிழர்கள் ஆர்வமாக உள்ளார்கள். 

இதை அரசு அறியும்.  முதலீடுகளை செய்து வளர்ச்சிப் பணியில் பங்கேற்க விரும்பும் வெளிநாடு வாழ் தமிழர்களை அரசு வரவேற்கிறது. 

 

வெளிநாடு வாழ் ஈழத்தமிழர்களிடம் இருந்து மட்டுமல்லாது உலக நாடுகளிடம் இருந்தும் அரசு முதலீடுகளை வரவேற்கிறது. 

 

முதலீடுகளை ஈர்க்கும் விதத்தில் வடக்குப் பகுதியின் உள்கட்டமைப்பு மேம்படுத்தப்படும்.  யாழ்ப்பாணம் தகவல் தொழில்நுட்ப மையமாக உருவாக்கப்படும். 

 

அங்கு துணைத் துதரகத்தை அமைக்கும் பணி நடந்து வருகிறது என்றார் ரோகித பொகலகாம.

ராஜ பக்சே வெற்றி தமிழர்களை கொன்றதற்கு அல்லது இன அழிப்பு செய்ததிற்கு சிங்களவனின் பரிசு ?

ராஜ பக்சே வெற்றி தமிழர்களை கொன்றதற்கு அல்லது இன அழிப்பு செய்ததிற்கு சிங்களவனின் பரிசு ?

இலங்கை தீவின் அதிபர் தேர்தலில் ஆளும் அதிபர் ராஜபக்சே மற்றும் பொன் செகாவிர்க்கும் இடையில் நடந்த தேர்தல் போட்டியில் ராஜ பக்சே மீண்டும் வெற்றி பெற்றுள்ளார்.

ஊடகங்கள் கணித்த பொன்சேகாவின் வெற்றி பொய்யாகி உள்ளது. இது ஊடக வழி வந்த கணிப்பினால நடந்தது . களத்தின் நிலைமை, களத்தின் அட்டகாசங்களை, உண்மைகளை காரணமாய் கொண்டு யாரும் கணிக்க இயலவில்லை.

ஆனால் யார் வெற்றி பெற்றாலும் தமிழர்களுக்கான வாழ்வும் உரிமையும் இன்னும் உறுதிபடுத்தபடவில்லை.

சரத் வெற்றி பெற்றிருந்தால் சிங்களவனிற்கு பிடிக்காத செயலை அதாவது தமிழர் இன அழிப்பை ராஜ பக்சே செய்தான் என்று சொல்லி இருக்கலாம் . ஆனால் அதிபரே திரும்பவும் வென்றிருப்பது , சிங்களவனுக்கு பிடித்த செயலைத்தான் அதிபர் செய்தார் என்ற பார்வையையும் நாம் பார்க்கவேண்டி உள்ளது.

சிங்களவனின் நோக்கம் தமிழன் அங்கே இருக்க கூடாதென்பதில் தெளிவாய் ஒவ்வொரு சிங்களனும் உள்ளான் .

தமிழன் சாவதை அரசியல் லாபமாய் மாற்ற பார்க்கிறது இந்திய அரசு . எரிகிற கொள்ளியில் பிடுங்கியது லாபம் என்ற நோக்கில் சீன உள்ளது .

தமிழ் நாட்டில் தமிழர்களை காப்போம் என்று அரசியல் கோடுகளை மீறி யாரும் வெளியில் வரவில்லை. பல கட்சிகள் ஈழதமிழர் பார்வையில் , இன்னும் தெளிவில்லாமல்தான் உள்ளன.

ஈழ தமிழர் விடயத்தில், சூழலுக்கு ஏற்ப காட்சிகளையும் கொள்கைகளையும் மாற்றி பேசுகின்றன.

இந்திய அரசின் பிடியை மீறி தமிழக அரசு ஏதும் இலங்கையில், தமிழர் நன்மைகளை செய்த மாதிரி தெரியவில்லை. நிவாரண பொருட்களை அனுப்பியதை தவிர .

பல விடயங்களை நோக்கும் பொது உலக தமிழர் ஒன்று பட வேண்டிய காலம் இது. உலகம் முழுதும் உள்ள தமிழர்கள் ஒன்று பட்டு கோரிக்கைகளை போராட்டங்களை முன்னெடுக்காவிட்டால் இலங்கை தீவில், ஈழத்தில் ஒரு தமிழனும் வாழ முடியாது இது நிச்சயம்.

இதுதான் சிங்களவன் காட்டிய போலி பிரபாகரன் புகைப்படங்கள் !

விடுதலைப் புலிகள் இயக்கத் தலைவர் பிரபாகரன் கொல்லப்பட்டு விட்டார். இதுதான் அவருடைய உடல் என்று இலங்கை சில படங்களையும், வீடியோவையும் வெளியிட்டது. ஆனால் இலங்கை காட்டிய அந்த இறந்த உடலைப் போலவே அச்சு அசலாக இருக்கும் இலங்கை ராணுவ வீரர் ஒருவரின் வீடியோ படம் வெளியாகி புதிய பரபரப்பை ஏற்படுத்தியுள்ளது.

கடந்த ஆண்டு மே 18ம் தேதி நடந்த இறுதிப் போரின்போது பிரபாகரன் தப்பி ஓட முயன்றார். ஆனால் எங்களது ராணுவத்தினர் சுட்டுக் கொன்று விட்டனர் என்று கூறியது இலங்கை அரசு. இதையடுத்து உடல் மீட்கப்பட்டதாக பின்னர் கூறி உடலையும் காட்டியது.

ஆனால் இது பெரும் சர்ச்சைகளை ஏற்படுத்தியது. இது நிச்சயம் பிரபாகரனே இல்லை என்று ஈழ அபிமானிகள் திட்டவட்டமாக கூறினர். இதுதொடர்பாக இன்னும் சர்ச்சை தொடர்ந்து கொண்டுதான் உள்ளது.

இந் நிலையில் சிங்கள ராணுவத்தின் வீடியோ காட்சி ஒன்று வெளியாகியுள்ளது. அதில் ஒரு ராணுவ வீரர் சக வீரர்களுடன் நின்று கொண்டிருக்கிறார். அந்த வீரர் அப்படியே சாட்சாத், பிரபாகரன் உடல் என்று இலங்கை ராணுவம் வெளியிட்ட உடலின் உருவத்துடன் ஒத்துப் போகிறார்.

இந்த வீடியோவை தமிழ்வின் இணையம் வீடியோ மற்றும் புகைப்படங்களுடன் வெளியிட்டுள்ளது.

http://www.tamilwin.com/

என்னதான் நடக்கும் நடக்கட்டுமே.. இருட்டினில் நீதி மறையட்டுமே... தன்னாலே வெளிவரும் தயங்காதே.. ஒரு தலைவன் இருக்கிறான் மயங்காதே!

கூப்பிடும் தூரத்தில் என் தமிழ் சகோதரர்கள் இருக்கிறார்கள் என்று சொல்லி வாழ்ந்த நம் சுற்றத்தாரை நாம் காப்பாற்ற முயலவில்லையே..! அதை எண்ணி எண்ணி வெட்கபடுவோம்... அடுத்த சில வினாடிகளில் அதை மறந்து விடுவோம்... வாழ்க தமிழனின் ஒற்றுமை... ஒன்று மட்டும் யோசித்து பாருங்கள் ஒரு நாயை கல்லால் அடித்து பார் மற்ற நாய்களும் உன்னை பார்த்து குரைக்கும் எனபது மட்டும் நம் பழமொழி உண்டு எனபது நிதர்சனமான உண்மை...

....பகலவன்....

இலங்கையின் குள்ள நரித்தனம் -காணொளி

ஜனாதிபதி தேர்தல் நெருங்கி வரும் வேளையில் நடந்திருப்பது சிவாஜிலிங்கம் எம்பி அவர்களின் தற்போதைய நிலைப்பாடான மகிந்தாவுக்கு முண்டுகொடுத்து காப்பது போன்ற ஒரு தோற்றப்பாட்டை காண கூடியதாக உள்ள சூழலில் இந்த மரணத்தையும் மரணச்சடங்கையும் சிறீலங்காவின் மகிந்தாவின் அரசும் சிவாஜிலிங்கம் எம்பியும் அரசியல் ஆக்கி குளிர்காய்வதாய் தெரிகின்றது.

[காணொளி]

நன்றி மீனகம்

கோத்தபாயாவின் மனைவி பெரும்தொகை நிதியுடன் சிறீலங்காவில் இருந்து தப்பி ஓட்டம்.

சிறீலங்காவில் எதிர்வரும் அரச தலைவருக்கான தேர்தலில் மகிந்த ராஜபக்சவுக்கு சாதகமான முடிவுகள் வரும் என்ற நம்பிக்கைகள் அரச தரப்பில் குறைந்து வருவதால் பாதுகாப்பு செயலாளர் கோத்தபாயாவின் மனைவி பெரும்தொகை நிதியுடன் ஆசிய நாடு ஒன்றுக்கு தப்பி சென்றுள்ளதாக தெரிவிக்கப்படுகின்றது. இது தொடர்பில் மேலும் தெரியவருவதாவது: சிறீலங்கா அரச தலைவருக்கான தேர்தல் எதிர்வரும் 26 ஆம் நாள் நடைபெறவுள்ள நிலையில் எதிர்க்கட்சிகளின் பொதுவேட்பாளர் ஜெனரல் சரத் பொன்சேகாவுக்கான ஆதரவுகள் நாளுக்கு நாள் அதிகரித்து செல்கின்றன. இதனை தொடர்ந்து அரச தரப்பில் உள்ள பலரும் வெளிநாடுகளுக்கு தப்பி செல்ல முயன்று வருகின்றனர் எனவும் அரச ஊடகங்களின் தலைவர்கள் பலர் அவுஸ்திரேலியாவுக்கு செல்ல நுளைவு அனுமதிகளை பெற்றுள்ள அதே சமயம் பாதுகாப்பு செயலாளரின் மனைவியும் நாட்டைவிட்டு தப்பி சென்றுள்ளார் எனவும் கொழும்புச்செய்திகள் தெருவிக்கின்றன. பாதுகாப்பு செயலாளர் கோத்தபாயாவின் மனைவி பெயர் குறிப்பிடாத ஆசிய நாடு ஒன்றிற்கு முதலில் சென்றுள்ளதாகவும், அதனை தொடர்ந்து அவர் வேறு ஒரு நாட்டுக்கு செல்ல உள்ளதாகவும் அலரிமாளிகை வட்டாரங்கள் தெரிவித்துள்ளன. அவர் தன்னனுடன் அதிகளவு பணத்தை எடுத்துச் சென்றுள்ளதாகவும் தெரிவிக்கப்படுகின்றது. மேலும் தன்வசம் உள்ள ஏனைய நிதிகளையும் வெளிநாடுகளில் உள்ள வங்கிகளுக்கு மாற்றுவதற்கு கோத்தபாயா நடவடிக்கைகளை மேற்கொண்டு வருவதாக தெரிவிக்கப்படுகின்றது. நன்றி, வருடல்

"கேபி' என அழைக்கப்படும் செல்வராஜா பத்மநாதன் நல்லவரா கெட்டவரா?

"இலங்கை ராணுவத்துக்கும், விடுதலைப் புலிகளுக்கும் இடையே நீண்ட காலமாக நடந்து வந்த போர், கடந்த மே மாதம் முடிவுக்கு வந்தது. இதையடுத்து, வெளிநாட்டில் தலைமறைவாக இருந்த, "கேபி' என அழைக்கப்படும் செல்வராஜா பத்மநாதன், புலிகள் அமைப்பின் சர்வதேச பொறுப்பாளராக நியமிக்கப்பட்டார்.ஆனால், அடுத்த சில மாதங்களிலேயே, மலேசியாவில் ஓட்டல் ஒன்றில் இருந்த, "கேபி' யை, இலங்கை பாதுகாப்பு அதிகாரிகள் கைது செய்து, கொழும்புக்கு அழைத்து வந்தனர்.அவரிடம் நடத்திய விசாரணையில், புலிகளுக்கு சொந்தமாக ஐந்து கப்பல்கள் உள்ளதும், ஏராளமான வங்கி கணக்குகள் உள்ளதும் தெரியவந்துள்ளதாக, இலங்கை அரசு சார்பில் அறிவிக்கப்பட்டது."

மேற்கண்ட செய்திக்கு வாசகர் ஒருவரின் விமர்சனமே இங்கு நமது தலையங்கமாகிறது.

சிரிப்பு வருகிறது...சட்ட விரோத செயல்களை பற்றி பேச இலங்கை அரசிற்கு என்ன தகுதி இருக்கிறது? ரசாயன ஆயுதங்களையும் க்ளஸ்டர் குண்டுகளையும் போராளிகளின் மேலும் பொதுமக்களின் மேலும் வீசி கொன்ற இவர்கள் எதிர்த்து பேச ஆள் இல்லை என்ற தைரரியத்தில் புலிகளின் பயங்கரவாதத்தை நிரூபிக்க போகிறார்களாம்... போராளிகள் இல்லாத ஈழம் இப்போது எப்படி இருக்கிறது? போருக்கு பின் எத்தனை பேர் காணமல் போனார்கள் என்பதை சொல்வார்களா? முகாம்களில் இருந்த புலிகள் எப்படி சித்ரவதை செய்யப்பட்டார்கள் என்பதையும் சொல்வார்களா? மாண்டவர்களுடன் புணர்ந்த ராணுவம் அல்லவா உங்களுடையது! இவர்களின் அரசியலுக்கு புலி என்ற சொல் ஓட்டு வாங்க தேவை, அதை மீண்டும் மீண்டும் சொல்லிக்கொண்டே இருப்பார்கள்.. புலிகள் இருந்த போது இரண்டாக பிளவுபட்ட இலங்கை இன்று வல்லரசுகளால் பல கூறுகளாக போகிறது.. "

கருணாவை போல கேபி யா அல்லது கேபி உண்மையான போராளியா என்பது விரைவில் தெரியும் . அது மட்டும் இப்போது புரிகிறது.

இலங்கை அதிபர் தேர்தல்-தமிழர் வாக்கு பேய்க்கா? பிசாசுக்கா? பூதங்களுக்கா?

தமிழர் இந்தத் தேர்தலைப் புறக்கணிப்பதா...? அல்லது தமக்கான ஒரு வேட்பாளரை நிறுத்துவதா...? அத்தோடு - முதலாவது வாக்கைத் தமது வேட்பாளருக்கும் இரண்டாவது வாக்கை பேய்க்கோ அல்லது பிசாசுக்கோ அளிப்பதா...? என்பது பற்றிய புதினப்பார்வை.

சிறிலங்கா அரச அதிபர் தேர்தலில் தமிழ் மக்கள் பங்கெடுப்பது பற்றி ஒரு தெளிவற்ற நிலை காணப்படுகிறது.

சிறிலங்காவின் அரச அதிபருக்கான தேர்தல் முறையில் ஒரு விசாலமான பரப்புண்டு.

இரு பெரும் சிங்கள வேட்பாளர்களுமே இனவாதிகள் என்ற வகையில் இருவருக்கும் இடையிலான வேறுபாடு பேய்க்கும் பிசாசுக்கும் இடையிலான வேறுபாடு தான்.

இந்த முறை நிகழவுள்ள தேர்தலில் தமிழர்களின் வாக்குகள், அதிபர் ஆகப்போவது எவர் என்பதைத் தீர்மானிக்கக் கூடிய நிர்ணயகரமான வாக்குக்களாய் உள்ளன.

இந்த நிலையில் சிறிலங்காவின் அதிபர் தேர்தல் முறையில் காணப்படும் வாய்ப்பான அம்சங்கள் எவையென விளங்கிக் கொள்ள வேண்டியது அவசியம்.

சிறிலங்காவின் அதிபர் தேர்தல் முறையின் கீழ் அளிக்கப்பட்ட செல்லுபடியான மொத்த வாக்குகளில் 50 வீதத்திற்கு மேற்பட்ட வாக்குகளைப் பெறும் ஒருவரே அரச அதிபர் ஆக முடியும்.

எந்தவொரு பிரதான சிங்கள வேட்பாளரும் பெற வேண்டிய 50வீதத்திற்கு மேல் வாக்குகளைப் பெறாத நிலைமை ஏற்பட்டால் முன்னிலையில் இருக்கும் இரு போட்டியாளர் தவிர்ந்த ஏனைய வேட்பாளர்கள் பெற்ற வாக்குச்சீட்டில் அளிக்கப்பட்ட இரண்டாவது விருப்புரிமை வாக்குகள் கணக்கிலெடுக்கப்படும்.

தமிழ் மக்கள் தேர்தலினைப் புறக்கணிக்கும் நிலையிலோ அல்லது அவர்களது வாக்களிப்பு வீதம் குறைவாக இருக்கும் நிலையிலோ - போட்டியிலிருக்கும் பேய் அல்லது பிசாசு மிக இலகுவாக 50வீத எல்லையினைத் தாண்டிவிட வாய்ப்புக்கள் அதிகமாக உண்டு.

அதில் கூடிய வாக்குகளைப் பெற்றிருக்கும் ஒருவர் முதல் சுற்றில் அரச அதிபர் ஆகி விடுவார்.

இத்தகைய நிலைமையில் - தமிழர்கள் தங்கள் வாக்குகளினைத் திட்டமிட்டு மூலோபாயத்துடன் பயன்படுத்தினால் பல நல்ல விளைவுகளினைத் தமக்குச் சார்பாக ஏற்படுத்த முடியும்.

தமிழர்கள் தமக்கென ஒரு பிரதிநிதியை நிறுத்தி தங்களது வாக்குகளினை ஒருங்கிணைந்த முறையில் அவருக்கு அளித்தால் சிங்கள வேட்பாளர் எவரும் 50 வீதத்திற்கு மேற்பட்ட வாக்கைப் பெறாது முதற் சுற்றில் தோல்வி அடைந்துவிடுவர்.

தமிழர்கள் தமது வேட்பாளருக்கு முதலாவது வாக்கை மட்டும் அளித்திருந்து இரண்டாவது விருப்புரிமை வாக்கினைப் பயன்படுத்தாமல் விட்டால் - அவர்களின் வாக்குகள் இரண்டாவது சுற்று எண்ணிக்கையின் போது செல்லுபடி அற்றதாக ஆக்கப்பட்டுவிடும்.

அந்த நிலையில் - அளிக்கப்பட்டுள்ள மிகுதி வாக்குகளில் இரண்டாவது விருப்புரிமை எண்ணப்பட்டு - 50 வீதத்திற்கு மேலான வாக்குகளைப் பெறும் ஒருவர் இரண்டாவது சுற்று வாக்கு எண்ணிக்கையின் போது அரச அதிபர் ஆவார்.

சிங்களவர்களை 77வீத மக்கள் தொகையாகக் கொண்ட சிறிலங்காவின் தேர்தல் முறையில் - முதலாவது, இரண்டாவது என பல வாக்குகளை அளிக்க கூடிய ஏற்பாடு அரசியல் யாப்பில் உள்ளதால் - தமிழர்கள் தமது இரண்டாவது வாக்கை என்ன செய்வதெனத் தீர்மானிக்க இடமுண்டு.

இரு பெரும் சிங்கள இனவாத வேட்பாளர்களுக்கு எதிராகத் தமிழர்கள் தமது வேட்பாளருக்கு வாக்களிப்பதன் மூலம் இனவாதத்திற்கு எதிரான தமது எதிர்ப்பைத் தெளிவாகப் பதிவு செய்யலாம்.

அதே வேளை - தமது பலத்தையும் ஐக்கியத்தையும் உலகிற்கு நிரூபிக்கலாம்.

தேர்தலைத் தமிழர் புறக்கணித்தால் - தமிழர் வாக்குகளை இனவாதிகள் தமது தேவைக்கு ஏற்றவாறு சூறையாடி விடுவார்கள்.

தேர்தலில் பங்கேற்று, தமது சார்பில் ஒருவரைப் போட்டிக்கு நிறுத்தி, முதலாவது வாக்கை அவருக்கு அளித்துவிட்டு - பேய்க்கும் பிசாசுக்கும் இடையில் யாரையாவது ஒருவரைத் தெரிவு செய்ய வேண்டும் என்று தமிழர் கருதினால் - தமது இரண்டாவது வாக்கை பேய்க்கோ அல்லது பிசாசுக்கோ அளிப்பதன் மூலம் இரண்டாம் சுற்று வாக்கெடுப்பின் போது தாம் விரும்பிய ஒருவரை அதிபராக ஆக்கிவிட முடியும்.

ஒரு பேச்சுக்கு, முதலாவது சுற்றில் பேய் 45 வீதமான வாக்குகளையும், பிசாசு 42 வீதமான வாக்குகளையும் பெறுவதாக வைத்துக் கொள்வோம்; அப்படி வரும் போது இருவரும் தோல்வி அடைந்துவிடுவர்.

அதே வேளை - தமிழர்களின் வாக்குகள் இரண்டாம் சுற்றில் சேர்க்கப்படும் போது, தமிழர்கள் தமது இரண்டாவது விருப்புரிமை வாக்கை பிசாசுக்கு அளித்திருந்தால் - ஆகக் குறைந்தது 9 வீதமான வாக்குகளை பிசாசின் வாக்குடன் கூட்டினால் - சிங்கள வாக்காளரின் முதலாவது கூடிய வாக்கைப் பெற்ற பேயை வீழ்த்திவிட்டு, இரண்டாவது கூடிய வாக்குகளைப் பெற்ற பிசாசு வென்றுவிடும்.

இதன் மூலம் - சிங்களவரின் விருப்பத்திற்கு மாறான ஒருவரை சிறிலங்காவின் அரச அதிபர் ஆக்கக் கூடிய வாய்ப்பு தமிழர்களுக்கு இந்தத் தேர்தல் முறையில் உண்டு.

எனவே - தமிழர் தேர்தலைப் புறக்கணிப்பதா?... தமிழர் ஒரு பொது வேட்பாளரை நிறுத்துவதா?... அப்படி ஒரு பொது வேட்பாளரைத் தமிழர் நிறுத்தினால் முதலாவது வாக்கை மட்டும் அளிப்பதா?... அல்லது, இரண்டாவது வாக்கையும் அளித்து தமது விருப்பத்திற்கு பொருத்தமான பேய் அல்லது பிசாசை அரச அதிபர் ஆக்குவதா?... என்ற கேள்விகளுக்குத் தமிழர் விரைந்து பதில் காண வேண்டும்.

முன்னணிப் போட்டியில் இருக்கும் இரண்டு சிங்கள வேட்பாளர்களுக்கு இடையே ஒருவரைத் தந்திரோபாய ரீதியில் தெரிவு செய்யவேண்டும் என்கின்ற நிர்ப்பந்தத்தின் போது யாரைத் தோற்கடிப்பது என்பதுவே தமிழ் மக்களின் தீர்மானமாக இருக்க வேண்டும்.

அதே சமயத்தில் - தமிழர்கள் எல்லோரும் சேர்ந்து பேயைத் தோற்கடிப்பதற்காக பிசாசுக்கு வாக்களிக்க வெளிப்படையாக முடிவெடுத்தால், சிங்களவர்கள் எல்லோரும் சேர்ந்து பேய்க்கு வாக்களித்து பேயை வெல்ல வைக்கக்கூடிய ஆபத்தும் உண்டு; அதனையும் கருத்தில் எடுக்க வேண்டும்.

தற்போது போட்டியின் முன்னணியில் இருக்கும் இரு சிங்கள வேட்பாளர்களும் தமிழ் மக்களுக்கு சார்பாக எதனையும் செய்வார்கள் என்று மனக் கோட்டை கட்ட முடியாது.

தங்கள் மீது பாரிய இனப்படுகொலை யுத்தத்தினை நிகழ்த்திய முதன்மைக் குற்றவாளிகளைத் தண்டிப்பதற்கு அனைத்துலக சமூகத்தின் முன் கோரிக்கை வைப்பதற்கு முன்பு - தண்டனை வழங்கத் தமக்குக் கிடைத்த வாய்ப்பினைத் தமிழர்கள் பயன்படுத்தி குற்றவாளியினைத் தண்டிக்க வேண்டும்.

அதே வேளை - பேயோ? அல்லது பிசாசோ? என்று தேர்வு செய்யும் போது - அவற்றுக்குப் பின்னாலே இருக்கின்ற பூதங்களையும் தமிழர்கள் கருத்தில் கொள்ள வேண்டும்.

பேயையும் பிசாசையும் விடவும் அந்தப் பூதங்கள் தான் எல்லா வல்லமையும் மிக்கவை; ஆபத்தானவை.

அந்தப் பூதங்களின் நலன்களையும் கருத்தில் எடுத்து, தமது நலன்களையும் கருத்தில் எடுத்து - எந்தப் பூதத்தைப் பகைத்துக்கொண்டால் தமக்கு நல்லது, எந்தப் பூதத்தோடு நட்புக் கொண்டால் தமக்குக் கெட்டது என்பதையும் தமிழர்கள் கணக்கிட வேண்டும்.

ஆனால் - எதைச் செய்வதானாலும் மிக முக்கியமானது என்னவெனில் - தமிழர்களிடத்தில் ஒற்றுமை வேண்டும்.

இந்தத் தடவையாவது, திரும்பவும் சொல்லுகிறோம், இந்தத் தடவையாவது, எங்களுக்குள் ஐக்கியம் வேண்டும்; இணக்கப்பாடு வேண்டும்.

விடுதலைப் புலிகளின் பிரசன்னம் இல்லாமல் போய்விட்ட நிலையில் - இனியும் புலிகளைச் சாட்டிக் கொண்டு ஆளுக்கு ஒரு பக்கமாக இழுத்துக்கெண்டு இருக்காமல் - ஒற்றுமை பேண வேண்டும்.

ஏனென்றால் - இந்தத் தேர்தல், தெளிவாக - மிகத் தெளிவாக - தமிழ் மக்களின் நலன் மட்டுமே சார்ந்தது; விடுதலைப் புலிகளின் பங்கு அல்லது தாக்கம் இதில் இருக்கப் போவதேயில்லை.

என்ன முடிவு எடுத்தாலும் - அதை ஒன்றாய்ச் சேர்ந்து எடுத்து - தமிழ் கட்சிகள் எல்லாமும், தமிழ் பேசும் மக்கள் எல்லோரும் - அந்த முடிவோடு ஒன்றித்து நிற்க வேண்டும்.

இந்தத் தடவை ஒற்றுமையாகச் செயற்படவில்லை என்றால் - இனி எந்தத் தடவையும் தமிழர்கள் எதையும் சாதிக்க முடியாது.

இதுவரை நடந்துகொண்ட முறைகளுக்கு என்ன காரணம் வேண்டுமானாலும் சொல்லலாம்; ஆனால், இந்தத் தடவை ஒற்றுமையாக இருக்க மறுப்பவர்கள் - கேள்விக்கிடமற்ற வகையில் மக்கள் பணிக்கு அருகதை அற்றவர்களே தான்.

(குறிப்பு: தமிழர்கள் என நாம் இங்கு குறிப்பிடுவது - தமிழைத் தாய் மொழியாகக் கொண்டுள்ள இஸ்லாமிய, கத்தோலிக்க, இந்து மற்றும் வேறு மதங்களைச் சேர்ந்த மக்கள் எல்லோரையும் உள்ளடக்கிய தமிழ் தேசிய இனத்தைச் சேர்ந்த மக்களையேயாகும்.)

- புதினப்பார்வை,

வரலாற்றின் வரலாறு!

....பகலவன்....

கண்ணீர் தேசம்- வெளி வராத உண்மை....

....பகலவன்....